Read Central Asmat 2 KORINTUS 3 Bible Online

2 KORINTUS 3 - Central Asmat bible

2 KORINTUS 3

¹E atawmin atakam, dar darma botawsicim arapen? Bare, ow e wun ow surat bweapomtam janim aanimcemes. E surat atakam, “Inim ipic, jipic tarowat ara,” inim aecema. Car dar inim surat batowop, wunam e surat car baporomtam, inim janim aanimamokomnew? Dar car inim surat da bweapomtam, janim aanimamomnew?

²Car dar ow tarowat ara, inim atakam surat inim cimin awapokom ara. Bare, dar damos car ajiomamenom. Ow takasam e surat baca aemames inim cimin ara. Ow takas e surat apormes inim cimin ara.

³Car, Kristus aeapomef surat inim cimin awapokom ara. Er umuton ara. Car, dar Kristus kerja aemtamfomas awapokom ara. Kristus e surat aeapomef, er tinta bweapomas opok. Er e jiwne Allah aRoh aeapomefas ara. Aram e surat asuk wow, ek petam ton bweapom opok. Ar e surat, asmat jak aman aeapomef.

⁴Dar e Kristus aemefas apormom, wunam jirey Allah aemom. Inimas dar e atakam aotawmom ara.

⁵Dar a kerja darma bwemem asan opok. Allah nat, a kerja fakas atatamforow.

⁶Allah dar e ay atayi aeefas, atakam kawey ow mamememtam, inim fakas atatamforow. E ay atayi aeefas nat, surat asuk wow epcom jirmec opok. E ay atayi aeefas, Roh Kudus aemamaras ara. E asuk wow epcom jirmec, asmat ow damir bafas aporomtamef. E Roh nat, jiwneas atatamama.

⁷Allah e aJirmec atatiwtamef ara, e asuk wow ek ton aeapomefen. Erasan aememefes ow, Allah aratakas aporfesen. Musa e abiam serenakut aememefen. Asep ara masirin, e abi sereas, sere opok inim aoememefen. E nat, e Israel ow, e Musa bi manmok bwemsupicayop asan opoken. E Jirmec, asmat ow damir bafas aporomtamef. Ow, e Allah atatitamef Jirmec, akatas kanim inim aporfesen. E Roh aemamaras nat, akatnakut apormom ara.

⁹Bare, ow e Allah atatitamef Jirmec, akatas aporfesen. E Jirmec nat, asmat ow adosa, atakam basakamtiwas ara. E Roh nat, dar ow tarowat aemapomamarow. Inimas e Roh aemamaras akatnakut ara.

¹⁰Ametnak ara, e Jirmec akat aemamesef. E nat, e Rohas, bare akatnakut ara. Inimas e Jirmec akatas, emeaniosef inim cimin apormom ara.

¹¹E jiwne opokas akat inim aemamesef. E nat, e jiwneas, bare akatnakut ara.

¹²Daram eras jirey aemom. Inimas dar atakam umuton aotawmom.

¹³Dar e Musa cimin arapok. Aramat ipic, picin, e abi apwirimtopomefen. E Israel ow, e sereas banios, manmok batiwasin arawen.

¹⁴Bare, e ow bi binip jiwic aememfesen. Wow ajiwaram, e ow e tarey atayi atakam baca aemames, bi binip jiwic aememames. E bi binip jiwic, e Musa, picin, e abi apwirimtopomef inim cimin ara. Ow nat, Kristus ajamkawices, e picin aanioscemar inim cimin ara.

¹⁵Wow ajiwaram, e ow Musa tulis aeapomef buku baca aemes, e picin, e ow abi binip apwirimopma inim cimin ara.

¹⁶E ow nat, Tuhan bin afiromces, e picin aanioscema.

¹⁷Tuhan, bare Roh ara. E Tuhan Roh, e Iblis taw aatef ow asurumtamcema.

¹⁸Daram takas, picin e dabi bapwirimop opok inim cimin aememamom. Dar Tuhan arakatas, jipir aporomamom— kaca muka asmat bi jipir aporomama inim cimin ara. Daram Tuhan arakatas cimin memem, kayimin ajamkakayimcomom. E Roh eras aomcemarow. Tuhan, bare Roh ara.