Read Caribbean Javanese 2 Timotius 4 Bible Online

2 Timotius 4 - Caribbean Javanese bible

2 Timotius 4

¹Ing ngarepé Gusti Allah lan Kristus Yésus sing bakal ngadili wong sing urip lan sing mati, aku ngomong marang kowé sak temené, kanggo teka-Né lan kanggo kraton-Né.

²Kowé nggelarna pituturé Gusti, aja perduli ing wantyiné sing betyik utawa sing ora betyik, dunungna apa sing salah, élingna lan pituturana karo sak kabèhé kesabaran lan piwulang.

³Awit bakal tekan wantyiné, wong bakal ora bisa nampani menèh piwulang sing betyik, nanging bakal pada nglumpukké guru-guru sing dikarepké kanggo maremké kepénginané kupingé.

⁴Bakal pada mingeraké kupingé sangka kabeneran lan ngrungokké dongèngan.

⁵Nanging kowé, bisaa ngwasani awakmu ing sak njeruhné samubarang kabèh, sing sabar sak njeruhné ngalami sangsara, nandangana penggawéané juru pawarta Injil, lan nglakonana kuwajipanmu ngladèni!

⁶Kanggo aku iki, getihku wis wiwit diesokké kanggo pisungsung lan patiku wis tyedak.

⁷Aku wis mungkasi pertandingan sing apik, aku wis tekan garis pungkasané, aku wis ngantepi ing pertyaya.

⁸Saiki aku wis dityawisi makutané kabeneran, sing bakal dikèkké marang aku karo Gusti, Rèkter sing adil, ing wantyiné; nanging ora mung kanggo aku waé, malah uga kanggo sak kabèhé wong sing pada kangen ngentèni marang tekané.

⁹Ngupayaa supaya kowé gelis bisa nemoni aku.

¹⁰Démas wis ninggal aku awit kepéntyut marang ndonya iki, lan wis budal menyang Tésalonika. Krèsèns wis lunga menyang Galatia lan Titus menyang Damatia.

¹¹Mung Lukas sing ijik ngantyani aku. Markus petuken lan jaken mréné, awit enggoné ngladèni migunani kanggo aku.

¹²Tikikus wis tak kongkon menyang Efésus.

¹³Yèn kowé mréné, jubah sing tak tinggal ing Troas ing omahé Karpus kuwi tyangkingen lan uga kitab-kitabku, sing perlu déwé kitab sing digawé sangka lulang.

¹⁴Alèksander tukang tembaga kuwi, wis nindakké sing ala okèh marang aku. Kuwi bakal diwales karo Gusti miturut penggawéané.

¹⁵Kowé uga sing ati-ati marang wong kuwi, awit banget enggoné nglawan piwulang kita.

¹⁶Nalika aku ngomongké jawaban ing pengadilan sing kaping pisan, ora ana wong siji-sijia sing mbélani aku, kabèh pada ninggal aku. Bab kuwi supaya aja ditibakké marang wong-wong mau.

¹⁷Nanging Gusti wis ngamping-ngampingi aku lan nguwatké aku, supaya lantaran aku, Injil dikabarké wutuh lan sak kabèhé wong duduk Ju pada ngrungokké! Karo mengkono, aku luwar sangka tyangkemé singa.

¹⁸Gusti bakal ngluwari aku sangka sak rupané penggawé ala. Panjenengané bakal nylametké aku, nganti aku mlebu kraton-Né ing swarga. Kaluhuran kanggo Panjenengané tekan sak lawas-lawasé! Amin.

¹⁹Salam keslametan marang Priska lan Akwila lan marang brayaté Onésiforus.

²⁰Erastus kèri ing Korintus lan Trofimus tak tinggal lara ing Milétus.

²¹Ngupayaa enggonmu mréné sak durungé waktu bediding. Salam keslametan sangka Ebulus lan Pudèns lan Linus lan Klaudia uga sangka sedulur kabèh.

²²Gusti supaya nunggal ing rohmu. Kawelasan nunggal ing kowé!