Read Caribbean Javanese Maliaki 4 Bible Online

Maliaki 4 - Caribbean Javanese bible

Maliaki 4

¹“Dina kuwi bakal teka, murup kaya pawon; sakkèhé wong sing sembrana lan sak rupané wong sing nglakoni ala bakal pada dadi kaya damèn, lan dina sing teka kuwi bakal ngobong wong-wong mau, nganti ora ninggalaké siji-sijia oyoté lan pangé,” mengkono tembungé GUSTI sing ngwasani langit.

²Nanging kowé sing pada ngajèni asma-Ku, kebeneran-Ku bakal njedul kaya srengéngé kanggo kowé kabèh, lan suwiwi pepadangé srengéngé nggawa kuwarasan. Kowé bakal pada metu karo jingklak-jingklak kaya pedèt-pedèt sing metu sangka kandangé.

³Lan para wong ala kuwi bakal kok idak-idak, awit bakal pada dadi awu ing sak ngisoré tlapakanmu, ing dina sing Tak tyawiské kuwi, mengkono tembungé GUSTI sing ngwasani langit.

⁴Pada élinga marang Torèt sing wis Tak omongké marang Moses, abdi-Ku, waktu ing gunung Horeb, supaya dikabarké marang Israèl kabèh, ya kuwi pernatan-pernatan lan pepakon-pepakon.

⁵Sak durungé teka dinané GUSTI sing gedé lan sing medèni kuwi, Aku bakal ngutus Elia marang kowé.

⁶Kuwi bakal mbalèkké atiné para bapak marang anak-anaké, lan atiné para anak marang para bapaké, supaya Aku aja nganti teka lan ngukum negarané nganti entèk tyutes.