Read Caribbean Javanese Yéhèskièl 40 Bible Online

Yéhèskièl 40 - Caribbean Javanese bible

Yéhèskièl 40

¹Ing taun sing kaping selawé sakwisé kita pada dibuwang ya kuwi ing wiwitan taun, ing tanggal sepuluh sasi kuwi, ing taun sing kaping patbelas sakwisé kuta kuwi dikalahké, ing dina kuwi uga pangwasané GUSTI ngwasani aku, aku digawa

²menyang negara Israèl ing sak njeruhné wahyuné Gusti Allah lan aku dipapanaké ing gunung sing duwur banget. Ing nduwur kono ing ngarepku ana rupa-rupané kaya kuta.

³Aku terus digawa mrana. Terus ana sakwijiné wong lanang sing kétok kaya tembaga, tangané nyekel tali lenan lan teken; wong lanang kuwi ngadek ing gapura.

⁴Wongé terus ngomong marang aku: “Hé, anaké manungsa, delengen karo tliti, rungokna lan gatèkna sing tenan samubarang kabèh sing bakal tak duduhké marang kowé; awit ya kuwi perluné enggonmu digawa mréné, ya kuwi supaya aku nduduhké kuwi kabèh marang kowé. Kabèh sing kok deleng iki tyeritakna marang turunané Israèl.”

⁵Lan ing sak njabané griya ana témboké mubeng ngubengi griya kuwi. Tangané wong lanang mau nyekel teken ukuran, sing dawané nem éluh ing kéné pada karo éluh lumrah luwih sak èpèk-èpèk tangan. Wong lanang mau terus ngukur témboké, kandelé sak teken lan duwuré sak teken.

⁶Bareng teka ing gapura sing madep mengétan, terus munggah ing undak-undakané lan ngukur ngarepé gapura ketemu ambané sak teken.

⁷Terus ngukur kamar penjagan, dawané sak teken, ambané sak teken, nanging leté kamar penjagan siji lan sijiné ana limang éluh. Ngarepé lawangé gapura ing sisih njeruh, sing tyedak karo kamaré gapura kuwi sak teken.

⁸Terus ngukur kamaré gapura: wolung éluh,

⁹lan kabèh témboké rong éluh; kamar kuwi ing sisih njeruh.

¹⁰Ing sak kiwa-tengené gapura sisih wétan mau ana kamaré penjagan telu-telu sing ukurané pada, nanging tyagaké témbok ing sisih loro-loroné ukurané ya pada.

¹¹Terus ngukur bolongané gapura: ambané sisih njeruh sepuluh éluh lan ambané sisih njaba telulas éluh.

¹²Pérangané ngarep kamar-kamar penjagan mau sisih kiwa tengen ana témboké let-leté, ambané sak éluh. Nanging ukurané kamar penjagan kuwi malang-mujuré enem éluh.

¹³Terus ngukur gapura, wiwit payon kamar penjagan sing siji tekan payon mburi kamar penjagan sijiné, ngliwati lawangé let-leté loro-loroné: ambané selawé éluh.

¹⁴Kamaré gapura uga diukur: rong puluh éluh; ing sak ubengé kamar kuwi ana platarané.

¹⁵Wiwit ngarep gapura njaba nganti tekan kamar sisih njeruh: sèket éluh.

¹⁶Ing sak ubengé gapura kuwi ing pérangan njeruh ana tyendéla-tyendélané karo kayu ditumpuk, ya kuwi ing kamar-kamar penjagan lan ing témbok-témboké, mengkono uga ing kamaré gapura. Tyagak-tyagaké témbok karo gambar wit kurma ukir-ukiran.

¹⁷Aku terus digawa ing plataran njaba lan ing sak ubengé plataran kono ana kamar-kamaré, gunggungé telung puluh. Lan kamar-kamar kuwi ing sak nduwuré jogan watu.

¹⁸Jogan watu kuwi ing sak kiwa-tengené gapura, tyotyok karo dawané gapura. Kuwi jogan watu ing ngisor.

¹⁹Ambané plataran mau terus diukur wiwit sangka sisih njeruhné gapura ngisor nganti tekan sisih njabané gapura njeruh: 100 éluh. Piyambaké terus mlaku ing ngarepku ngalor

²⁰lan ing kono ana gapura sing madep ngalor, ing plataran njaba. Amba-dawané terus diukur.

²¹Kamaré penjagan telu sisih kéné lan telu sisih kana, tyagak-tyagaké témbok lan kamaré gapura ukurané pada karo gapura kaping pisan: dawané sèket éluh lan ambané selawé éluh.

²²Tyendéla-tyendélané, kamaré gapura lan gambar-gambaré wit kurma ukurané uga pada karo gapura sing madep mengétan. Wong bisané munggah mrana ngliwati undak-undakan pitu, nanging kamaré gapura ing sisih njeruh.

²³Ing plataran njeruh ana gapurané sing adep-adepan karo gapura lor, kaya gapura wétan; piyambaké terus ngukur wiwit gapura sing siji tekan gapura ngarepé: 100 éluh.

²⁴Sakwisé mengkono aku terus digawa ngidul, ing kono ana gapura sing madep ngidul; kamar-kamaré penjagan, tyagak-tyagaké témboké lan kamar-kamaré gapurané terus diukur, ukurané pada waé karo liyané.

