Read Caribbean Javanese Yunus 2 Bible Online

Yunus 2 - Caribbean Javanese bible

Yunus 2

¹Ing sak njeruhné wetengé iwak kuwi, Yunus ndedonga marang GUSTI Allahé,

²tembungé: “Ing njeruhné kasusahan, kula sambat marang GUSTI terus ya disauri, ing ndonyané wong mati kula njaluk tulung, Panjenengan terus ngrungokké swara kula.

³Kula wis Panjenengan dityemplungké menyang panggonané wong mati, ya ing dasaré segara, kula terus dikepung karo ombaké banyu, kabèh alun lan ombak Panjenengan nutupi awak kula.

⁴Ing kono tembung kula: Kula wis dibuwang sangka ngarepé mripat Panjenengan, apa kula bakal bisa nyawang malih marang omah Panjenengan sing sutyi.

⁵Kula wis dikepung karo kabèh banyu sing ngantyam nyawa kula, kula ketutupan karo segara; sirah kula digubet-gubet karo lumuté segara

⁶ing dasaré gunung-gunung. Kula kelep nganti tekan ing dasaré bumi; lawangé kekantyingan karo sloroké bumi ing sak lawasé; ing waktu kuwi Panjenengan terus ngentasaké nyawa kula sangka luwengé pati, duh GUSTI, Gusti Allah kula.

⁷Waktu nyawa kula nglumpuk nglemprek ing batin kula, kula éling marang GUSTI, lan pandonga kula tekan marang ing ngarepé Panjenengan ing omah Panjenengan sing sutyi.

⁸Wong sing pada gondèlan marang brahala sing tanpa guna kuwi pada ninggalké Panjenengan sing nrésnani karo setia.

⁹Nanging kula bakal ngekèki kurban marang Panjenengan karo ngutyap sukur; apa sing dadi janji kula, bakal kula leksanani; keslametan kuwi mung sangka GUSTI!”

¹⁰GUSTI terus ngongkon marang iwak mau lan Yunus terus diutahké menyang daratan.