Read Caribbean Javanese Hoséa 6 Bible Online

Hoséa 6 - Caribbean Javanese bible

Hoséa 6

¹“Hayuk pada bali mratobat marang GUSTI! Awit Panjenengané sing nyempal-nyempal, lan sing bakal maraské kita; Panjenengané sing nggebuki kita, lan ya sing bakal mblebet kita uga.

²Sakwisé rong dina kita bakal diuripké menèh, ing dina kaping telu ditangèkké, dadi kita bakal urip ing ngarepé.

³Mulané hayuk pada kenalan lan mbudidaya karo temen-temen supaya manut karo GUSTI, Panjenengané mesti bakal liwat kaya njedulé ésuk wétan; kita bakal diparani tyarané kaya udan, kaya udan ing pungkasané mangsa sing nelesi bumi.”

⁴Hé, Efraim, apa sing bakal Tak tibakké marang kowé? Hé Yéhuda, kowé bakal Tak kapakké? Katrésnanmu kaya pedut ésuk, kaya ebun sing ésuk mruput ilang.

⁵Mulané wis pada Tak remuk lantaran para nabi lan Tak patèni karo tembungé tutuk-Ku lan paukuman-Ku sing bener semlorot kaya pepadang.

⁶Awit sing Tak senengi kuwi katrésnan duduk kurban sing dibelèh, lan aluwung milih manut marang Gusti Allah tenimbangané karo kurban obongan.

⁷Nanging wong-wong kuwi wis nerak perjanjian kaya Adam[7], ing kono enggoné goroh marang Aku.

⁸Giléad kuwi kutané para tumindak ala, kebak tilas-tilas getih.

⁹Kumpulané para imam kuwi kaya grombolan bégal sing ngadang memangsané, pada matèni ing dalan sing nuju ing Sikem, sejatiné, tumindak sing ala sing dilakoni.

¹⁰Ing antarané turunané Israèl Aku ngerti pokal-gawé sing medèni; ing kono Efraim pada laku bédang lan Israèl wis najisaké awaké déwé.

¹¹Hé Yéhuda, uga kowé wis ditetepaké waktu panèn, paukumanmu: Yèn kahanané umat-Ku wis Tak balèkké.