Read Caribbean Javanese Itungan 7 Bible Online

Itungan 7 - Caribbean Javanese bible

Itungan 7

¹Ing wantyi Moses wis rampung enggoné ngedekké Tarup Sutyi, lan wis dijebatani lan disutyèkké kabèh pirantiné, uga mesbèh pirantiné ya wis dijebatani lan disutyèkké, lan sakwisé kuwi kabèh pada dijebatani lan disutyèkké,

²para penggedéné Israèl, para penggedéné taleré terus pada masrahaké pisungsung. Wong-wong kuwi sing dadi pengarepé taler sing mimpin waktu dianakké tyatyah jiwa.

³Kuwi pada masrahaké pisungsung marang GUSTI rupa kréta nem sing karo tarup lan sapi rolas. Saben penggedéné loro kréta siji, lan sapi siji, terus pada diladèkké menyang ngarepé Tarup Sutyi.

⁴GUSTI terus ngetokké tembung marang Moses:

⁵“Kabèh kuwi tampanana, digawé ngladèni penggawéan ing Tarup Kumpulan; kabèh kuwi pasrahna marang wong Lévi, miturut keperluané kuwajipané déwé-déwé.”

⁶Moses terus nampani kréta-krétané lan sapi-sapi terus dikèkké marang para wong Lévi;

⁷kréta loro lan sapi papat dikèkké marang turunané Gèrson, miturut keperluané penggawéané,

⁸kréta sing papat lan sapiné wolu dikèkké marang turunané Mérari, miturut karo keperluané penggawéané sing dipimpin karo Itamar, anaké imam Harun.

⁹Nanging para turunané Kéhat ora dikèki, awit kuwi pada penjawapé njaga barang-barang sing sutyi, lan pengusungé kudu dipikul karo pundaké.

¹⁰Ing wantyi mesbèh dijebatani, para penggedéné mau pada masrahaké pisungsung sing kanggo ngresmèkké mesbèh; enggoné nggawa pisungsung kuwi ing ngarepé mesbèh mau.

¹¹GUSTI ngetokké tembung marang Moses: “Saben dina anaa penggedéné siji sing masrahaké pisungsungé kanggo upa-tyara mesbèh kuwi.”

¹²Sing masrahaké pisungsungé ing dina kaping pisan kuwi Nahason anaké Aminadab, sangka taler Yéhuda.

¹³Pisungsungé rupa: kendi slaka siji bobot 130 sèkel lan bokor kanggo nyirami slaka siji bobot pitung-puluh sèkel, ditimbang miturut sèkel sutyi, loro-loroné pada kebak isi glepung gandum pilihan dityampur lenga, kanggo kurban panganan;

¹⁴piring siji bobot sepuluh sèkel emas, kebak isi dupa,

¹⁵uga sapi lanang nom siji, wedus gèmbèl lanang siji lan wedus gèmbèl siji sing umur setaun, pada kanggo kurban obongan,

¹⁶wedus gèmbèl lanang siji, kanggo kurban ngluwari dosa;

¹⁷lan sing kanggo kurban keslametan: sapi loro, wedus gèmbèl lanang lima, wedus gèmbèl lanang lima, lan wedus gèmbèl sing umur setaun lima. Kuwi mau pisungsungé Nahason anaké Aminadab.

¹⁸Ing dina sing kaping pindo sing masrahaké: Nétanéèl anaké Suar, penggedéné taler Isakar.

¹⁹Pisungsungé sing diladèkké rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampur lenga, kanggo kurban panganan;

²⁰piring siji bobot sepuluh sèkel emas, kebak isi dupa;

²¹uga sapi lanang nom siji, wedus gèmbèl lanang siji lan wedus gèmbèl umur setaun, pada kanggo kurban obongan;

²²wedus gèmbèl siji kanggo kurban ngluwari dosa;

²³lan sing kanggo kurban keslametan: sapi loro, wedus gèmbèl lanang lima, wedus gèmbèl lanang lima, lan wedus gèmbèl sing umur setaun lima. Kuwi mau kurban pisungsungé Nétanéèl anaké Suar.

