Read Caribbean Javanese Yosua 15 Bible Online

Yosua 15 - Caribbean Javanese bible

Yosua 15

¹Sing dadi pandumané karo dilotré kanggo taler Yéhuda miturut turunané kuwi nganti tekan ing tapel watesé negara Edom, nganti tekan ing ara-ara samun Sin ing pojok siji kidul,

²watesé sing kidul kuwi wiwit sangka pojokané segara Asin, sangka lekukan sing madep ngidul,

³terus ngliwati sisih kidulé unggah-unggahan ing Akrabim, terus menyang Sin, terus munggah menyang ing sisih kidulé Kadès-Barnéa, terus menyang ing Hèsron, terus munggah menyang ing Adar, ménggok menyang ing Karka,

⁴terus menyang ing Asmon lan metu ing kaliné negara Egipte, pungkasané mandek ing segara ya kuwi sing dadi watesmu sisih kidul.

⁵Watesé sisih wétan telaga Asin tekan ing putyuké laut Yordan, watesé sisih lor kuwi wiwit ing lekukan ing putyuké laut Yordan mau.

⁶Terus munggah tekan ing Bèt-Hokla terus ngliwati sisih loré Bèt-Araba, munggah menèh tekan ing watu Bohan, anaké Rubèn.

⁷Sak terusé wates kuwi munggah sangka legokan Akor marang ing Debir, ménggok ngalor nuju ing Gilgal, ing peneré unggah-unggahan ing Adumim, sak kidulé kali, terus menyang ing sumber En-Sémes lan metu nuju ing sumber En-Rogèl.

⁸Sangka kono wates kuwi munggah metu ing Panggonan Ben-Hinom, nurut ing pèrèng-pèrèng gunung Yébus sisih kidul, ya kuwi ing Yérusalèm, terus munggah menèh tekan ing putyuké gunung-gunung ing ngarepé legokan Hinom ing sisih kulon, ing pungkasané legokan wong Efraim, sing sisih lor.

⁹Sangka putyuké gunung-gunung mau watesé ménggok menyang ing sumber Me-Nèftoah lan terus tekan ing kuta-kutané pegunungan Efron, sangka kono ménggok menyang ing Baala, ya kuwi ing Kiryat-Yearim.

¹⁰Wates kuwi terus ménggok sangka Baala mengulon nuju ing pegunungan Seir, terus ngalor menyang ing pèrèng-pèrèng gunung Yearim, ya kuwi ing Kesalon, medun menyang Bèt-Sémes, terus menyang ing Timna.

¹¹Wates mau terus ngalor menyang ing pèrèng-pèrèng gunung Ekron, terus ménggok menyang ing Sikron terus menyang ing gunung Baala lan metu ing sak tyedaké Yabneèl, banjur wates mau tekan ing segara.

¹²Kanggo wates kulon ya kuwi segara Gedé lan pinggiré segara. Kuwi mau tapel watesé panggonané wong turunané Yéhuda ing sak ubengé miturut turunané déwé-déwé.

¹³Nanging Kalèb anaké Yéfuné kuwi dikèki karo Yosua panduman ing tengahé turunané Yéhuda, ya kuwi Kiryat-Arba, netepi préntahé GUSTI marang Yosua; Arba kuwi bapaké wong Enak, ya kuwi Hébron.

¹⁴Lan Kalèb nundungi wong-wong Enak telu sangka kono ya kuwi: Sesai, Ahiman lan Talmai, anak-anaké wong Enak.

¹⁵Sangka kono Kalèb terus ngluruk bangsa Debir. Jenengé Debir kuwi mbiyèn Kiryat-Sefer.

¹⁶Kalèb terus ngomong mengkéné: “Sapa sing nggempur kuta Kiryat-Sefer nganti bisa bedah, bakal tak pèk mantu tak olèhké anakku wadon Aksa.”

¹⁷Kuta mau terus dibedah karo Otnièl, anaké Kénas, seduluré Kalèb, mulané Kalèb terus ngekèkké Aksa, anaké wadon, marang dèkné dadi bojoné.

¹⁸Bareng Aksa mau wis teka, sing lanang terus ojok-ojoki supaya njaluk kebon marang bapaké. Aksa terus medun sangka kimaré, Kalèb takon: “Ana apa?”

