Read Casuarina Coast Asmat 2 KORINTUS 6 Bible Online

2 KORINTUS 6 - Casuarina Coast Asmat bible

2 KORINTUS 6

¹Wanam, danom Allaham karai takan aemarom. Emesare, dare atakam fiak tara ajanimmarom. Me Allah asan akot tara atetamman pak, bambi batoomat bas.

²Allah atakam ere, “Dere asan akot wora baem bare ere, Dere woatakam jane ajiaaru. Me dere wora bajortaer bare ere, Dere pi wora ajataaru.” Allah emes atakam aesimen. Tare ere, baporay! Waa, Allah asan akot tara baem aememem. Waa Allah tara bajortaer aememem.

³Danom owe pota pak baem batatapimtaa apok. Owe dare Allah karai aeetammarom pak, pota atakam bakore-ombar.

⁴Era aemmarom pak takes ere, dare Allah karai aeetammarom owe, emes aporomtammarom. Dare pota pak tanane ajakajiremomam, ajirisemomam, asan pota aemomomam, jak apok aememomam, dare jak jirao emes aememom.

⁵Oweam wusup dara ateroes. Are buji tame bomon ajiitaapomeroes. Are jokoman pak aemeroes. Danom karai daytinak aeeom. Danom ise daytu baes apok. Danom amosto daytu aememom.

⁶Danom asan pota apok aememom. Danom era atakamnak damsam. Danom jak jirao aememom. Danom owe asan akot aemom. Danom Allah Jip aptam. Danom owe bafaimnak aemom. Emesare, era pak takes dare Allah karai baetam owe, emes baporomtam are.

⁷Danom era atakamnak akoretamom. Allaham afiak pak atetamero. Armat Ipitam turunak owe aemapomero. Ere Allah ajokoman owe bakumimosom are.

⁸Wan owe dara asitimeroes. Wan owerawa, damke akamemeroes. Wan oweam dara atemtemeroes. Wan ere, dare atakam pota akoromeroes. Wan owe dare pote owe atakam akoromeroes. Emesanare, dare ere, atakamnak akoremarom.

⁹Wan owe dare amsam apok tamen aemememas. Me, owe takes dare amsamnak. Danom dambir baemken aemom. Me, dare jatiaptam aememom. Owe dara ajurusumeroes. Emesanare, me, dare dambir apok.

¹⁰Danom jak pota aemememarom. Emesanare, me, danom jak akot aememaaremarom. Danom pak daytu apok aemememarom. Emesanare, me, era anakot pak daytu, owe atetamemarom. Danom pak apok aemememarom. Emesanare, me, era anakot pak takes aemomemmarom.

¹¹Aemapakam Korintus owee! Dare atakam baso tara akorommarom. Danom bafaimnak tara aemomemmarom.

¹²Emesare, dare tare daytinak afaimemarom. Tare ere, dare kope emes afaimemaroakam.

¹³Tare detiparais aememmakam tamen atakam tara akorommin. Emesare, era bafaim pak biti ajietamaroay. Tanom dare afaimkoromaroay.

¹⁴Tare Kristus bamesem apok owe takan baemem bas. Era turu pakam, era jaos pakam, awar apok. Era sare pakam, era jiiti pakam, takan baemeemap asan apok.

¹⁵Kristus anama Belial atakam baemejamsakamamtii asan apok. Me Kristus eemnak bamesemkorom oweam, Kristus bamesem apok oweam, takan bajamemap bas.

¹⁶Allah Tameam, eto tameam, ere takan apok. Dare ere, jiine Allah aTame aemapom. Emesare, Allah emes atakam akoren: “Dere era owe takan aemaptemarom. Emesare, dere era owe awaut aemaptemin. Dere era owe aAllah aememtemin. Are deowe aememtemas.

¹⁷Tare era owe beken ajiemay. Tanom era owe bapakapiemay. Era asan pota pak ban bakurum bas. Derarawa tara ataertemin.

¹⁸Denom taritipit aememtemin. Tanom detiparais aememtemakam. Era fiaknak Tuhan emes atakam aesima.” Allah emes atakam aesimen.