Read Central Asmat TITUS 2 Bible Online

TITUS 2 - Central Asmat bible

TITUS 2

¹Or ara nat, e atakamnak mammememtamey.

²E ownucur, jak fak baememces. Aram ow tarowat baememces. Bi binip epcom baememces. Aram Yesus Kristus basicim fak baemces Aram ow damosnak bajiomkurumces. Aram bakorompim arapok.

³E ducur cepesam, e aemamesas takas, e cepes tarowatas jipu baemces. Aram kawey ow salah, suw atakam bataw arapok. Aram jokmen bwi bi binip awut arapok. Aram e akatas mamememtamces.

⁴Inimas ara, ar e ay cepes, e amiwisam, e ajiwiam, damos bajiom amememtamcemes.

⁵Aram e ay cepes, bi binip epcom mememam, jursumec opok mememam, e acem ow asan akat bwemtamam, asan akat cepes mememam, armo atakam ji bweam, inim amememtamcemes. Ow, e Allah atakam, pwicak atakam botawasin.

⁶Oram e ay ow, bi binip epcom memem, atjen mamowey.

⁷E aemcemas takas, akatas mamemey. Ow masirin, e aemcemas jipu bacowoyces. Atakam amememtamcem, atakam tarowata. Oram binaw mamememey.

⁸Atakamnak mamotawawarey. Ow e oratakam, pwicak atakam batawasin. Inimas e oratakam aopowmes ow, dar atakam pwicak bwemotaw asan opok. Inimas aram namke akayemcemes.

⁹E kerja bwemtam ow, e kerja aramat ow atakam ji baeces. E aemamesas takas, jak akat e kerja aramat ow baomces. Aram e kerja aramat ow atep bajit arapok.

¹⁰Aram e kerja aramat ow pok osom arapok. E nat, ar ow atakam, ow tarowatam, baememces. E akerja aramat ow inimas aemces, ow, e amememtamamom atakam, atakam akat aporcemes. Bare, e amememtamamom atakam, Allah atakam ara. Aramat ipicam dabajortew ipic ara.

¹¹Bare, Allah, asan akat, asmat ow mami bom, aememama. Aramat ipicam eras asmat ow aporomtamef. Erasam ow takas bajortewas ara.

¹²Dar Allah e asan akat dar mami aomamarow apormom. Inimas dar e jursumecasam, awames capinmi jak basinomasam, inimas bak bapayem, bare akat apormom. Dar wow jofay, bi binip epcom mememam, ow tarowat mememam, ow akat mememam, bare akat apormom.

¹³Daram e jirey aemom jofay akat bwenaw, manmok afemom. E jofay, e Yesus Kristus ajiscow jofay ara. E jofayam, dar aramat ipic akatnakut ara, inim aporcomom. Bare, aramat ipic darAllah ara. Aram dabajortew ipic ara.

¹⁴Aramat ipic dar jursumecas takas bajortew, damir aaftamforow. Aram, dar ow tarowat bemapomtam, damir aaftamforow. Ar dar ajowow mememam akat arawen. Aram dar akatas bwem jak baseremom akat arawen.

¹⁵Bare, or inim atakam mammememtamey. Oram ow atjen mamowey. Owam jiman mamafey. Inim atakam faknakut mamotawey. Owam bifan o bafay arapok.