Read Central Bicolano Genesis 36 Bible Online

Genesis 36 - Central Bicolano bible

Genesis 36

¹Iyo ini an mga kapagarakian ni Esau na inaapod man Edom.

²Mga babaeng taga Canaan an saiyang inagom: Si Ada na aki ni Elon na Heteo, si Oholibama na aki ni Ana na aking lalaki ni Zibeon na Heveo,

³asin si Basemat na aki ni Ismael asin tugang ni Nebaiot.

⁴Namundag ki Ada si Elifaz; ki Basemat si Reuel;

⁵asin ki Oholibama si Jeus, Jalam saka si Kora. Ini an mga aki ni Esau na namundag saiya sa Canaan.

⁶Dangan dinara ni Esau an saiyang mga agom, an saiyang mga aking lalaki asin babae, an gabos na myembro kan saiyang harong sagkod an saiyang mga hayop saka rogaring na napasaiya sa daga nin Canaan, asin nagduman sa ibang daga na harayo sa tugang niyang si Jacob.

⁷Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar.

⁸Kaya nag-erok si Esau sa mabulod na daga nin Edom.

⁹Iyo ini an mga kapagarakian ni Esau na ginikanan kan mga Edomeo.

¹⁰Ini an mga ngaran kan mga aking lalaki ni Esau sa saiyang mga agom: si Elifaz na aki ni Ada, si Reuel na aki ni Basemat.

¹¹An mga aki ni Elifaz iyo si Teman, Omar, Zefo, Gatam asin Kenaz.

¹²(Ki Timna na kasaroan ni Elifaz namundag si Amalek.) Iyo ini an mga aking lalaki ni Esau ki Ada.

¹³An mga aking lalaki ni Reuel iyo si Nahat, Zera, Shamma, asin si Mizza. Iyo ini an mga aking lalaki ni Esau ki Basemat.

¹⁴An agom ni Esau na si Oholibama, na aking lalaki ni Ana, na aki ni Zibeon, nagkaigwa nin tolong aki: si Jeus, si Jalam asin si Kora.

¹⁵Iyo ini an mga pamayo na naggikan sa mga aki ni Esau. Sa matuang aking lalaki ni Esau na si Elifaz an mga pamayo iyo si Teman, Omar, Zefo, Kenaz,

¹⁶Kora, Gatam, asin Amalek. Sinda an mga aking lalaki ni Ada na agom ni Esau.

¹⁷An mga aking lalaki ni Reuel na aki ni Esau iyo si Nahat, Zera, Shamma, asin Mizza. Sinda an mga aking lalaki ni Basemat na agom ni Esau.

¹⁸Ini an mga aking lalaki ni Oholibama na aki ni Ana, na agom ni Esau: an mga pamayo iyo si Jeus, Jalam asin Kora.

¹⁹Sinda an mga aking lalaki ni Esau na inapod man Edom asin sinda an mga pamayo.

²⁰An minasunod na mga aking lalaki ni Seir na Horeo iyo an ginikanan kan mga tawong enot na nag-erok sa Edom: si Lotan, Sobal, Zibeon, Ana, Dison, Ezer, asin si Disan.

²²Si Lotan iyo an ama ni Hori asin ni Heman. (Igwa siya nin tugang na babae na an ngaran Timna.)

²³An mga aking lalaki ni Sobal iyo si Alvan, Manahat, Ebal, Sefo, asin Onam.

²⁴An mga aking lalaki ni Zibeon iyo si Aias asin si Ana. (Iyo ini an Ana na nakahiling kan mainit na mga burabod sa kalangtadan kan binabantayan niya an mga asno kan ama niyang si Zibeon.)

²⁵Duwa an nagin aki ni Ana: sarong lalaki, si Dison, asin sarong babae, si Oholibama.

²⁶An aking lalaki ni Dison iyo si Hemdan, Esban, Itran, asin Keran.

²⁷An mga aking lalaki ni Ezer iyo si Bilhan, Zaavan, asin Akan.

²⁸An mga aking lalaki ni Disan iyo si Uz saka si Aran.

²⁹Ini an mga pamayo kan mga Horeo sa daga nin Edom: Lotan, Sobal, Zibeon, Ana, Dison, Ezer, asin Disan.

³¹An mga hadeng ini iyo an pasurunod-sunod na naghade sa Edom bago nagkaigwa nin hade sa Israel: Si Bela na aking lalaki ni Beor na taga Dinhaba Si Jobab na aking lalaki ni Zera na taga Bozra Si Husam na hale sa rehiyon nin Teman Si Hadad na aking lalaki ni Bedad na taga Avit (siya an nakadaog kan mga Midianita sa sarong gera sa daga nin Moab) Si Samla na taga Masreka Si Shaul na taga Rehobot sa Eufrates Si Baal-hanan na aking lalaki ni Akbor Si Hadad na taga Pau (an agom niya iyo si Mehetabel na aki ni Matred asin makoapo ni Mezahab)

⁴⁰Iyo ini an ngaran kan mga pamayong Edomeo na naggikan ki Esau: Timna, Alva, Jetet, Oholibama, Ela, Pinon, Kenaz, Teman, Mibzar, Magdiel, asin Iram. An dagang pinag-erokan kan lambang saro kaining mga pamayo namidbidan sa ngaran kan pamayo na nag-erok duman.