Read Central Asmat AEMAWIRISAS 19 Bible Online

AEMAWIRISAS 19 - Central Asmat bible

AEMAWIRISAS 19

¹Barewen. Apolos e Korintus cowocemapmepaw, e Paulus e wun dawon opok capinmi akorfisefen. Ar masirin, e kota Efesus aneyemefen. Erasan ar Tuhan mamkawi ow biamnuk aemamtewefen.

²Aram atakam, e ow, aotawefen. “Car Yesus asicimfokom ara, car e Roh Kudus emetewetfokomnew?” Inim aeefen. E ow masirin, “Opok. Dar Roh Kudus atakam jen baji opok cowok.” Inim aefesen.

³Paulus masirin, “Ow bwi car abwimfan, e ucim bwi babwimaram?” Inim aeefen. E ow masirin, “E bwi babwim, e Yohanes amememtamef bwi babwim cowok ara.” Inim aefesen.

⁴E Paulus masirin, “Yohanes, e dosa bak apayemfes ow bwi abwimefen. Aram atakam e ow aotawefen. ‘Car e do fa asep aenawcow ipic mamsicimey. Er Yesus ara.’ E Yohanes inim atakam aotawef.” Paulus inim aeefen.

⁵E ow inim atakam jen ajifes masirin, wun ow Yesus juwas ajiemfes, wunam ar e ow bwi abwimfesen.

⁶Paulusam ban e ow dam ton atatiwef, wunam Roh Kudus e ow jak aman afiwaptotorefen. E ow masirin, kawey samatin, samatin atakam jukpiri atawtotorfesen. Ar Allah atakam aotawfesen.

⁷E inimas aemfes ow, dua belas ajiwarnew arawen.

⁸Barewen. Pir mamincop ajiwar, Paulus sembahyang cem afiwa aeefen. Ar jak fak epcom atakam e ow aotawa aeefen. Aram atakam aamtawa aeefen. Ar e ow e Allah Pemerintah atakam basicim, ajomtampora aeefen.

⁹E wun ow nat, jen fak aememfesen. Ar e atakam aopowfesen. Aram Tuhan Bokotpu cemew atakam aotawfesen. Paulus inimas aporef masirin, ar e ow bakan ajiosefen. Ar e Yesus mamkawi owam atewefen. Ar masirin, join fafayawiri, Tiranus sekolah cem aman, atakam amememtamawirien.

¹⁰Ar inimas tahun jamnuk aemawirien. Inimas ara, e Asia capinmi aemapfes Yahudi ow takasam, Yunani ow takasam, Tuhan atakam jen ajifesen.

¹¹Bare, Allah fakas, Paulus atetamefen. Inimas aramat ipic junum bweas awutnakut aemefen.

¹²Ow e Paulus dam akoromfes sapu tanganam, pakaianam, dam owpu atowocenfesen. E dam ow masirin, ajaworsitfesen. E datam e ow jak aman afisfesen.

¹³E wun Yahudi ow, ow jak aman dat bafimisim, asanin asanin acowojarfesen. E ow masirin, e dat bafimisim, Tuhan Yesus juwas ajitewfesen. Aram atakam e dat aotawfesen. “Dor e Paulus acacapiomamar ipic juwas Yesus ajuwas ajitewmin. Inimas dor jirmec or ajirimamin.” Inim aetotorfesen.

¹⁴Allah atakam mamtaw tugas ipic juwas Skewa arawen. Ar Yahudi ipic arawen. E atiperes tujuh ajiwar inimas aetotorfesen.

¹⁵Inimas aefes masirin, e dat e ow atep ajitefen. “Yesus nomsom. Paulusam nomsom. Car ara nat, cam?” Inim aeefen.

¹⁶E dat jak aman aemapef ipic masirin, e ow aemefen. Inimas ar e ow akumimosomefen. Aram e ow ajurusumefen. Inimas ara, e ow e cem asarimfisfesen. Ar dam fiam, dam doso epcomam, arawen.

¹⁷E kota Efesus aemapfes Yahudi ow takasam, Yunani ow takasam, inim atakam jen ajifesen. Aram takas omar aefesen. Bare, Tuhan Yesus juwas an afufuosefen.

¹⁸E Yesus asicimfes ow arkeam aenawfesen. Aram e aemawirisas, atakam afafasimfesen. Aram e aemawirisas, umuton aporomfesen.

¹⁹E jini pok aemawiris ow arke, e jini pok atakam buku takas aaramsisimapomfes, wunam e ow bipu jis afamfesen. Aram e buku harga jumlah aefesen. E harga uang perak lima puluh ribu ajiwar arawen.

²⁰Inimas ara, e asanin asanin ow, e Tuhan atakam jen ajifesen. Bare, e Tuhan atakam ji aefes ow, kayimin akakayiemfesen.

