Read Casuarina Coast Asmat FILEMON 1 Bible Online

FILEMON 1 - Casuarina Coast Asmat bible

FILEMON 1

¹Dere Paulus. Dere Kristus Yesus akarai baetam ipit. Emesare, owe dere bui tame bomon ajiitaapomenis. Erarawa dajoo ipit Timotius, ara surat takan aeapommarom. Filemon! Dare wora afaimemarom. Wore dare karai takan bae ipit. Dare ara surat wonom, dajoo taot juas Apfiaam, Arkipusam, wotame bomon Kristus basitim ajarisiapemas oweam, atetammarom. Emesare, Arkipusam, danom, Kristus atentara owe emes tamen are.

³Emesare, Daritipit Allaham, Tuhan Yesus Kristusam, asan akot tara baemtan. Are ji baem jak tara batetamtan.

⁴Atakam jane ajio ere, wore era turunak owe takes daytu afaimemarem. Wonom Tuhan Yesus eemnak ambesemkorommarem. Erarawa dere atakam deAllah ajanimtey, dere atakam wora ajanimtamemin. Denom terima kasih atakam Allah akoromemin.

⁶Deraye woraye Yesus eemnak ambesemkoromamum. Erarawa dare jimwi ajamtakamamum. Dare jimwi ajamtakamamum ere, dare Kristus atetamemaro asan akot pak, baporkorom. Dere era pak atakam Allah ajanimemin.

⁷Dejoo ipit akotnak! Wore turunak owe daytu afaimmarem. Worarawa, era owe jak fiak aemapomem. Dere emes atakam jane ajiorawa, dere jak akotam, jak fiakam, aememo.

⁸Emesare, dere atakam taka wora ajanimmin. Dere Kristus aipit. Erarawa dere wore era akot pak baem atakam basakamtam fiak pak ara aemomey.

⁹Dere ere, wora afaimemin. Erarawa, dere atakam wora basakamtam apok. Dere atakam taka wora ajanimmin. Emesare, dere Paulus. Denom paytu eteememo. Denom Kristus Yesus karai aetamaaru. Erarawa owe dere buji tame bomon ajiitaapomenis.

¹⁰Emesare, dere Onesimus atakam wora ajanimmin. Dere buji tame bomon aemapmin ere, dere armat ipit, Yesus Kristus bajamkai, aemapomo. Erarawa are detii.

¹¹Bonak ere, armat ipit pota pak wora aemen. Waa ere, are akot pak wora aemteman. Anom akot pak dera aemteman.

¹²Dere armat ipit wora aofasimtammin. Dere ere, armat ipit daytinak afaimemin.

¹³Me, dere Allah Akot Atakam akoretamo. Emesare, owe dere buji tame bomon ajiitaapomenis. Derarawa, Onesimus, pi dera bajat, bakem aemo. Are ara asan jow wora bauuem are.

¹⁴Dere ere, era ipit bambi bakem pota. Dere atakam wora batakamjanim, ere akot. Denom, wore emes akot pak baem atakam wora basakamtam, pota. Me, wore emes akot pak baem, atakam womba basakamtii, ere akot.

¹⁵Emesare, Onesimus, beken wora ajiosen ise arke apok. Era pak ere, amat ipit, takan wora aemapaarteman apeno.

¹⁶Waa, armat ipit bambi karai baetam ipit taka apok. Are akot wora baem ipit. Are dajoo ipit akot eteememe. Emesare, dere era ipit daytinak afaimemin. Armat ipit ere, wo bambi karai baetam ipit. Araye woraye, Tuhan takan ajamkaimankum. Erarawa wonom armat ipit daytinak afaimomtemarem.

¹⁷Emesare, dere wojoo ipit apormanim apaye, wore armat ipit, de tamen aotaerey.

¹⁸Are jokoman pak wora aemen apaye, pak wosom aetaetey apaye, ere era pak, bon surat dera aeapoman.

¹⁹Emesare, ara atakamnak kope, surat dema aeapommin: Emesare, dere Paulus. Dere era bon uang wora aotetamtemin. Me, dere Kristus bajamkai wora aemapomo. Wore era pak biti bajie apaye, wore deatakam ji aekoromey. Dere ere, era pak, bimak binip wora bajanimomemtam apok.

²⁰Dejoo ipit akotnak! Dare Tuhan takan ajamkaimamum. Erarawa wore asan akot dere aeman. Wonom jak akot dere aeman.

²¹Emesare, wore deatakam ji aetemarem. Wonom deatakam aanimmin pak taka baem apok aemtemarem. Me wore wan pakam aoemtemarem. Dere era pak demsam. Emesare, dere ara surat wora atetammin.

²²Emesare, wonom jaki kamar pak bataetiitaman. Tare atakam Allah dera ajanimtammankum. Erarawa debimak binip ere, Armat Ipit dere tara aofasimtamteman.

²³Emesare, Epafras, Kristus Yesus ajamkaim. Erarawa, owe, denom, armat ipitam, buji tame ajiitaapomeroes. Armat ipitam selamat atakam wora akoromman.

²⁴Markusam, Aristarkusam, Demasam, Lukasam, Kristus karai dere takan aemarom. Are selamat atakam wora akorommanis.

²⁵Tuhan Yesus Kristus asan akot tara baemtan. 4