Read Central Asmat 1 TESALONIKA 1 Bible Online

1 TESALONIKA 1 - Central Asmat bible

1 TESALONIKA 1

¹Dor Paulus ara. Doram, Silwanusam, Timotiusam, a surat, e car kota Tesalonika Yesus basicim barewsiap ow, aeapomtamamenom. Car, daricipic Allaham, Tuhan Yesus Kristusam, aras ara. Bare, Allah, asan akat car baomcan. Aram jak akat car batetamcan.

²Dar car Yesus ajamkawimokom apormom ara. Inimas dar terima kasih atakam Allah aotawawarmom. Daram janim Allah aanimcom, dar car janim aanimtamcomom.

³Dar janim daricipic Allah aanimcom, dar e aemfokomas, bi binip aceceremcomom. Car e Yesus Kristus daTuhan asicimfokom. Inimas car akatas aemfokom. Caram damos aramat ipic ajiomfokom. Inimas car kerja fak aemfokom. Caram aramat ipic jirey awut aefokom. Inimas car bakorompim opok aemfokom.

⁴Dajowow akatonokom. Allah damos car ajiomaman. Aramat ipicam car aereremtattotorfan. Dar inimas apormom ara.

⁵Dar e Atakam Akat car acacapiomtamfenom, dar atakamin botaw opok. Dar e Roh Kudus fakasam car aporomtamfenom. Daram e Atakam Akat, atakamnak aporkurumfom. Car masirin, inimasam aporfokom. Dar car akac aemapfom, car e aemfomas aporfokom. E aemfomas takas, car asan akat bomas ara.

⁶Car e aemfomas jipu acowoyfokom. Caram e Tuhan aemefas jipu acowoyfokom. Owam car ajurusumfan. E nat, car Yesus Kristus atakam, jak akat epcom, ji aefokom. E jak akat, Roh Kudus car atetamfanas ara.

⁷Inimas ara, e Makedonia capinmi Yesus asicimames ow takasam, e Akaya capinmi Yesus asicimames ow takasam, e aemamokomas jipu bacowoy akat aporfes.

⁸E aemfokomas akat ara. Inimas ow arkenakut e Tuhan atakam jen ajifes. E atakam jen ajifes ow, e Makedoniain Akaya capinmi ow cowok opok. Bare, e asanin asanin ow takas, e Allah asicimfokomas, inim atakam jen ajifes. Inimas ara, dar wun atakam e ow botaw opok. Bare, ow jen emcajifes.

⁹E ow, e aemfokomas, atakam arma aotawmes. Dar e cakota ajaremfom, car asan akatipic aomfenom. Caram ēco basicim akoremfokom, wunam Allah asicimfokom. Bare, car e jiwne Allah anakat, kerja aemtamfokom. Caram e atiw e onam op ewneycowas, manmok afemokom. Er e Allah aojaworomsumutumef ipic juwas Yesus ara. Bare, Allah dosa bifan afayomama. Inimas asep jofay ar ow siksa anakat aemcema. E Yesusam e siksa dar ajortewmarow. E aemfokomas atakam jen ajifes owam, inimas atakam aotawmes.