Read Caribbean Javanese Hoséa 3 Bible Online

Hoséa 3 - Caribbean Javanese bible

Hoséa 3

¹GUSTI ngomong marang aku: “Kowé lungaa menèh lan nrésnanana sakwijiné wong wadon, sing seneng dadi lonté lan laku bédang, kaya GUSTI uga trésna marang para wong Israèl, senajan Israèl pada nyingkur marani allah liyané lan kesenengané emplèk-emplèk kismis.”

²Wong wadon kuwi terus tak tuku, regané limalas sèkel slaka lan jewawut 150 kilogram.

³Kuwi terus tak omongi mengkéné: “Kowé kudu manggon selawasé karo aku nganti suwé lan aja laku bédang lan aja dadi duwèké karo wong lanang liyané; aku ya ora bakal tyampur turu karo kowé.”[4]

⁴Awit wong Israèl nganti suwé pada manggon tanpa ratu, tanpa pemimpin, tanpa kurban sing dibelèh, tanpa ngedekké tugu brahala, tanpa saliné imam lan tanpa brahala omah.

⁵Sakwisé mengkono wong Israèl bakal pada mratobat lan nggolèki marang GUSTI, Gusti Allahé lan marang Daved, ratuné. Bakal pada nemoni karo gemeter marang GUSTI lan marang kabetyikané, mbésuk ing dina pungkasan.