Read Central Asmat 1 TESALONIKA 3 Bible Online

1 TESALONIKA 3 - Central Asmat bible

1 TESALONIKA 3

¹Bare, dar car cowkon opok aemapfom. Inimas jak opok cowok aemapfom. Dar masirin, kota Atena darop bemap atakam aamsakamfom.

²Dar dajowow ipic Timotius car atiwinamtamfenom. Aramat ipic e Kristus Atakam Akat dar akac acacapiomamom. Dar aramat ipic, car jak fak mememam, Kristus batamsicimawaram, inim atjen bow atiwinamtamfenom.

³E ajurusemamokomas aman, car Kristus mamkawi, bi binip arke baceceremasin. Bare, Allah, dar bajurusem atakam asakamtiwef. Inimas namsom ara.

⁴Dar car akac aemapfom ara, atakam bap car aotawfenom: “Ow dar takas ajurusumcemarowos.” Inim aefenom. Asep ara masirin, dar takas ajurusemfom araman.

⁵Inimas ara, dor Timotius car atiwinamtamfin. Bare, dor jak opok cowok aememof. Dor car Kristus batamsicimawar epen, inim atakam jen baji jak aseremomof. Car e dosa bwem bacajijimtaw ipic aotpemfokomnew, dar e Kristus atakam desen car aotawfenomnew, inim atakam jen baji jak aseremomof.

⁶Timotius nat, emeofasijienawef. Aram caratakam akat aotawforow: “E Tesalonika ow, Kristus asicimames. Aram aramaman damos aamjiomames. Aram e cabi bopor jak aseremomames— car e abi bopor jak aseremomamokom inim awcawor ara.” Inim aeforow.

⁷Dajowow akatonokom. Dar ajurusemamom. Owam dar aemsokomamarowos. E nat, dar, car Kristus asicimamokom, inim atakam jen ajifom, dar jak fak aememfom.

⁸Bare, dar car Tuhan mamkawi fak apormomnew, dar asan akatnak aememamom.

⁹Caram, dar jak akatnakut aemapomamenokom. Inimas dar janim Allah aanimcom, dar car terima kasih atakam awut aramat ipic aotawcomom.

¹⁰Bare, jokam, iramam, dar e cabi bopor, janim fak Allah aanimawarmom. Car Kristus basicimkurum opok apormom ara. Inimas dar, car Kristus basicimkurum mamememtam aemamom.

¹¹Bare, daricipic Allaham, Yesus da Tuhanam, dar car bojinawom, akac baomcan.

¹²Tuhan, car caramaman damos bajiomam, car kawey ow takas damos bajiomam, inim bi binip kayimin car bakakayimtamcan— e dar damos awutnakut car ajiomamenom awcawor ara.

¹³Inimas aramat ipic jak fak car atetamceman. Inimas ara, Yesus daTuhanam, e arow tarowat takasam, aoenawces, car salah opok owam, ow tarowatam, e daricipic Allah bipu aememcomokom.