Read Caribbean Javanese Itungan 28 Bible Online

Itungan 28 - Caribbean Javanese bible

Itungan 28

¹GUSTI ngetokké tembung marang Moses:

²“Kowé mréntaha wong Israèl lan kowé ngomonga: Kowé pada masrahna kurban marang Aku karo temen-temen lan ing waktu sing wis ditemtokké kanggo pangan-Ku rupa kurban bakaran, sing ambuné gawé senengé ati-Ku.

³Kowé ngomonga marang wong-wong kuwi: Iki rupané kurban bakaran sing kudu kok pasrahké marang GUSTI: saben dina wedus gèmbèl loro sing tanpa tyiri umur setaun, kanggo kurban obongan ajek.

⁴Wedus sing siji olahen ing wayah ésuk, lan sijiné olahen ing wayah soré.

⁵Kuwi barengana glepung gandum pilihan sak prasepuluhé éfa tyampuren lenga deplokan seprapat hin kanggo kurban panganan.

⁶Kuwi kurban obongan ajek sing enggoné diolah wiwitan ing gunung Sinai kanggo ambuné sing gawé senengé ati, kurban bakaran sing dipasrahké marang GUSTI.

⁷Nanging sing kanggo kurban ombènan kuwi anggur seprapat hin kanggo wedus siji; kowé ngesokké ombèn-ombèn sing mendemi kanggo kurban ombènan kanggo GUSTI ing omah sutyi.

⁸Nanging wedus sijiné kok masak ing wayah soré, enggonmu ngolah kuwi pada kaya kurban panganan ing wayah ésuk, lan kaya kurban ombènan kanggo kurban bakaran, sing ambuné gawé senengé atiné GUSTI.”

⁹“Ing dina sabat, wedus gèmbèl loro sing umur setaun sing tanpa tyiri, dibarengi glepung gandum pilihan rong prasepuluh éfa, olahen karo lenga, kanggo kurban panganan lan dibarengné karo kurban ombènan.

¹⁰Kuwi kurban obongan sabat ing saben dina sabat, kejaba kurban obongan ajek lan kurbané ombènan.

¹¹Ing saben wiwitané sasi kowé pada masrahna kurban obongan marang GUSTI rupa sapi lanang nom loro, wedus gèmbèl lanang siji, lan wedus gèmbèl sing tanpa tyiri sing umur setaun pitu;

¹²lan uga glepung gandum pilihan telung prasepuluh éfa olahen karo lenga kanggo sapi lanang siji, kanggo kurban panganan; wedusé gèmbèl lanang siji kuwi barengana glepung gandum pilihan rong prasepuluh éfa olahen karo lenga kanggo kurban panganan;

¹³lan wedusé kuwi siji-sijiné barengana glepung gandum pilihan sak prasepuluhé éfa olahen karo lenga kanggo kurban panganan; kuwi dadi kurban obongan, ambuné sing gawé seneng, kurban bakaran kanggo GUSTI.

¹⁴Nanging kurban-kurbané ombènan kuwi saben sapi siji barengana anggur setengah hin, wedusé gèmbèl lanang siji angguré sak pratelon hin, nanging wedusé seprapat hin. Kuwi kurban obongan saben tanggal sepisan ing saben sasi sak njeruhné setaun.

¹⁵Uga menèh anaa wedus siji sing diolah kanggo kurban ngluwari dosa, ngadep marang GUSTI dibarengi kurban ombènan; kuwi kejaba kurban obongan ajek.”

¹⁶“Ing sasi kaping pisan tanggal patbelas kuwi Paskahé GUSTI,

¹⁷lan ing tanggalé limalas sasi kuwi dina riyaya; pitung dina suwéné wong pada mangana roti tanpa ragi.

¹⁸Ing dinané sing kaping pisan kowé nganakna kumpulan sutyi, lan kowé aja nindakké penggawéan sing abot;

¹⁹lan kowé pada masrahna kurban bakaran, ya kurban obongan ngadep marang GUSTI rupa sapi lanang nom loro, wedus gèmbèl lanang siji lan wedus sing umur setaun pitu; kabèh sing tanpa tyiri.

²⁰Kanggo kurbané panganan glepung gandum pilihan diolah karo lenga, telung prasepuluh éfa kanggo sapi siji, lan kanggo wedus lanang siji rong prasepuluh éfa;

²¹lan wedus sing pitu kuwi siji-sijiné sak prasepuluh éfa.

²²Sak terusé wedus siji kanggo kurban ngluwari dosa, kanggo nganakké rukunan kanggo kowé.

²³Kejaba kurban obongan ésuk, sing klebu kurban obongan ajek, kabèh kuwi kudu kok pasrahké.

²⁴Kaya mengkono enggonmu saben dina pada masrahaké kurban panganan rupa kurban bakaran sing ambuné gawé senengé atiné GUSTI, nganti pitung dina suwéné; kuwi kejaba kurban obongan ajek lan kurban ombènan.

²⁵Ing dina sing kaping pitu kowé nganakké kumpulan sutyi lan aja nindakké penggawéan sing abot.

²⁶Ing dina wiwitan panèn, yèn kowé pada masrahaké kurban panganan anyar marang GUSTI, ing riyaya Pungkasané Pitung Minggu kowé pada nganakna kumpulan sutyi, lan aja nindakké penggawéan sing abot.

²⁷Ing dina kuwi kowé pada masrahna kurban obongan kanggo ambuné sing gawé senengé atiné GUSTI: sapi lanang nom loro, wedus gèmbèl lanang siji lan wedus sing umur setaun pitu.

²⁸Karo kurbané panganan rupa glepung gandum pilihan, diolah karo lenga; saben sapi siji barengana telung prasepuluh éfa, kanggo wedusé sing lanang rong prasepuluh éfa,

²⁹lan kanggo wedus sing pitu kuwi, saben wedus siji sak prasepuluh éfa.

³⁰Uga menèh wedus siji digawé nganakké rukunan kanggo kowé.

³¹Kurban obongan ajek, lan kurban panganan uga kurban-kurbané ombènan, kuwi kudu kok pasrahké kabèh. Kowé pada miliha kéwan sing tanpa tyiri.