²⁴Ing dina sing kaping telu: pemimpiné turunané Sébulon, ya kuwi: Eliab anaké Hélon.

²⁵Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampur lenga, kanggo kurban panganan;

²⁶piring siji bobot sepuluh sèkel emas, kebak isi dupa;

²⁷sapi lanang nom siji, wedus gèmbèl lanang siji lan wedus gèmbèl umur setaun siji, kanggo kurban obongan;

²⁸wedus gèmbèl lanang siji kanggo kurban ngluwari dosa;

²⁹lan sing kanggo kurban keslametan: sapi loro, wedus gèmbèl lanang lima, wedus gèmbèl lanang lima, lan wedus gèmbèl sing umur setaun lima. Kuwi mau kurban pisungsungé Eliab anaké Helon.

³⁰Ing dina sing kaping papat: penggedéné turunané Rubèn, ya kuwi Elizur anaké Syédéur.

³¹Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampur lenga, kanggo kurban panganan;

³²piring siji bobot sepuluh sèkel emas, kebak isi dupa;

³³sapi lanang nom siji, wedus gèmbèl lanang siji, lan wedus gèmbèl umur setaun siji, kanggo kurban obongan;

³⁴wedus gèmbèl lanang siji kanggo kurban ngluwari dosa;

³⁵lan sing kanggo kurban keslametan sapi loro, wedus gèmbèl lanang lima, wedus lima, lan wedus gèmbèl umur setaun lima. Kuwi mau kurban pisungsungé Elizur anaké Syedéur.

³⁶Ing dina sing kaping lima: penggedéné turunané Siméon, ya kuwi Sélamuèl anaké Surisyadai.

³⁷Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampur lenga, kanggo kurban panganan;

³⁸piring siji bobot sepuluh sèkel emas, kebak isi dupa;

³⁹sapi lanang nom siji, wedus gèmbèl lanang siji, lan wedus gèmbèl umur setaun siji, pada kanggo kurban obongan;

⁴⁰wedus siji kanggo kurban ngluwari dosa;

⁴¹lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Sélamuèl anaké Surisyadai.

⁴²Ing dina sing kaping nem, penggedéné turunané Gad, ya kuwi Elyasaf anaké Rehuèl.

⁴³Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁴⁴piring siji bobot sepuluh sèkel emas, kebak isi dupa;

⁴⁵sapi lanang nom siji, wedus gèmbèl lanang siji, lan wedus gèmbèl umur setaun siji, kanggo kurban obongan;

⁴⁶wedus siji kanggo kurban ngluwari dosa;

⁴⁷lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Elyasaf anaké Rehuèl.

⁴⁸Ing dina sing kaping pitu: penggedéné turunané Efraim, ya kuwi Elisama anaké Amihud.

⁴⁹Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁵⁰karo piring siji bobot sepuluh sèkel emas, kebak isi dupa;

⁵¹sapi lanang nom siji, wedus gèmbèl lanang siji, lan wedus gèmbèl umur setaun siji, kanggo kurban obongan;

⁵²wedus lanang siji kanggo kurban ngluwari dosa;

⁵³lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Elisama anaké Amihud.

⁵⁴Ing dina sing kaping wolu: penggedéné turunané Manasé, ya kuwi Gamalièl anaké Pedasur.

⁵⁵Pisungsungé rupa: kendi slaka siji bobot 130 sèkel lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁵⁶karo piring siji bobot sepuluh sèkel emas, kebak isi dupa;

⁵⁷sapi lanang nom siji, wedus gèmbèl lanang siji, lan wedus gèmbèl umur setaun siji, kanggo kurban obongan;

⁵⁸wedus lanang siji kanggo kurban ngluwari dosa;

⁵⁹lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau pisungsungé Gamalièl anaké Pedasur.

⁶⁰Ing dina sing kaping sanga: pemimpiné turunané Bényamin, ya kuwi Abidan anaké Gidéoni.

