Read Casuarina Coast Asmat 1 KORINTUS 13 Bible Online

1 KORINTUS 13 - Casuarina Coast Asmat bible

1 KORINTUS 13

¹Dere asamot owe atakam takesam, malaikat owe atakamam, demsam aememtey, me, dere owe bafaim apok aemtey, ere dere jii berek akekerimemas “Keng, Keng” aemto emes tamen are. Denom panci tanan emes tamen are.

²Dere Allah atakam bakoretam tastu pak atoomemtey apaye, dere era bomonnak atakam kupis demsam apaye, denom Allah jiireynak fami wan asan bamaretaapom aesimtey apaye, me dere owe bafaim apok aemtey, ere dere bambi taka.

³Dere depak takes sai asaietamkoromtey apaye, dere dedamo, owe jisimak bamomtii atetamtey apaye, me, dere owe bafaim apok aemtey, ere wan pak asan akot dera boem pak apok.

⁴Me wan bafaim owe, jak jirao owe. Are owe seis akot aoorporemas. Me owe bafaim owe itim bakem apok. Are amba baemetemtem apok. Are apa akot, wan owe pota, emes bimak binip apok.

⁵Era owe bafaim owe, asan akot owe, are apa pak bataajanimut apok. Are jokoman apok. Are owe pota ara aememmas pak bimak binip jirao apok.

⁶Are owe pota pak baem aportas, are jak pota aemememas. Are ere, akot pak baem aportas, jak akot aemememas.

⁷Are owe pota pak atakam bakore apok aememas. Are owe basitimam, jiirey baeeam, bakari apok aemememas. Are emes ajakajirememas.

⁸Me owe bafaim owe, ere bakari apok pak. Era damsam pak ere, damsam takes apoknak. Me Allah atakam akoremarom atakamam, dare bakoretamkorom apok. Erarawa, Allah atakam bakoretam owe akarimtiitem. Me era asamot owe amsam apok atakam kupis bakore owe, emes atakam akaritemas. Allah, owe era bomon atakam amsam pak akarimtiitem.

¹⁰Emesare, anakot pak ajinaoto, Allah era anakot apok pak akarimtiitem.

¹¹Dere jii kope aememaaru ere, dere jii kope tamen atakam akoreaaru. Denom jii kope tamen bimak binip atetaramaaru. Denom jii kope tamen bimak binip akukuretiiaaru. Dere ere, owe daytu aememo, dere jii kope pak akarimtiio.

¹²Waa ere, era apormarom pak, sirmin jip baso apok emes tamen are. Me aamsekunaoto bare ere, dare Tuhan bi aportemarom. Waa, dere wan pak demsam apok. Era bare ere, demsamnak aemtemin— waa Tuhan dere amsamnak aemman emes tamen are.

¹³Emesare, Yesus eemnak ambesemkoromaaremarom. Danom Allah jiirey aeeaaremarom. Danom owe afaimaaremarom. Emesare, pak bamintepkor. Me anakotnak pak ere, owe bafaim are.