Read Caribbean Javanese Itungan 29 Bible Online

Itungan 29 - Caribbean Javanese bible

Itungan 29

¹Ing sasi kaping pitu tanggal sepisan kowé pada nganakna kumpulan sutyi, lan aja nindakké penggawéan sing abot, kuwi dadia dina ngunèkké trompèt.

²Ing dina kuwi kowé pada masrahna kurban obongan kanggo ambuné sing gawé senengé GUSTI rupa sapi lanang nom siji lan wedus gèmbèl lanang siji lan wedus gèmbèl sing tanpa tyiri umur setaun pitu;

³karo kurbané panganan: glepung gandum pilihan, diolah karo lenga, okèhé telung prasepuluh éfa kanggo sapi lanang mau, lan rong prasepuluh éfa kanggo wedusé gèmbèl lanang,

⁴nanging wedusé sing pitu kuwi kanggo siji-sijiné sak prasepuluh éfa.

⁵Uga wedus siji kanggo kurban ngluwari dosa, kanggo nganakké rukunan kanggo kowé,

⁶kejaba kurban obongan saben tanggal sepisan lan kurban panganan, uga kurban obongan ajek lan kurban panganan lan kurban ombènan, miturut pernatané, kanggo ambuné sing nggawé senengé ati, kurban bakaran ngadep marang GUSTI.

⁷Ing sasi kaping pitu tanggal sepuluh kowé pada nganakna kumpulan sutyi lan pada ngasorké awakmu karo pasa; aja nglakoni penggawéan.

⁸Ing dina kuwi kowé pada masrahna kurban obongan kanggo ambuné sing nggawé seneng ngadep marang GUSTI, rupa sapi lanang nom siji, wedus gèmbèl lanang siji lan wedus gèmbèl sing umur setaun pitu, kabèh mau sing tanpa tyiri;

⁹karo kurbané panganan: glepung gandum pilihan diolah karo lenga, kanggo sapiné telung prasepuluh éfa, kanggo wedus gèmbèl lanang rong prasepuluh éfa,

¹⁰lan kanggo wedusé sing pitu kuwi siji-sijiné sak prasepuluh éfa.

¹¹Uga menèh wedus siji kanggo kurban ngluwari dosa. Kuwi kejaba kurban ngluwari dosa sing kanggo nganakké rukunan, lan kurban obongan ajek karo kurban panganan uga kurban ombènan.

¹²Ing tanggal limalas sasi kaping pitu kowé pada nganakna kumpulan sutyi; kowé aja nindakké penggawéan sing abot; kowé pada nganakké riyaya pasrah marang GUSTI, suwéné pitung dina.

¹³Ing waktu kuwi kowé pada masrahna kurban obongan kanggo kurban bakaran, sing ambuné gawé senengé atiné GUSTI rupa: sapi lanang nom telulas, wedus gèmbèl lanang loro lan wedus gèmbèl sing umur setaun patbelas, kabèh mau kudu sing tanpa tyiri;

¹⁴uga kurbané panganan rupa glepung gandum pilihan diolah karo lenga; kanggo sapi lanang telulas mau saben sapi siji telung prasepuluh éfa, lan kanggo wedus lanang loro kuwi saben wedus siji rong prasepuluh éfa;

¹⁵lan menèh kanggo wedusé sing patbelas kuwi, saben wedus siji sak prasepuluhé éfa.

¹⁶Uga menèh wedus siji kanggo kurban ngluwari dosa; kabèh mau kejaba kurban obongan ajek karo kurbané panganan lan kurbané ombènan.

¹⁷Ing dina sing kaping pindo: sapi lanang nom rolas, wedus gèmbèl lanang loro lan wedus gèmbèl umur setaun tanpa tyiri patbelas;

¹⁸karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé sing nom kuwi tyatyahé miturut pernatané.

¹⁹Uga menèh wedus siji kanggo kurban ngluwari dosa. Kabèh mau kejaba kurban obongan ajek, kurbané panganan lan kurban-kurbané ombènan.

²⁰Ing dina sing kaping telu: sapi lanang nom sewelas, wedus gèmbèl lanang loro lan wedus gèmbèl tanpa tyiri umur setaun patbelas;

²¹karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé sing nom kuwi tyatyahé miturut pernatané.

²²Uga menèh wedus siji kanggo kurban ngluwari dosa. Kabèh mau kejaba kurban obongan ajek, kurban panganan lan kurbané ombènan.

²³Ing dina sing kaping papat: sapi lanang nom sepuluh, wedus gèmbèl lanang loro lan wedus gèmbèl sing tanpa tyiri umur setaun patbelas,

²⁴karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé nom kuwi tyatyahé miturut pernatané.

²⁵Uga menèh wedus siji kanggo kurban ngluwari dosa. Kabèh mau kejaba kurban obongan ajek, kurbané panganan lan kurbané ombènan.

²⁶Ing dina sing kaping lima: sapi lanang nom sanga, wedus gèmbèl lanang loro, lan wedus gèmbèl sing tanpa tyiri umur setaun patbelas;

²⁷karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé sing nom kuwi, tyatyahé miturut pernatané;

²⁸lan wedus lanang siji kanggo kurban ngluwari dosa, kabèh mau kejaba kurban obongan ajek, kurban panganan lan kurbané ombènan.

²⁹Ing dina sing kaping nem: sapi lanang nom wolu, wedus gèmbèl lanang loro lan wedus gèmbèl sing tanpa tyiri umur setaun patbelas,

³⁰karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé sing nom kuwi, tyatyahé miturut pernatané.

³¹Uga menèh wedus siji kanggo kurban ngluwari dosa. Kabèh mau kejaba kurban obongan ajek, kurbané panganan lan kurbané ombènan.

³²Ing dina sing kaping pitu: sapi lanang nom pitu, wedus gèmbèl lanang loro lan wedus gèmbèl sing tanpa tyiri umur setaun patbelas,

³³karo kurbané panganan lan kurbané ombènan, ya kuwi kanggo sapi-sapiné lanang, kanggo wedus-wedusé lanang lan kanggo wedus-wedusé sing nom kuwi, tyatyahé miturut pernatané.

³⁴Uga menèh wedus gèmbèl siji kanggo kurban ngluwari dosa. Kabèh mau kejaba kurban obongan ajek, kurbané panganan lan kurbané ombènan.

³⁵Ing dina sing kaping wong wolu kowé nganakna kumpulan gedé, kowé aja nindakké penggawéan sing abot.

³⁶Ing waktu kuwi kowé pada pasrahna kurban obongan, kurban bakaran, sing ambuné gawé senengé GUSTI rupa sapi lanang nom siji, wedus gèmbèl lanang siji lan wedus gèmbèl sing tanpa tyiri sing umur setaun pitu.

³⁷Karo kurbané panganan lan kurbané ombènan, ya kuwi kanggo sapiné lanang, kanggo wedus lanang lan kanggo wedus-wedusé sing nom kuwi, tyatyahé miturut pernatané.

³⁸Uga menèh wedus siji kanggo kurban ngluwari dosa. Kabèh mau kejaba kurban obongan ajek, kurbané panganan lan kurbané ombènan.

³⁹Kuwi mau kabèh sing kudu pada kok masak kanggo GUSTI ing dina riyayamu, kanggo kurban-kurbanmu obongan, kurban-kurbanmu panganan, kurban-kurbanmu ombènan lan kurban-kurbanmu keslametan lan kurban-kurbanmu kebungahan.”

⁴⁰Moses terus ngomongi marang wong Israèl miturut apa sing dipréntahké karo GUSTI kabèh marang Moses.