Read Central Asmat BAPOROMTAMAS 13 Bible Online

BAPOROMTAMAS 13 - Central Asmat bible

BAPOROMTAMAS 13

¹Bare, dor binatang cowok e jicupum bwi afisef aporof. Ar kus wac sepuluh ajiwar epcom. Aram kus tujuh ajiwar epcom. E kus wac aporsipor kus bamapom akatipicas ajimaptotoref. E kus aporsiporam juwas asuk wow epcom. E juwas Allah cemew atakam juwas ara.

²E aporof binatang, bare binatang juwas tutal cimin ara. E abweyam binatang juwas beruang bwey cimin ara. E abweyofam singa bweyof cimin ara. Bare, e ew, e afakas e binatang atetamef. Ar e araja fa bemap asanam, e aratakam faknakutasam, e binatang atetamef.

³Dor, ow, e wun kus emcacatiwfes cimin aporof. E nat, e damir doso emcakukuamesef. Awames capinmi ow takasam junum awut aefes. Aram e binatang ajamkawifes.

⁴E ew, e aratakam fakas, e binatang atetamef. Inimas e ow e ew asicimfes. Aram e binatang asicimfes. Aram atakam, “Ow a binatang awcawor opok cowok. Owam a binatang owec bwemamo asan opok.” Inim aefes.

⁵Bare, e ew, atakam, e binatang atetamef. E binatang masirin, arma atawsicimef. Aram cemew atakam atawef. E ewam, pok bwem fakas, e binatang atetamef. E binatang, e fakas pir empat puluh dua ajiwar aomomef.

⁶E binatangam Allah cemew atakam aotawef. Ar Allah juwasam, e Allah aemapmar asanam, e onam op aemapmes owam, cemew atakam aotawef.

⁷E ew, e ow tarowat owec bamo fakas, e binatang atetamef. Aram e ow bakumimosom fakas e binatang atetamef. Aram e ow samat takasam, e aporsipor atakam ow takasam, e capinmiin capinmiin ow takasam, jirmec bajirim fakas, e binatang atetamef.

⁸Awames capinmi aemapmes ow takas, e binatang asicimcemes. E binatang asicimfes ow, bare e Domba Jiwi buku aman juwas opok ow ara. (Ametnak ara, ow e Domba Jiwi acatiwfes.) E jiwnenak aatamemawarces ow juwas nat, e buku aman awapes. Ametnak ara, Allah, e ow juwas e buku aman tulis aeapomef. Asep ara masirin, aramat ipic e pokin pokin takas akenemapomef.

⁹Ow takas a atakam jen bajices:

¹⁰“Allah, ow taw bat batetam akat aporcownew, ow e ow taw aatcemes araman. Ow, wun ow, owec parang acatiwcesnew, kawey ow, e owam, owec parang acatiwcemes. Bare, e tarowat ow inim atakam baporces. Ar masirin, jak fak baememces. Aram Allah basicim fak baemces.” Inim atakam jen bajices.

¹¹Bare, doram wun binatang e capinmi afisef aporof. E binatang kus wac jamnuk epcom. E kus wac, domba jiwi kus wac cimin ara. E binatang atakamam, ew atakam cimin ara.

¹²E bap binatang e afakas takas, e wun binatang atetamef. E wun binatang masirin, pok e afakas jipu, e bap binatang bipu aemef. Ar awames capinmi pokam, awames capinmi aemapmes ow takasam, e bap binatang basicim, jen opok aatamef. Bare, e bap binatang, e akukuamesef damir doso epcom binatang ara.

¹³E wun binatang, junum bweas awutnakut aemef. Aram jismak e onam op baney jirmec ajirimef. E jismak masirin, e onam op ewneyef, wunam e capinmipu aneyamesef. E asmat owam eras aporfes.

¹⁴Bare, e binatang tot awames capinmi aemapmes ow takas aotef. Bap ara, e bap binatang, junum bweas bwem fakas e wun binatang atetamef. E binatang masirin, junum bweas e bap binatang bipu aemef. Inimas ar tot a capinmi aemapmes ow takas aotef. Aram jirmec a capinmi ow ajirimef. “Car ēco mamkenemey. Er e bap binatang basicimas ara. E binatang, e owec parang doso epcom binatang ara. E binatang e doso damir opok.” Inim aeef.

¹⁵E bap binatangam, wun fakas, e wun binatang atetamef. Inimas e wun binatang, joses, e ēco atetamef. E ēco masirin, atakam amsom aememef. Aram e a basicim opok ow takas bacatiw fakas aomomef.

¹⁶Bare, e wun binatang, asuk wow, e ow takas e aban bonew, e abipisnew, inim bemapomtotor, jen opok aatamef— er e kanim owam, e awut owam, e pok awut epcom owam, e pok opok owam, e arop kerja bwem owam, e mami kerja bwemtam owam, bare takas ara.

¹⁷E binatangam, ow pok bajit, acuw aatef. Ar e binatang asuk wow epcom ow cowok pok bajit acuw opok ara. E asuk wow, e binatang juwas asuk wow aranew, e binatang anomor asuk wow aranew, bare inim asuk wow ara.

¹⁸Inim atakam jen bajikurum ow, bi binip umuton baceceremces. E bi binip epcom ow e binatang nomor bajucucumirces. E nomor, asmat ipic juwas nomor ara. E nomor, bare 666 ara.