²¹Inimas aemkurumfes, Paulus e Makedonia capinmiam, e Akaya capinmiam, bakorfis, wunam Yerusalem bajir, atakam asakamtiwefen. “Dor erasan ajisoscey, doram Roma bapor.” Inim aeefen.

²²Aram akerja akac bwem ipic jamnuk juwas Timotiusam, Erastusam, Makedonia capinmi atiwirimefen. Aramat ipic masirin, Asia capinmi aoemapefen.

²³E jofay ara, ow Tuhan Bokotpu atakam, jisuwan ajifesen.

²⁴Perak pok bakenem ipic cowok juwas Demetrius, e ēco juwas Artemis cem pas arke akenemawirien. Bare, e perak pok bakenem ow inim kerjaas, uang awutut atewetawirisen.

²⁵E Demetrius, e perak kerja owam, e wun inim cimin kerja owam, aaramsisimapomef, wunam atakam aotawefen. “Awamcokom owa. Dar e kerja aemamom ara, bare uang awutut ateweta aemom. Caram inimas camsom ara.

²⁶E Paulus nat, e Efesus ow arkeam, e Asia capinmi ow arkeam, atakam ajomtamama. Aram e ow arke bin afirimama. ‘E asmat akenemapomcemes pok, bare, allah opok,’ inim aema. Car inimas manmok atiwmokom. Inim atakamam jen ajimokom.

²⁷Ow e dakerjaas, atakam pwicak atawcemes openow. Wunam ow e allah cowoc awut juwas Artemis acem, mami cem ara, inim atakam atawcemes openow. A Asia capinmi ow takasam, a samatin samatin takasam, a akatnakut allah cowoc asicimames. Ow nat, e cowoc ajumnemcemes openow.” Demetrius inim aeefen.

²⁸E ow inim atakam jen ajifes, aram jak amopnakut aememfesen. Aram atakam afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen.

²⁹E kota asanin asanin jisuwan ajifesen. E ow, e Paulus akac ajarfes Makedonia capinmi ipic jamnuk juwas Gayusam, Aristarkusam, ban akimomfes, wunam e kota ow ajarewsiapcemes asan asarimtowomosfesen.

³⁰Paulusam e ow arke bipu atakam botaw aemefen. E Yesus mamkawi ow nat, aramat ipic akekemfesen.

³¹Bare, e wun Asia capinmi pemerintah ow, Paulus ajowow arawen. Aram atakam Paulus atewenamfesen. “Or e kota ow barewsi asan bafiw arapok.” Inim aefesen.

³²Bare, e ajarewsiemfes ow, jisuwan awut ajifesen. Ar e ajarewsiemfesas amsom opoken. Inimas wun ow arop atakam afakaytawfesen. Wun ow masirin, arop atakam afakaytawfesen.

³³E Yahudi owam, jipic juwas Aleksander, e ow arke bipu amerotasimemfesen. Inimas e wun ow e aramat ipic e jisuwam amsom inim arawen. E Aleksander masirin, e ow jokon bajiap, ban awawarimefen. Aram e ow atep bajit aemefen.

³⁴E ow nat, e Aleksander, Yahudi ipic aporfesen. Inimas jam jamnuk ajiwar e ow takas atakam akac afafakaytawa aefesen. “E Artemis, awamcom Efesus ow daras ara. Ar allah awutnakut ara.” Inim aea aefesen.

³⁵Bare, kota juru tulis, e ow arke, jokon ajimapomef, wunam atakam aotawefen. “Awamcokom Efesus owa. Efesus e awutnakut Artemis asembahyang cem asan ara. Aram e onam op aewjuneyef ēco asan ara. Ow takas inimas amsom.

³⁶Inim atakam, bare atakamnak ara. Ow inim atakam, ‘suw atakam’ bwemji asan opok. Inimas ara, caram jokona. Caram jokmen arapok.

³⁷Car awamces ow atowotnaworokom. E ow nat, sembahyang cem pok osom ow opok. Aram e darallah cowoc cemew atakam opok.

³⁸Inimas ara, e Demetriusam, e perak pok bakenemapom owam, awamces ow salah apormesnew, aram atakam pemerintah baotawces. E salah boworpor ow ajarewsiapcemes. Gubernuram awap. Ow e salah atakam, erasan baamtawces.

³⁹Ca nat, wun atakam epen, a kota atakam mamsakam ow e atakam jen bajices.

⁴⁰E wow jisuwan awut aemamom ara, bare pemerintah, ‘Car salah aemorokom,’ inim atakam aotawcemarow openow. Daram atakam fwe opokut. Inimas dar atep bwemjit asan opok. Caram bare, cema.” E juru tulis inim atakam aotawefen.