⁶¹Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan,

⁶²piring siji bobot sepuluh sèkel emas, kebak isi dupa;

⁶³sapi lanang nom siji, wedus gèmbèl lanang siji, lan wedus gèmbèl umur setaun siji, kanggo kurban obongan;

⁶⁴wedus lanang siji kanggo kurban ngluwari dosa;

⁶⁵lan sing kanggo kurban keslametan: sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Abidan anaké Gidéoni.

⁶⁶Ing dina sing kaping sepuluh: pemimpiné turunané Dan, ya kuwi: Ahiézer anaké Amisyadai.

⁶⁷Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁶⁸piring siji bobot sepuluh sèkel emas, kebak isi dupa;

⁶⁹sapi lanang nom siji, wedus gèmbèl lanang siji lan wedus gèmbèl umur setaun siji, kanggo kurban obongan;

⁷⁰wedus lanang siji kanggo kurban ngluwari dosa;

⁷¹lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Ahiézer anaké Amisyadai.

⁷²Ing dina sing kaping sewelas: pemimpiné turunané Asyèra, ya kuwi Pagièl anaké Okran.

⁷³Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁷⁴piring siji bobot sepuluh sèkel emas, kebak isi dupa,

⁷⁵sapi lanang nom siji, wedus gèmbèl lanang siji, lan wedus gèmbèl umur setaun siji, pada kanggo kurban obongan,

⁷⁶wedus lanang siji kanggo kurban ngluwari dosa,

⁷⁷lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Pagièl anaké Okran.

⁷⁸Ing dina sing kaping rolas: pemimpiné turunané Naftali, ya kuwi: Ahira anaké Enan.

⁷⁹Pisungsungé rupa: kendi slaka siji bobot 130 sèkel, lan bokor kanggo nyirami slaka siji bobot pitung puluh sèkel, ditimbang miturut sèkel sutyi, loro-loroné pada kebak isi glepung gandum pilihan, dityampuri lenga, kanggo kurban panganan;

⁸⁰piring siji bobot sepuluh sèkel emas, kebak isi dupa;

⁸¹sapi lanang nom siji, wedus gèmbèl lanang siji lan wedus gèmbèl umur setaun siji, pada kanggo kurban obongan,

⁸²wedus lanang siji kanggo kurban ngluwari dosa,

⁸³lan sing kanggo kurban keslametan sapi loro, wedus gèmbèl lanang lima, wedus lanang lima, lan wedus gèmbèl umur setaun lima. Kuwi mau kurban pisungsungé Ahira anaké Enan.

⁸⁴Iki pisungsung sing sangka para penggedéné Israèl kanggo mulyakké mesbèh nalika dijebatani, ya kuwi: kendi slaka rolas, bokor slaka rolas, piring emas rolas.

⁸⁵Kendi slaka kuwi boboté 130 sèkel, bokor kanggo nyirami pitung puluh sèkel; slaka sak okèhé piranti kuwi boboté 2400 sèkel, ditimbang miturut sèkel sutyi.

⁸⁶Piring emas rolas mau pada kebak isi dupa, boboté piringé sepuluh sèkel, ditimbang miturut sèkel sutyi, emas sak okèhé piring mau bobot 120 sèkel.

⁸⁷Gunggungé sapi sing kanggo kurban obongan kuwi, sapi lanang nom rolas, karo wedus gèmbèl lanang rolas, wedus gèmbèl umur setaun rolas, karo kurbané panganan; lan wedus lanang sing kanggo kurban ngluwari dosa rolas.

⁸⁸Gunggungé kéwan sing kanggo kurban keslametan kuwi, sapi lanang nom patlikur, karo wedus gèmbèl lanang suwidak, wedus lanang suwidak lan wedus gèmbèl sing umur setaun suwidak. Kuwi mau pisungsung sing kanggo mulyakké mesbèh, sakwisé dijebatani.

⁸⁹Awit yèn Moses mlebu ing Tarup Kumpulan, arep omong-omongan karo Panjenengané, terus krungu swara sing ngomongi sangka sak nduwuré tutupé rukunan sing temumpang ing petiné angger-anggeré Gusti Allah, sangka antarané kerup loro, mengkono enggoné ngomongi.