Read Casuarina Coast Asmat 1 KORINTUS 11 Bible Online

1 KORINTUS 11 - Casuarina Coast Asmat bible

1 KORINTUS 11

¹Dere Kristus aeme pak jipu atawejommin. Tanom era aememin pak jipu atawejomay.

²Emesare, tanom debimak binip bajanimem apok aemmakam. Tanom era aememtamo atakam bamompim apok aemmakam. Erarawa, dere tara asitimmin.

³Dere ere, tare emes pak baporkorom, akot ajimin: oorey owe takes, Kristus ban ten are. Wanam, atapesti ambiis ban ten are. Wanam, Kristus Allah ban ten are.

⁴Era oorey owe, kuus apurimapomtas, wanam atakam Allah ajanimtas apaye, Allah atakam akoretamtas apaye, are Kristus bifane afeomememas emes tamen are.

⁵Tapes ere, kuus baso atakam Allah ajanimtas apaye, Allah atakam akoretamtas apaye, are ambiis bifane afeomememas emes tamen are. Emesare, tapes ambiis ban ten are. Era kuus baso tapes kuusnak tapes emes tamen are.

⁶Tapes akuus bapurimapom pota aportas, afini bajakuosomtas. Emesare, tapes, kuus fini karo apaye, kuusnak apaye, ere damke pak. Erarawa akuus bapurimapomtetertas.

⁷Owe oorey owe bi apormas, are Allah bi emes jip apormas. Are Allah afiak pak aemommar emes jip apormas. Erarawa oorey owe kuus bapurimapomteter bas. Me, owe tapes bi apormas, are ambiis afiak pak aemommar emes jip apormas.

⁸Allah, ere bonaknak asamot ipit, taot ajaimi embak bakenemapom apok. Are taot, era ipit ajaimi embak akenemapomen.

⁹Wanam, Allah, era ipit, era taot bakenemapomtam apok. Are ere, taot era ipit akenemapomtamen.

¹⁰Erarawa, tapes akuus bapurimapomtetertas. Era pak tapes ambiis ban ten, emes baporomtam pak. Me malaikat oweam era pak aporemas.

¹¹Me, Tuhan bajamkai owe ere, tapes apa baemeem asan apok. Oorey oweam apa baemeem asan apok.

¹²Allah, taot, jipit ajaimi embak akenemapomen. Tapesam oorey jii ajisipetiiemas. Allah ere, era pak takes akenemapomen.

¹³Me, tapes, kuus baso, atakam Allah bajanim akot ape? Emesare, bimak binip tamba atetaramay.

¹⁴Oorey owe kuus fini jirao aptam, ere damke pak. Tapes ere, kuus fini jirao aptam, ere atere pak. Owe takes emes amsam. Emesare, Allah era fini jirao, kuus bapurimapom pak, tapes atetammar.

¹⁶Wan owe ere, era pak, atakam bajamkoram akot aportas apaye, dere emes atakam akoremin: “Dare emes taka aemmarom. Era samaniin samaniin Allah basitim bajarisiap oweam emes taka aememas.” Emes atakam aesimmin.

¹⁷Ara atakam akoremin ere, dere tara basitim apok. Era ajarisiapmakam ere, akot pak baem apok. Ere pota pak.

¹⁸Ara bonak atakam akoremin: Atakam jane ajio, tare Yesus basitim ajarisiapmakam, tare atakam awar apok aemmakam. Debimak binip ere, era atakam, atakamnak apeno.

¹⁹Emesare, tarmamon atakam awar apok erare. Erarawa Allah akot apormar owe, baso aememtemas.

²⁰Era ajarisiaptakam ere, tare Tuhan perjamuan banda bajarisiap apok.

²¹Tare oweo, aememayekem tapa amos andeemakam. Erarawa, tare wan owe amosto aemapemakam. Wan, ere, bir bwi banda jaytu aemapemakam.

²²Tare emes baem wama tamenem? Tare oweo aememayekem tame apoke? Tanom tatame bomon amosam, bwiam, banday! Tare Allah basitim bajarisiap owe bifane afeomemmakam apaye? Tare era pak apok owe damke bakamapom akot apaye? Dere tare wama atakam okoretamtey? Dere tara basitim ape? Emesare, tare emes baem, dere tara basitim apok.

²³Era akoretamo atakam, ere Tuhan aokoretamen. Era atakam are: Jipit taka, Tuhan Yesus, era jokoman owe aotasimemomtamen. Bonak ere, bare taka eam, Tuhan amos ataeren.

²⁴Are terima kasih atakam Allah akoromen. Terima kasih atakam akoromerawa, era amos akokomen. Atakamam akoren. “Are dedamo dasa. Dedamo dasa ere, jow tara bauuem pak. Tanom emes aemaaray. Era pak tare bimak binip dera bajanimomem pak.” Emes atakam aesimen.

²⁵Amos andes arawa, Armat Ipit mbok anggur bwi aptam ataeren. Atakamam akoren. “Ara bwi, Allah ai ataaji aee atakam are. Me deesee ere Allah ai ataaji aee atakamam, ataajinak aporomtamum. Tare era bwi andetakam, De bimak binip ajanimomani.” Emes atakam aesimen.

²⁶Emesare, tare era amosam, era bwiam, andetakam, tare Tuhan dambir pak atakam akoretammakam— era aofasiendaeto bare ajiire.

²⁷Erarawa, owe era amosam, bwiam, bambi andetas apaye, are Tuhan era damoam era eseeam, bambi damoam, eseeam, emes tamen aememas. Emesare, are dosa aememas.

²⁸Oweo aememayes ajak bomon, amba ato baoorporkoromtas. Wanam era amosam, bwiam, asep bandetas.

²⁹Owe, era amosam, bwiam, bambi andetas apaye, wanam are Tuhan damo, bimak binip bajanimomem apok aemtas apaye, ere Tuhan, era owe dosa, atakam asakamtiim.

³⁰Erarawa, tare wan owe tanane eo damoam, damo kumitiam, aemapekem. Wan owe tanane ere, dambir etetas.

³¹Dare ere, dajak bomon aoorporkoromtam, Tuhan dara baooorpor apok aemtemaro.

³²Tuhan ere, dadosa aoorportaro, are ajurusumtemaro. Era pak Armat Ipit dare ara bajamkai apok owe takan bajurusum atakam basakamtii-ombar.

³³Dejoo owe akotnak! Emesare, Tuhan amos banda ajarisiaptakam, amos takan andaay.

³⁴Owe amosto aemtas, amos era atame bomon ato batakamdetas. Tuhan tadosa atakam basakamtii-ombar. Ajinaotey ere, dere wan atakam aokoretamtemin.