Read Caribbean Javanese Itungan 26 Bible Online

Itungan 26 - Caribbean Javanese bible

Itungan 26

¹Sakwisé kedadian memala kuwi mau, GUSTI ngetokké tembung marang Moses lan marang Eléazar anaké Harun:

²“Kowé pada ngitunga wong Israèl sak umat kabèh sing umur rong puluh taun munggah, miturut taleré, ya wong-wong sing wis bisa perang.”

³Moses lan Eléazar terus ngomong marang wong Israèl ing tanah daratan ing Moab, ing sak pinggiré laut Yordan sak tyedaké Yériko:

⁴“Kabèh wong sing umur rong puluh taun munggah kuwi itungen!” - kaya sing wis dadi préntahé GUSTI marang Moses mau. Iki tyatyahé wong Israèl sing pada metu sangka negara Egipte.

⁵Rubèn kuwi mbarepé Israèl; nanging kanggo turunané Rubèn miturut golongané, ya kuwi: sing sangka Hénokh kuwi turunané Hénokh; sangka Palu kuwi turunané Palu.

⁶Hèsron kuwi turunané Hèsron lan sing sangka Karmi kuwi turunané Karmi.

⁷Kuwi mau golongané turunané Rubèn, nanging wong sing pada diitung ana 43.730 wong.

⁸Anaké Palu kuwi Eliab;

⁹anaké Eliab kuwi Nemuèl, Datan lan Abiram. Kanggo Datan lan Abiram wong sing dipilih karo umat kuwi sing pada nglawan marang Moses lan Harun, lan bebarengan karo grombolan Korah, waktu pada nglawan marang GUSTI.

¹⁰Nanging bumi terus ngangapké tyangkemé lan nguntal marang wong-wong mau bebarengan karo Korah, terus grombolané pada mati, uga wong 250 wong pada dipangan ing geni kanggo pengéling-éling,

¹¹nanging anaké Korah pada ora mati.

¹²Turunané Siméon miturut golongané, ya kuwi: sing sangka Nemuèl kuwi turunané Nemuèl; sing sangka Yamin kuwi turunané Yamin; sing sangka turunané Yakin kuwi turunané Yakin;

¹³sing sangka Sérah kuwi turunané Sérah lan sing sangka Saul kuwi turunané Saul.

¹⁴Okèhé wong lanang sangka turun-turun mau 22.200.

¹⁵Turunané Gad miturut golongané, ya kuwi: sing sangka Séfon kuwi turunané Séfon; sing sangka Hagi kuwi turunané Hagi; sing sangka Syuni kuwi turunané Syuni;

¹⁶sing sangka Osni kuwi turunané Osni; sing sangka Eri kuwi turunané Eri;

¹⁷sing sangka Arodi kuwi turunané Arodi; sing sangka Arèli kuwi turunané Arèli.

¹⁸Kuwi mau golongané turunané Gad, nanging wong sing pada diitung ana 40.500 wong.

¹⁹Para anaké Yéhuda ya kuwi Er lan Onan; Er lan Onan wis pada mati ing negara Kanaan.

²⁰Turunané Yéhuda miturut golongané, ya kuwi: sing sangka Sela kuwi turunané Sela; sing sangka Pèrès kuwi turunané Pèrès lan sing sangka Sérah kuwi turunané Sérah;

²¹turunané Pèrès ya kuwi: sangka Hèsron kuwi turunané Hèsron lan sing sangka Hamul kuwi turunané Hamul.

²²Kuwi mau okèh turunané Yéhuda, nanging wong sing pada diitung ana 76.500 wong.

²³Turunané Isakar miturut golongané, ya kuwi: sing sangka Tola kuwi turunané Tola; sing sangka Puah kuwi turunané Puah;

²⁴sing sangka Yasub kuwi turunané Yasub lan sing sangka Simron kuwi turunané Simron.

²⁵Kuwi mau golongané turunané Isakar, nanging kanggo wong sing pada diitung ana 64.300 wong.

²⁶Turunané Sébulon miturut golongané, ya kuwi: sing sangka Sared kuwi turunané Sared; sing sangka Elon kuwi turunané Elon; sing sangka Yahléèl kuwi turunané Yahléèl.

²⁷Kuwi mau golongané turunané Sébulon, nanging kanggo wong sing pada diitung ana 60.500 wong.

²⁸Anaké Yosèf kuwi Manasé lan Efraim.

²⁹Turunané Manasé miturut golongané, ya kuwi: sing sangka Makir kuwi turunané Makir; lan Makir duwé anak Giléad; Giléad kuwi nurunké turunané Giléad.

³⁰Iki turunané Giléad: sing sangka Iéser kuwi turunané Iéser; sing sangka Hèlèk kuwi turunané Hèlèk;

³¹sing sangka Asrièl kuwi turunané Asrièl; sing sangka Sekem kuwi turunané Sekem;

³²sing sangka Semida kuwi turunané Semida lan sing sangka Hèfèr kuwi turunané Hèfèr.

³³Nanging Sélaféhad anaké Hèfèr kuwi ora nduwé anak lanang, mung wadon waé; nanging anaké wadon Sélaféhad kuwi jenengé: Makla, Noa, Hokla, Milka lan Tirsa.

³⁴Kuwi mau golongané turunané Manasé, nanging kanggo wong sing pada diitung ana 52.700 wong.

