Read Caribbean Javanese Yosua 16 Bible Online

Yosua 16 - Caribbean Javanese bible

Yosua 16

¹Sakwisé mengkono dilotré menèh sing olèh turunané Yosèf. Tapel watesé wiwit ing laut Yordan ing sak tyedaké kuta Yériko, wétané sumber-sumberé ing Yériko, wiwit ing ara-ara samun sing sangka Yériko munggah menyang ing pegunungan, nganti tekan ing Bétel.

²Sangka kuta Bétel nganti tekan ing Lus, terus nganti tekan ing panggonané wong Arki, nganti tekan ing Atarot,

³terus medun mengulon menyang ing panggonané wong Yaflèt, tekan ing panggonané Bèt-Horon ing legokan lan sak terusé nganti tekan ing Geser, lan nganti mandek ing segara.

⁴Kuwi tanah panduman sing ditampani turunané Yosèf ya kuwi taleré Manasé lan taleré Efraim.

⁵Nanging panggonané turunané Efraim miturut turunané kuwi mengkéné: tapel watesé tanah pandumané kuwi ing sisih wétan wiwit sangka Atarot tekan ing Bèt-Horon ing pegunungan.

⁶Mengulon watesé kuwi metu sangka sak loré Mikmétat; terus nekuk mengétan menyang ing Taanat-Silo, sangka kono terus nganti tekan ing wétané Yanoah,

⁷medun sangka Yanoah menyang ing Atarot lan Naarah mandek ing bawah Yériko lan terus menyang ing laut Yordan.

⁸Sangka Tapuah wates kuwi terus mengulon menyang ing kali Kana lan nganti tekan ing segara. Kuwi tanah pandumané taler Efraim miturut turunané.

⁹Sak terusé ana kuta-kuta sing ditetepaké kanggo turunané Efraim ing sak tengahé tanah pandumané turunané Manasé, kuta-kuta mau uga désa-désané.

¹⁰Nanging turunané Efraim pada ora nundungi wong Kanaan sing manggon ing Geser, dadi wong Kanaan kuwi pada ijik manggon ing sak tengahé taleré Efraim nganti sepréné, mung waé pada dadi batur kanggo kerja peksa.