²⁵Ing sak ubengé gapura kono lan ing kamaré gapurané ana tyendéla-tyendélané, sing pada karo liyané; gapura kuwi dawané sèket éluh lan ambané selawé éluh.

²⁶Undak-undakané mrana ana pitu, nanging kamaré gapura ing sisih njeruh. Gapura kuwi ing tyagak-tyagaké témboké, uga ana gambaré wit kurma ukir-ukiran, ing sisih kéné sak uwit ing sisih kana sak uwit.

²⁷Ing pérangané plataran njeruh sisih kidul uga ana gapurané. Piyambaké terus ngukur wiwit gapura sing siji tekan gapura ngarepé ing sisih kidul: 100 éluh.

²⁸Aku terus digawa menyang plataran njeruh ngliwati gapura kidul lan piyambaké terus ngukur gapura kuwi, ukurané pada waé karo liyané.

²⁹Kamar-kamaré penjagan, tyagak-tyagaké témboké lan kamaré gapura ukurané pada waé karo liyané. Ing sak ubengé gapura mau lan ing kamaré gapurané ana tyendéla-tyendélané; dawané gapura kuwi sèket éluh nanging ambané selawé éluh. -

³⁰Ing sak ubengé ana kamar-kamaré, dawané selawé éluh lan ambané limang éluh. -

³¹Kamaré ing plataran njaba lan ing tyagak-tyagaké témboké ana gambaré wit kurma ukir-ukiran, nanging undak-undakané munggah ana wolu.

³²Aku terus digawa menyang plataran njeruh sisih wétan lan piyambaké terus ngukur gapura ing kono, kedadian ukurané pada waé karo liyané.

³³Kamar-kamaré penjagan, tyagak-tyagaké témbok lan kamaré gapura ukurané pada waé karo liyané. Ing sak ubengé gapura lan kamaré ana jendélané; gapura kuwi dawané sèket éluh lan ambané selawé éluh.

³⁴Kamaré ing plataran njaba lan ing tyagak-tyagaké témboké ana gambaré wit kurma ukir-ukiran, manggon ing sisih kéné lan ing sisih kanané, nanging undak-undakané munggah ana wolu.

³⁵Aku terus digawa menyang gapura lor, gapura iki terus diukur, kedadian pada waé karo liyané.

³⁶Kamar-kamaré penjagan, tyagak-tyagaké témboké lan kamaré ukurané pada waé karo liyané lan ing sak ubengé ana tyendéla-tyendélané; gapura kuwi dawané sèket éluh, ambané selawé éluh.

³⁷Kamaré ing plataran njaba lan ing tyagak-tyagaké témboké ana gambaré wit kurma ukir-ukiran, ing sisih kéné lan ing sisih kana, nanging undak-undakané munggah ana wolu.

³⁸Ing kono uga ana kamaré siji, sing lawangé ing kamar, kuwi panggonan kanggo ngumbah kurban obongan.

³⁹Ing sak njeruhné kamar kono ing sisih kéné ana méjané loro, kuwi kanggo mbelèh kurban obongan, kurban ngluwari dosa lan kurban denda.

⁴⁰Ing sisih kiwané kamar sisih njaba ana méjané loro, lan ing sisih tengené kamar kuwi uga ana méjané loro.

⁴¹Dadi ing gapura kono ing sisih kiwa lan ing sisih tengené ana méjané papat-papat, kabèhé ana wolu; kuwi kanggo mbelèh kurban.

⁴²Uga ana méjané papat menèh kanggo kurban obongan, sing digawé sangka watu tatahan. Dawané siji setengah éluh, ambané siji setengah éluh lan duwuré sak éluh. Kuwi kanggo ndèkèk piranti mbelèh kurban obongan lan kurban sing dibelèh.

⁴³Ing sak ubengé kamar kono ana tyantèlan-tyantèlané sing dawané sak èpèk-èpèk tangan; lan méja-méja kuwi kanggo nyèlèhké daging kurban.

⁴⁴Aku terus digawa menyang plataran njeruh, ing kono ana kamaré loro, sing siji ing sandingé gapura lor, madep ngidul, sijiné sandingé gapura kidul, madep ngalor.

⁴⁵Aku terus diomongi mengkéné: “Kamar sing madep ngidul iki panggonané para imam sing nindakké kuwajipané ing griya sutyi,

⁴⁶lan kamar sing madep ngalor kuwi panggonané para imam sing nindakké kuwajipané ing mesbèh. Kuwi kabèh turunané Sadok lan ya mung golongan iki sangka tunggalé turunané Lèwi sing dililani tyedak karo GUSTI perlu nganakké pangabekti.”

⁴⁷Plataran njeruh terus diukur: kuwi pesagi, dawané 100 éluh, ambané uga 100 éluh; mesbèhé ing ngarepé griya sutyi.

⁴⁸Aku terus digawa menyang kamaré griya sutyi, lan piyambaké terus ngukur tyagak-tyagaké témboké: kandelé ing sisih kéné limang éluh ing sisih kana uga limang éluh, ambané lawangé patbelas éluh, nanging témboké ing sandingé telung éluh.

⁴⁹Griya sutyi kuwi dawané rong puluh éluh, ambané rolas éluh. Wong sing munggah mrana ngliwati undak-undakan sepuluh lan sak tyedaké tyagaké témbok loro-loroné ana tyagaké menèh loro, ing sisih kéné siji ing sisih kana uga siji.