Read Caribbean Javanese Yosua 21 Bible Online

Yosua 21 - Caribbean Javanese bible

Yosua 21

¹Para penggedéné brayaté wong Lévi terus pada nemoni imam Elièsar lan Yosua, anaké Nun lan marang para penggedéné brayaté taler Israèl.

²Terus pada ngomong marang dèwèké ing Silo tanah Kanaan mengkéné: “GUSTI wis ngekèki préntah lantaran Moses, supaya kula dikèki kuta-kutané sing pada kula enggoni, lan pangonané kanggo kéwan-kéwan kula.”

³Wong Israèl terus masrahaké kuta-kuta sing diarani ing ngisor iki kabèh pangonané kanggo wong Lévi, dijukukké sangka tanah pandumané miturut préntahé GUSTI.

⁴Dilotré terus tiba marang turunané wong Kéhat. Tunggalé wong Lévi sing klebu tyedak turunané imam Harun pada olèh lotréan kuta telulas sangka taler Yéhuda, taler Siméon lan taler Bényamin.

⁵Nanging turahé wong Kéhat kuwi pada olèh kuta sepuluh karo dilotré sangka taler Efraim, taler Dan lan sangka separo taler Manasé.

⁶Turunané Gèrson pada olèh kuta telulas karo dilotré sangka taler Isakar, taler Asyèra, taler Naftali lan sangka separoné taler Manasé ing negara Basan.

⁷Turunané Mérari pada olèh kuta rolas karo dilotré sangka taler Rubèn, taler Gad, lan taler Sébulon.

⁸Mengkono dadi kuta-kuta mau kabèh pangonané pada dipasrahké wong Israèl marang wong Lévi karo dilotré, kaya sing wis dipréntahké GUSTI lantaran Moses.

⁹Sing dipasrahké sangka taler turunané Yéhuda lan sangka taler turunané Siméon kuwi kuta-kuta sing diarani ing ngisor iki:

¹⁰Para tyedak turunané imam Harun, sing klebu turunané wong Kéhat, tunggalé turunané Lévi, awit kuwi sing pada nampa lotréan sing wiwitan,

¹¹kuwi pada dipasrahi Kiryat-Arba, ya kuwi Hébron, - Arba kuwi leluhuré taleré wong Enak, - ing pegunungan Yéhuda, kabèh lemah pangonané sak ubengé;

¹²nanging tegalé kuta kuwi lan désané kuwi wis dipasrahké marang Kalèb anaké Yéfuné dadi duwèké.

¹³Tyedak turunané imam Harun kuwi pada diwènèhi Hébron, kuta pangungsèné wong dosa awit matèni, kabèh lemah pangonan, Libna,

¹⁴Yatir sak lemah pangonané, Etemoa sak lemah pangonané,

¹⁵Holon sak lemah pangonané, Debir sak lemah pangonané,

¹⁶Ain sak lemah pangonané, Yuta sak lemah pangonané lan Bèt-Sémes sak lemah pangonané: kuta taler loro mau.

¹⁷Sangka taler Bényamin: Gibéon sak lemah pangonané, Géba sak lemah pangonané,

¹⁸Anatot sak lemah pangonané lan Almon sak lemah pangonané: kuta papat.

¹⁹Kutané tyedak turunané imam Harun, ya kuwi para imam, kuwi kabèh ana kuta telulas sak lemah pangonané.

²⁰Turunané Kéhat, ya kuwi turahané wong Lévi, sangka antarané turunané Kéhat mau, kuwi olèh pandumané kuta-kuta sing karo dilotré sangka taler Efraim.

²¹Kuwi pada dikèki Sikem, kuta pangungsèn wong dosa awit matèni, sak lemah pangonané, peneré ing pegunungan Efraim lan Geser sak lemah pangonané,

²²Kibsaim sak lemah pangonané lan Bèt-Horon sak lemah pangonané: kuta papat.

²³Sangka taler Dan: Elteke sak lemah pangonané, Gibeton sak lemah pangonané,

²⁴Ayalon sak lemah pangonané lan Gat-Rimon sak lemah pangonané: kuta papat.

²⁵Sangka separo taler Manasé: Taanak sak lemah pangonané lan Gat-Rimon sak lemah pangonané: kuta loro.

²⁶Gunggungé ana kuta sepuluh sak lemah pangonané kanggo turunané turahé turunané Kéhat.

²⁷Turunané Gèrson, tunggalé turunané wong Lévi, dikèki sangka separoné taler Manasé: Golan ing tanah Basan, kuta pangungsèné wong dosa awit matèni, kabèh pangonané lan Beestera sak lemah pangonané: kuta loro.

²⁸Sangka taler Isakar: Kisyon sak lemah pangonané, Dobrat sak lemah pangonané,

²⁹Yarmut sak lemah pangonané lan En-Genim sak lemah pangonané: kuta papat.

³⁰Sangka taler Asyèra: Misal sak lemah pangonané, Abdon sak lemah pangonané,

³¹Helkat sak lemah pangonané lan Réhob sak lemah pangonané: kuta papat.

³²Lan sangka taler Naftali: Kèdès ing negara Galiléa, kuta pangungsèné wong dosa awit matèni, kabèh pangonané, Homor-Dor sak lemah pangonané lan Kartan sak lemah pangonané: kuta telu.

³³Kutané wong Gèrson miturut turunané kuwi kabèh ana telulas sak lemah pangonané.

³⁴Turunané wong Mérari, ya kuwi turahé wong Lévi, kuwi pada dikèki sangka taler Sébulon: Yoknéam sak lemah pangonané, Karta sak lemah pangonané,

³⁵Dimna sak lemah pangonané lan Nahalal sak lemah pangonané: kuta papat.

³⁶Sangka taler Rubèn: Bèzèr sak lemah pangonané, Yahas sak lemah pangonané,

³⁷Kedémot sak lemah pangonané lan Mefaat sak lemah pangonané: kuta papat.

³⁸Sangka taleré Gad: Ramot ing negara Giléad, kuta pangungsèné wong dosa awit matèni, kabèh pangonané, Mahanaim sak lemah pangonané,

³⁹Hèsbon sak lemah pangonané, Yaéser sak lemah pangonané, kabèh ana kuta papat.

⁴⁰Sakkèhé kuta kuwi mau dadi duwèké turunané Mérari miturut turunané, ya kuwi turahé turunané wong Lévi, pandumané dilotré kuta rolas.

⁴¹Sakkèhé kutané wong turunané Lévi ing sak tengahé duwèké wong Israèl kuwi ana kuta patang puluh wolu sak lemah pangonané.

⁴²Siji-sijiné kuta ana pangonané ing sak ubengé, kutané kabèh pada kaya mengkono.

⁴³Mengkono dadiné sak kabèhé negara kuwi dikèkké GUSTI marang wong Israèl, ya kuwi negara sing wis dijanjèkké karo sumpah, yèn bakal dikèkké marang para leluhuré, ya terus kelakon direbut lan dienggoni.

⁴⁴Sak terusé pada dikèki tentrem ing sak ubengé karo GUSTI netepi perjanjiané sing karo sumpah marang para leluhuré. Kabèh mungsuhé ora ana siji-sijia sing bisa tetep urip ing ngarepé: Kabèh mungsuhé pada dipasrahké karo GUSTI marang ing tangané.

⁴⁵Samubarang sing apik, sing wis sing dijanjèkké kabèh karo GUSTI marang turunané Israèl ora ana sing ora kelakon, kabèh kelakon.