Read Central Asmat FILIPI 3 Bible Online

FILIPI 3 - Central Asmat bible

FILIPI 3

¹Dojowow akatonokom. A atakam, asep atakam ara. Bare, Tuhan jak akat car batetamcan. E bap surat car aeapomtamfin atakam, aoeapomtamamin. Do nat, inimas bwem pwicak opok. Er car asan akat bomas ara.

²Bare, car e cadam picin daniwis bwemtiw aemames ow, pimicima. Ar juwur inim cimin ara. Ar pwicakas bwem ow ara.

³Dar sunat anakat epcom ow ara. E Roh Kudus, Allah basicim bi binip atetamamarow. Daram Kristus Yesus ajamkawimom. Inimas jak akat aemapmom. Daram darma bwemjorem asan opok apormom.

⁴Dar darma bajorem ayaw, bare doram dorma ajoremcimin araman. Ow, “Daram darma ajoremcomom,” inim bi binip aceceremamesnew, doram, “Dorma ajoremcimin,” inim bi binip bacecerem araman:

⁵Bare, dor enakap aemamesof ara, isi delapan ajiwar aemamesof. Isi delapan ajiwar aememesof, ow sunat aemtiwfenes araman. Bare, dor Israel capinmi ipic ajisamesof araman. Dosamat, Benyamin samatut araman. Dorisepes Ibrani ow ara. Dor masirin, Ibrani ipic anakat awamcey araman. Doram Parisi ipic aememawiru. Inimas dor e Yahudi Jirmec ji aeawiru araman.

⁶Doram e Kristus basicim barewsi ow ajurusumawiru. Doram e Jirmec surat atakam takasut ji aekurumporawiru araman.

⁷Bap ara, dor, “Eras takas anakatas ara,” inim bi binip aceceremawiru. Asep ara nat, dor Kristus mamkawi akat aporof. Dor e bapas takas anakat opok aporof.

⁸E nat, e cowok opok. Kristus Yesus, bare doTuhan ara. Dor aramat ipic nomsom. Inimas akatnakut apormin ara. E wunas takas anakatas opok apormin. Dor aramat ipic ajamkawiof. Inimas dor e doras takas ajiwosomof. Dor Kristus batewetkurum jak aseremomamin. Doram aramat ipic mamkawikurum jak aseremomamin. Inimas dor e wunas takas cenapok inim cimin apormin. Doram, “Dor e Jirmec surat atakam ji aemin. Inimas dor ow tarowat dorma aememamin,” inim bi binip bocecerem opok aemamin. Do nat, Kristus asicimof. Inimas Allah dor ow tarowat atakam asakamtiwef.

¹⁰Dor Kristus bamesomkurum jak aseremomamin. Doram e aojaworsitef fakas basam batkurum jak aseremomamin. Dor e ajurusemefas inim cimin bajurusem jak aseremomamin. Dor aramat ipic damir aafefas, inim cimin bwem jak aseremomamin.

¹¹Inimas aemcey, Allah e damir ow aojaworomsumutumcow, aram dor aojaworomsumutumceman.

¹²Do nat, wow ajiwar eras takas bwemkurum opok. Doram ow tarowat anakat mememkurum opok. E nat, Kristus dor atewetfan. Inimas ara, dor eras takas bwemkurum, jec awut awumin.

¹³Dojowow akatonokom. Dor eras bwemkurum opok apormin ara. E nat, dor e asep asamanam boji opok. Dor e bin ajiomamin asan bamertay, po fak aemamin inim cimin ara.

¹⁴Dor e ci pwecec bamertay asanpu, mimīn ajiapmin. Dor e bap bamertay ow tewetmesas, batewet aemin. Er e onam op asan bemap ara. Allah e Kristus aemtamforowas apormar ara. Ar masirin, dar e asan akat bemap ajatetotormarow.

¹⁵E da Kristus mamkawi fak ow takas inim bi binip baceceremamoc. Car wun bi binip aceceremcokomnew, Allah eras car aporomtamceman.

¹⁶Bare, e wow ajiwar ajarawirum bokot, inim batamjarawarmoc.

¹⁷Dojowow akatonokom. Car takas e aemaminas jipu acowoyawarey. Dar cabokot jof afimapomtamfom inim cimin ara. E aemamomas jipu bwem ow baporkurumey.

¹⁸Bare, ow arke e aemamesas, e Kristus salib os op damir aafef atakam, bifan afayomames inim cimin ara. Dor inim atakam arke bap car aotawa aefin. Doram wow bwec manem epcom inim atakam car aootawmin.

¹⁹Bare, e ow daniwis aemamescemes. Ar Tuhan Allah basicim opok. Ar e aanmes pok cowok asicimames. E aemamesas, bare namkeas ara. E ow nat, “E aemamomas, bare akat cowok ara,” inim atakam awut aotawmes. Aram awames capinmias bi binip awutnakut aceceremames.

²⁰E nat, dacapinmi onam op ara. Daram e dabajortew ipic erasan ewneycowas manmok afemom. Ar Tuhan Yesus Kristus ara.

²¹Aramat ipic bare fak ara. Inimas ar e takas aomomkurumcema. Inimasam ar e dadam pwicak, e adam akatnakut awcawor aaworomtamtotorcemarow.