Read Central Asmat 1 KORINTUS 8 Bible Online

1 KORINTUS 8 - Central Asmat bible

1 KORINTUS 8

¹Bare, ow, das ēco atetamces, ar ēco asicimcemes. Caram, “Dar a takas namsom,” inim aefokom. Bare, er atakamnak ara. E nat, e amsom ow, arma atawsicimcemes. E damos ajiomames ow nat, ow asan akat aomcemes.

²Ow bi binip aceceremces, “Bare, nomsom ar,” inim aeces, ar e akatas amsomnak opok.

³Allah nat, e ar damos ajiomames ow amsom ara.

⁴Dar, ow e ēco basicim atetamfes das memen atakam atawmom ara. E ēco takas, bare anakatas opok ara. Daram inimas namsom. Allaham, bare cowokut ara. Daram inimas damsom.

⁵Asmat ow, awames capinmiasam, e onam opasam, “allah,” inim juwas aamfes. Atakamnak ara, e allah kanim bare arke awapes. E tuhan kanimam arke awapes.

⁶E daras nat, Allah cowokut ara. Aramat ipic daricipic ara. Aram e pokin pokin takas akenemapomef ipic ara. Daram aras ara. E Tuhan Yesus Kristusam, bare cowokut ara. Aramat ipicam e pokin pokin akenemapomef. Aram joses atetamamarow.

⁷Wun ow nat, inimas amsom opok ara. Ametnak ara, e wun ow, e ēco ajamkawiawara ajimpes. Inimas ara, wow ajiwaram, e das aances, ar e das e ēco basicim batetam das ara, inim bi binip aceceremcemes. E ow nat, eras amsomnak opok ara. Inimas abi binip ara, “A das memen, bare dosaas ara,” inim aecemes.

⁸Pok memennew, pok memen opoknew, bare awcawor ara. Er dar Allah mamkawi fak bemapomas opok. Dar pok memen opoknew, er dar asan pwicak bemapomas opok. Daram pok memennew, er dar asan akat bemapomas opok.

⁹Bare, caram eras e akat aporcokomas jipu mamemey. E nat, caram pimicima. E akat aporcokomas, e Yesus mamkawi fak opok ow, Yesus mamkawikurum bakekem arapok.

¹⁰E wun ow abi binip ara, “E das memen, dosa ara,” inim bi binip aceceremames. Ca nat, camsom ow ara. E ow nat, car pok, e ēco basicim cem aman bapan aporcan, aram, “Bare, doram e das memen,” inim atakam asakamtiwtotorcemes openow.

¹¹Inimas ara, e camsom ow, e amsomnak opok ow, asan pwicak aemapomcomokom. Kristus nat, e ow damir emeaftamef.

¹²Inimas ara, car e amsomnak opok ow ajurusumcomokom. Caram dosa e ow aomcomokom. Bare, caram dosa Kristus aomcomokom.

¹³Dor pok aancey, wunam eras e dojowow Yesus mamkawikurum bakekem aporcey, bare, dor das boan opok cowok aemcimin. Dor e dojowow Yesus mamkawikurum, bakekemasin.