¹⁹Semauré Aksa: “Kula njaluk dikèki berkah; kula wis sampéyan kèki lemah bongkor, njaluk dikèki sumber uga.” Terus dikèki sumber ing pegunungan lan ing legokan.

²⁰Iki tanah pandumané taler Yéhuda miturut turunané.

²¹Kuta-kutané turunané Yéhuda ing pojok déwé, ing sak tyedaké pinggiré negara Edom, ing negara Negeb, ya kuwi: Kabseel, Eder, Yagur,

²²Jaman, Dimona, Adada,

²³Kèdès, Hasor, Yitnan,

²⁴Sif, Telem, Bealot,

²⁵Hasor-Hadata, Kériot-Hézron, ya kuwi Hasor,

²⁶Aman, Sema, Molada,

²⁷Hasar-Gada, Hèsmon, Bèt-Pèlèt,

²⁸Hasar-Sual, Bèrsyéba lan sakèhé kuta pangwasané,

²⁹Baala, Iyim, Ezem,

³⁰Eltolat, Kesil, Horma,

³¹Siklag, Madmana, Sansana,

³²Lebaot, Silhim, Ain lan Rimon, gunggungé kuta sanga likur karo désa-désané.

³³Sing ana bawah Pegunungan ya kuwi: Esytaol, Sora, Asna,

³⁴Sanoah, En-Genim, Tapuah, Enam,

³⁵Yarmut, Adulam, Sokho, Azéka,

³⁶Saaraim, Aditaim, Gedera lan Gederotaim: kuta patbelas karo désa-désané.

³⁷Sénan, Hadasa, Mogdal-Gad,

³⁸Diléan, Mispa, Yokteel,

³⁹Lakis, Boskat, Eglon,

⁴⁰Kabon, Lahmas, Kitlis,

⁴¹Gedérot, Bèt-Dagon, Naama lan Makéda: kuta nembelas karo désa-désané.

⁴²Libna, Eter, Asan,

⁴³Yiftah, Asna, Nesib,

⁴⁴Kéhila, Aksib lan Maresa, kuta sanga lan désa-désané.

⁴⁵Ekron lan sakkèhé kuta lan désa pangwasané.

⁴⁶Wiwit sangka Ekron nganti tekan ing segara, sakkèhé panggonan sandingé Asdod lan désa-désané;

⁴⁷Asdod karo sakkèhé kuta lan désa-désané pangwasané, Gaza karo sakkèhé kuta lan désa pangwasané, nganti tekan ing kali ing negara Egipte, ing segara Gedé lan pinggiré segara.

⁴⁸Anamanèh ing pegunungan, ya kuwi: Samir, Yatir, Sokho,

⁴⁹Dana, Kiryat-Sana, ya kuwi Debir,

⁵⁰Anab, Estemo, Anim,

⁵¹Gosèn, Holon, lan Gilo: kuta sewelas karo désa-désané pangwasané;

⁵²Araba, Duma, lan Esan,

⁵³Yanum, Bèt-Tapuah, Aféka,

⁵⁴Hutma, Kiryat-Arba, ya kuwi Hébron, lan Sior, kuta sanga karo désa-désané.

⁵⁵Maon, Karmèl, Sif, Yuta,

⁵⁶Yisreèl, Yokdeam, Sanoah,

⁵⁷Kain, Gibéa, lan Timna, kuta sepuluh karo désa-désané pangwasané.

⁵⁸Halul, Bèt-Sur, Gedor,

⁵⁹Maarat, Bèt-Anot, lan Eltekon, kuta nem karo désa-désané pangwasané.

⁶⁰Kiryat-Baal, ya kuwi Kiryat-Yearim, lan Raba, kuta loro karo désa-désa pangwasané.

⁶¹Sing ing ara-ara samun: Bèt-Araba, Midian, Sekaka,

⁶²Nibsan, kuta Uyah lan En-Gedi: kuta nem karo désa-désané pangwasané.

⁶³Nanging wong Yébus sing pada manggon ing Yérusalèm ora bisa pada ditundung, dadiné wong Yébus mau pada manggon tyampur karo turunané Yéhuda ing Yérusalèm nganti sepréné.