Read Casuarina Coast Asmat IBRANI 3 Bible Online

IBRANI 3 - Casuarina Coast Asmat bible

IBRANI 3

¹Dejoo owe akotnak! Allah tare turunak owe ataemomen. Are tara ajaten. Emesare, tare Yesus bimak binip atetaramay. Allah Armat Ipit ataendaemen. Me Armat Ipitam daAllah Tame Pak Baem Ipit daytu aememen. Dare Yesus eemnak ambesemkorommarom are.

²Allah Yesus emes pak baem ataemome. Bonak ere, Musa, Allah tame, banamek akot ataiomkoromen. Japenam, Yesus, Musa Allah atakam ji tamen aeme.

³Emesare, owe tame baeapom ipit atakam akot daytinak akoremas. Ararawa, era tame, atakam akot kope emes akoremas. Emesare, owe Yesus basitim daytinak baemtas. Are Musa basitim kope emes baemtas.

⁴Owe era tameiin tameiin aeapomemas. Era tame ji amba baereames apok. Allaham era pakiin pakiin akenemapomen.

⁵Me Musa, Allah tame banamek akot ataiomkorome ere, armat ipit, karai baetam ipit aememen. Erarawa are Allah asep bare akoreto atakam, atakam akoren.

⁶Me, Kristus Allah Andep. Are Allah tame banamek akot ataiome. Atame ere, darare. Ere dare jak fiak aememaartam are. Dare asepnak bare ajiire, jak akot aptam Kristus jiirey aeaartam are.

⁷Emesare, Allah Jipam atakam akoremara: “Tare waa Allah atakam jane ajitakam,

⁸jane sake bas. Me Allah aemporekem bare, ere jane sake aememekem. Tare ere, emes boem bas. Era bare ere, tare era owe apok asan, Allah aemporekem.

⁹Emesare, Allaham, ‘Era asan ere, tarfaisomar Dera aemporkoromenis. Are tahun 40, era aemaaru pak aporaaris. Emesare, Dere era owe, jak ambap apumemaaru. Derarawa, “Era owe bimak binip jaos atetaramaaremas. Are era aemmin pak amsam apok.” Emes atakam aesimo.

¹¹Wanam, “Denom jak ambap apumemo, wanam ataaji fiaknak aeeo. Era owe era tapirmi ajiitas, wanam kais takan Dera baemejamda asan apok.” Emes atakam aesimo.’ Allah emes atakam aesimen.” Allah Jip emes atakam akorem.

¹²Dejoo owe akotnak! Emesare, tanom turuar. Tare asan pota jakam, Allah bamesem apok jakam, baemomem bas. Me tare wan owe, era jiine Allah, bamompim-ombar.

¹³Waa ere, Allah, tare aatakam ji bae, asan akot tara atetamman. Emesare, juiin afaafeto, tarmamon ataane ajamweamay. Era dosa pak potet tara batutum-ombar. Tanom jane sake baemem-ombar.

¹⁴Bonaknak, dare Kristus eemnak ambesemkoromom. Danom Armat Ipit ajoo owe aememom— dare bonak eemnak ambesemkoromom atakam, era asepnak bare ajiire, aememtam are:

¹⁵Emesare, Alkitabam: “Tare waa Allah atakam jane ajitakam, jane sake bas. Me Allah aemporekem bare, ere jane sake aememekem. Tare ere, emes boem bas.” Emes atakam aeapoma.

¹⁶Emesare, owe Allah atakam jane ajies, wanam Armat Ipit aemporesen. Era owe ere, tanam? Emesare, are Musa era Mesir tapirmi beken bajios asakasimomase owe takes are.

¹⁷Tahun 40, Allah, owe, jak ambap apumemaaririn. Era owe ere, tanam? Ere dosa aemes owe are. Era owe, ere, era tame apok asan dambir atamsesen.

¹⁸Allaham ataaji fiaknak aee, “Era owe era tapirmi ajiitas, wanam kais takan Dera baemejamda asan apok.” Emes atakam aesimen. Era owe ere tanam? Ere Armat Ipit aooes owe are.

¹⁹Era owe Armat Ipit bamesem apok aemesen. Erarawa are era kais banda apok aemesen. Danom emes apormarom.