Read Caribbean Javanese Yosua 19 Bible Online

Yosua 19 - Caribbean Javanese bible

Yosua 19

¹Lotréan sing kaping pindo tiba marang taler Siméon, ya kuwi taler turunané Siméon miturut turunané, tanah pandumané peneré ing tengah-tengahé tanah pandumané turunané Yéhuda.

²Nanging sing dadi duwèké ya kuwi: Bèrsyéba, Syéba, Molada,

³Hasar-Sual, Bala, Ezem,

⁴Eltolat, Betul, Horma,

⁵Siklag, Bèt-Hamarkabot, Hasar-Susa,

⁶Bèt-Lebaot lan Saruken, kuta telulas lan désa-désané,

⁷Ain, Rimon, Eter, lan Asan, kuta papat lan désa-désané,

⁸uga kabèh désa ing sak ubengé kuta kuwi mau tekan ing Baalat-Béér, ya kuwi Rama, ing tanah Kidul. Kuwi tanah pandumané taler turunané Siméon, miturut turunané.

⁹Tanah pandumané turunané Siméon kuwi dijukuk sangka pandumané turunané Yéhuda, awit tanah pandumané turunané Yéhuda kakèhan, mulané turunané Siméon pada olèh tanah panduman ing sak tengahé tanah pandumané Yéhuda.

¹⁰Lotréan sing kaping telu kuwi tiba marang turunané Sébulon miturut turunané; watesé tanah pandumané kuwi tekan ing Sarid.

¹¹Watesé terus mengulon munggah menyang ing Marala, tekan ing Dabeset, lan terus tekan kali sing mili ngliwati Yoknéam.

¹²Sangka Sarid watesé mau ménggok mengétan nuju njedulé srengéngé, ngliwati bawah Kislot-Tabor, nuju ing Dobrat, terus munggah menyang ing Yafia.

¹³Sangka kono terus mengétan nuju njedulé srengéngé, menyang ing Gat-Hèfèr, menyang ing Et-Kasim, nuju ing Rimon lan ménggok menyang ing Nea.

¹⁴Watesé terus ménggok ngubengi kuta kuwi ing sak loré Hanaton lan tekan ing panggonan El.

¹⁵Terus Katat, Nahalal, Simron, Yidala lan Bètléhèm; kuta rolas karo désa-désané.

¹⁶Ya kuwi tanah pandumané wong turunané Sébulon miturut turunané, ya kuwi kuta-kutané mau karo désa-désané.

¹⁷Lotréan sing kaping papat kuwi tiba marang taler Isakar, ya kuwi marang turunané Isakar miturut turunané.

¹⁸Sing dadi panggonané ya kuwi: Yisreèl, Kesulot, Sunem,

¹⁹Hafaraim, Sion, Anakarat,

²⁰Rabit, Kisyon, Ebes,

²¹Remet, En-Genim, En-hada, lan Bèt-Pases.

²²Watesé tekan ing Tabor, Sahasina, lan Bèt-Sémes, nanging watesé tekan ing laut Yordan: gunggungé kuta nembelas lan désa-désané.

²³Ya kuwi tanah pandumané taler turunané Isakar miturut turunané, ya kuta-kuta mau karo désa-désané.

²⁴Lotréan sing kaping lima kuwi tiba marang taler turunané Asyèra miturut turunané.

²⁵Sing dadi panggonané ya kuwi: Helkat, Hali, Beten, Aksaf,

²⁶Alamèlèk, Amad lan Misal, lan watesé tekan ing gunung Karmèl lan ing kali Libnat ing sisih kulon.

²⁷Terus ménggok nuju njedulé srengéngé menyang ing Bèt-Dagon; tekan bawah Sébulon lan ing panggonan Yiftah-El ing sisih lor, Bèt-èmèk lan Néhièl, lan nuju ing Kabul ing sisih lor.

²⁸Terus menyang ing Ebron, Réhob, Hamon lan Kana nganti tekan ing Sidon Gedé.

²⁹Wates kuwi terus mlebu menyang ing Rama lan tekan ing kuta pager watu tirus, watesé terus mlebu menèh menyang Hosa, lan tekan ing segara; uga Hebel[1], Aksib,

³⁰Uma, Afèk lan Réhob kuta rolikur karo désa-désané.

³¹Ya kuwi tanah pandumané taler turunané Asyèra miturut turunané, ya kuta-kuta mau karo désa-désané.

³²Lotréan sing kaping enem kuwi tiba marang turunané Naftali, ya kuwi marang turunané Naftali miturut turunané.

³³Panggonané wiwit ing Hèlef, sangka wit kayu élon ing Saananim, Adami-Nekeb lan Yabneèl sangka Lakum, lan tekan ing laut Yordan.

³⁴Watesé terus bali mengulon menyang ing Asnot-Tabor, terus menyang ing Hukok, tekan ing panggonané Sébulon sisih kidul, tekan panggonané Asyèr, sisih kulon lan tekan bawah Yéhuda ing laut Yordan, njedulé srengéngé.

³⁵Kuta-kutané pager watu ya kuwi: Sidim, Ser, Hamat, Rakat, Kineret.

³⁶Adama, Rama, Hasor,

³⁷Kèdès, Edrèi, En-Hasor,

³⁸Yiron, Migdal-El, Horem, Bèt-Anat, lan Bèt-Sémes, kuta songolas karo désa-désané.

³⁹Kuwi tanah pandumané taler turunané Naftali miturut turunané, ya kuta-kuta kuwi karo désa-désané.

⁴⁰Lotréan sing kaping pitu kuwi tiba marang taler turunané Dan miturut turunané.

⁴¹Sing dadi tanah pandumané ya kuwi: Sora, Esytaol, Ir-Sémes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yéhud, Bene-berak, Gat-Rimon,

⁴⁶Me-Yarkon lan Rakon, karo panggonané ing sisih sabrangé Yafo.

⁴⁷Nanging awit panggonané turunané Dan kuwi rupek, turunané Dan terus pada ngluruk perang nglawan kuta Lesem; kuwi terus direbut, wong pada dientèkké karo landepé pedang, lan negarané terus direbut lan dienggoni; kuta Lesem mau terus diganti jeneng dadi Dan, miturut jeneng Dan taleré.

⁴⁸Kuwi mau tanah pandumané taler turunané Dan miturut turunané, ya kuta-kuta mau karo désa-désané.

⁴⁹Sakwisé wong Israèl rampung enggoné pada ngedum negara kuwi dadi tanah pandumané miturut panggonan-panggonané, wong Israèl terus pada ngekèki tanah panduman marang Yosua, anaké Nun ing sak tengahé.

⁵⁰Miturut préntahé GUSTI Yosua dikèki kuta sing dikarepké, ya kuwi: Timnat-Serah ing pegunungan Efraim; kuta kuwi terus dibangun lan dienggoni.

⁵¹Kuwi mau tanah panduman sing pada didum-dumké karo tyara dilotré ing Silo karo imam Eléazar lan Yosua, anaké Nun lan para penggedéné taler ing ngarepé GUSTI, ing ngarepé lawang Tarup-kumpulan. Mengkono enggoné pada ngrampungké pandumané negara kuwi.