³⁵Iki turunané Efraim miturut golongané, ya kuwi: sing sangka Sutélah kuwi turunané Sutélah; sing sangka Beker kuwi turunané Beker; sing sangka Tahan kuwi turunané Tahan.

³⁶Nanging turunané Sutélah, sing sangka Eran kuwi turunané Eran.

³⁷Kuwi mau golongané turunané Efraim, nanging wong sing pada diitung ana 32.500 wong. Kuwi mau turunané Yosèf miturut golongané.

³⁸Turunané Bényamin miturut golongané, ya kuwi: sing sangka Béla kuwi turunané Béla; sing sangka Asbel kuwi turunané Asbel; sing sangka Ahiram kuwi turunané Ahiram;

³⁹sing sangka Sefufam kuwi turunané Sefufam; sing sangka Hufam kuwi turunané Hufam;

⁴⁰Anaké Béla kuwi Arèd lan Naaman. Sing sangka Arèd kuwi turunané Arèd lan sing sangka Naaman kuwi turunané Naaman.

⁴¹Kuwi mau golongané turunané Bényamin, nanging kanggo wong sing pada diitung ana 45.600 wong.

⁴²Turunané Dan miturut golongané, ya kuwi: sing sangka Suham kuwi turunané Suham. Ya kuwi golongané turunané Dan.

⁴³Sakkèhé golongané turunané Suham sing pada diitung ana 64.400 wong.

⁴⁴Turunané Asyèra miturut golongané, ya kuwi: sing sangka Yimna kuwi turunané Yimna; sing sangka Yiswi kuwi turunané Yiswi lan sing sangka Béria kuwi turunané Béria.

⁴⁵Turunané Béria kuwi: sing sangka Hèbèr kuwi turunané Hèbèr; sing sangka Malkièl kuwi turunané Malkièl.

⁴⁶Nanging anaké Asyèra sing wadon asmané Sérah.

⁴⁷Kuwi mau golongané turunané Asyèra, nanging kanggo wong sing pada diitung ana 53.400 wong.

⁴⁸Turunané Naftali miturut golongané, ya kuwi: sing sangka Yahzéèl kuwi turunané Yahzéèl; sing sangka Guni kuwi turunané Guni;

⁴⁹sing sangka Yézèr kuwi turunané Yézèr; sing sangka Silèm kuwi turunané Silèm.

⁵⁰Kuwi mau golongané turunané Naftali, nanging kanggo wong sing pada diitung ana 45.400 wong.

⁵¹Wong Israèl sing pada diitung kuwi mau tyatyahé kabèh ana: 601.730 wong.

⁵²GUSTI terus ngetokké tembung marang Moses:

⁵³“Taleré-taleré kuwi pada kèkna panduman tanah miturut jeneng-jenengé sing ketulis, dadia pandumané.

⁵⁴Sing okèh tyatyahé kèkna panduman tanah panduman sing okèh, lan sing setitik kèkana panduman tanah panduman setitik; saben taler pada didumi déwé-déwé miturut jeneng-jenengé sing ketulis.

⁵⁵Senajan mengkono pandumané tanah kuwi kudu karo dilotré; enggoné pada nampa panduman nuruta jenengé taleré leluhuré.

⁵⁶Panduman duwèké siji-sijiné taler mesti unda-usuk okèh setitiké lan miturut ing saktibané lotrému.”

⁵⁷Nanging turunané Lévi sing diitung miturut golongané kuwi mengkéné: sing sangka Gèrson kuwi turunané Gèrson; sing sangka Kéhat kuwi turunané Kéhat; sing sangka Mérari kuwi turunané Mérari.

⁵⁸Iki golongané turunané Lévi: golongané turunané Kéhat, golongané turunané Libni, golongané turunané Hébron, golongané turunané Makli, golongané turunané Musi lan golongané turunané Korah. Nanging Kéhat duwé anak Amram.

⁵⁹Bojoné Amram kuwi Yokebèt, anaké Lévi, sing lair ing negara Egipte. Yokebèt kuwi nglairké Harun lan Moses uga Miryam seduluré wadon, patutan karo Amram.

⁶⁰Harun duwé anak Nadab, Abihu, Eléazar lan Itamar.

⁶¹Nanging Nadab lan Abihu kuwi mati waktu pada masrahaké geni sing duduk sak mestiné ing ngarepé GUSTI.

⁶²Nanging wong sing pada diitung kuwi ana 23.000 wong, ya kuwi sakkèhé sing lanang sing umur sesasi munggah; awit enggoné diitung ora bebarengan karo wong Israèl liyané, awit pada ora didumi tanah panduman ing antarané wong Israèl.

⁶³Kuwi mau sing pada diitung karo Moses lan Eléazar waktu pada ing tanah daratan Moab, ing sabrangé laut Yordan, sak tyedaké kuta Yériko.

⁶⁴Nanging tunggalané kuwi ora ana siji waé sing mbiyèn wis diitung karo Moses lan Harun waktu pada ing ara-ara samun Sinai.

⁶⁵Awit GUSTI wis ngetokké tembung: “Kuwi mesti bakal pada mati ing ara-ara samun.” Nanging tunggalané ora ana sing ijik urip kejaba mung Kalèb anaké Yéfuné lan Yosua, anaké Nun.