Read Central Asmat 1 KORINTUS 13 Bible Online

1 KORINTUS 13 - Central Asmat bible

1 KORINTUS 13

¹Dor asmat ow atakam takasam, malaikat atakamam, nomsom aemcey, e nat, dor ow damos bajiom opok aemcey, bare dor e lonceng akokomcemes “Keng, Keng” ecemar inim cimin ara. Doram panci cenen inim cimin ara.

²E Roh, dor Allah atakam botaw cescuwas atetamfannew, dor e amannakut atakam takas nomsomnew, doram e wun atakam takas nomsomnew, doram Allah sikon wun asan bajartewapom jireynak aeceynew, e nat dor ow damos bajiom opok aemcey, bare dor desen ara.

³Dor e dopok takas sey aseyetamkurumceynew, dor e dodam, ow sos bafamtiw atetamceynew, e nat, dor ow damos bajiom opok aemcey, bare e wunas dor asan akat bomas opok ara.

⁴E damos bajiom ow, jak jirow ow ara. Aram ow sawes akat aoworporcemes. E damos bajiom ow icim bafes opok ara. Aram arma batawsicim opok ara. Aram arop akat, wun ow pwicak, inim bi binip opok ara.

⁵E damos bajiom ow, asan akat ow ara. Aram arop pok batawanimat opok ara. Aram jokmen opok ara. Aram kawey salah bi binip jirow opok ara.

⁶Aram ow pwicakas bwem aporces, ar jak pwicak aememcemes. A nat, e atakamnak aporces, jak akat aememcemes.

⁷Aram kawey pwicakas atakam botaw opok aemcemes. Aram ow basicimam, jirey bweam, bakari opok aemcemes. Aram inim akajiremcemes.

⁸E damos bajiomas, bare bakari opokas ara. E namsomas nat, namsom takas opokut. E Allah atakam aotawmomasam, dar botawkurum opok. Inimas Allah e aratakam botaw ow akarimtiwcema. E Roh atetamcemar kawey atakam jukpiri bataw ow, inim atakam akaricemes. Allah, ow e aman atakam amsomas akarimtiwcema.

¹⁰Bare, e anakatas aenawcow, Allah e anakat opokas akarimtiwcema.

¹¹Dor jiwinakap aememawiru ara, dor jiwinakap cimin atakam atawawiru. Doram jiwinakap cimin bi binip aceceremawiru. Doram jiwinakap cimin at aetiwawiru. Do nat, ow awut aememof ara, dor e jiwinakapas akarimtiwof.

¹²Wow nat, e apormomas, cermin jipir umuton opok inim cimin ara. E aenawcow jofay nat, dar Tuhan bi aamporcomom. Wow, dor e wunas nomsom opok. E jofay nat, nomsomnak aemcimin— e wow Tuhan dor amsomnak aemaman inim cimin ara.

¹³Bare, Allah aatamsicimawermom. Daram jirey aatameawarmom. Daram damos aatamjiomawarmom. Bare, a mamincoput ara. E penting anakatas nat, damos bajiomas ara.