Read Central Asmat BAPOROMTAMAS 15 Bible Online

BAPOROMTAMAS 15 - Central Asmat bible

BAPOROMTAMAS 15

¹Bare, dor wun junum bweas awut e onam op aporof. Owan inim junum bweas basamat opok. Bare, malaikat tujuh ajiwar aememfes. Aram e capinmi, asan pwicaknakutas tujuh ajiwar atowomfes. E asan pwicaknakutas, e Allah jokmen aememefas ara. Er e Allah asepnakut jokmen aememefas ara. Inimas e asan pwicaknakutas tujuh ajiwar e asepnakut asan pwicaknakutas ara.

²Bare, doram wun pok aporof. Er kaca awutnakut inim awcawor ara. Eram bwi awutnakut inim awcawor ara. E kacaam jismak jartam inim awcawor ara. Doram e binatang akumimosomfes ow aporof. E ow, e binatang ēcoām, e binatang juwas nomor epcom ipicam, akumimosomfes. E ow e awutnakut kaca jopir aememfes. Aram e Allah atetamef gitar atowomtotorfes.

³E ow, e Allah kerja bwemtam ipic juwas Musa soam, e Domba Jiwi soam, aefes. E so ara: “Tuhan Allah. Or faknakut ara. E aemamemas, bare awutnakut ara. Eram akatnakut ara. Or e samatin samatin ow araja ipic ara. E aemamemas, bare tarowatas ara. Eram suwas opok.

⁴Tuhan. E oromar opok ow ucim owam? ‘Or akatnakut ara,’ baji opok ow ucim owam? Bare, or cowok tarowat ipic ara. Ow takas, e aemamemas, tarowatnakut apormes. Inimas e samatin samatin ow takas or aenawomcemenes. Aram or asicimcemenes.” Inim so aefes.

⁵Dor e onam op Allah cem aporof. Er e Allah aememef picin cem ara. E cem jimasap apajiapef.

⁶Bare, e asan pwicakas tujuh ajiwar atowomfes malaikat tujuh ajiwar, e Allah cem afisfes. E ajimomfes pakaianam, picin juwas lenan ara. E picin orom ara. Eram den fwesaknakut ara. E malaikatam emas pok, e awufak, ajimomtotorfes.

⁷E tetakay pok empat ajiwar erasan aememfes. E wun jiwne pok cowok, emas piring tujuh ajiwar, e malaikat tujuh ajiwar atetamef. E piring, bare e jiwnenak batameawar Allah ajokmenas, imwinakap ara.

⁸E Allah, bare akatnakut ara. Aram faknakut ara. Inimas jisamwin e Allah cem aman aemtepef. E jisamwinam e cem akapimkurumef. E malaikat tujuh ajiwar, e atowomfes asan pwicakas tujuh ajiwar bwemkurum opok aemfes ara, owam e cem bwemfiw asan opok.