Read Central Bicolano Genesis 5 Bible Online

Genesis 5 - Central Bicolano bible

Genesis 5

¹Iyo ini an mga kapagarakian ni Adan. (Kan lalangon nin Dios an katawohan, ginibo niya sindang arog sa saiya.

²Linalang niya sindang lalaki asin babae, benendisyonan, dangan nginaranan, “Katawohan.”)

³Kan syento treynta na an edad ni Adan, nagkaigwa siya nin aking lalaki na arog saiya. Nginaranan niya ining Set.

⁴Dangan nabuhay pa si Adan sa laog nin otso syentos na taon asin nagkaigwa pa nin ibang aking lalaki saka babae

⁵bago siya nagadan sa edad na nwebe syentos treyntang taon.

⁶Kan syento singko na an edad ni Set, nagkaigwa siya nin aking lalaki na iyo si Enos.

⁷Dangan nabuhay pa si Set sa laog nin otso syentos syeteng taon asin nagkaigwa pa nin ibang mga aki

⁸bago siya nagadan sa edad na nwebe syentos doseng taon.

⁹Kan nubentang taon na an edad ni Enos, nagkaigwa siya nin aking lalaki na iyo si Kenan.

¹⁰Dangan nabuhay pa siya sa laog nin otso syentos kinseng taon asin nagkaigwa pa nin ibang mga aki

¹¹bago siya nagadan sa edad na nwebe syentos singkong taon.

¹²Kan setenta na an edad ni Kenan, nagkaigwa siya nin aking lalaki na iyo si Mahalalel.

¹³Dangan nabuhay pa siya sa laog nin otso syentos kwarentang taon asin nagkaigwa pa nin ibang mga aki

¹⁴bago siya nagadan sa edad na nwebe syentos dyes na taon.

¹⁵Kan sesenta y singko na an edad ni Mahalalel, nagkaigwa siya nin aking lalaki na iyo si Jared.

¹⁶Dangan nabuhay pa siya nin otso syentos treyntang taon asin nagkaigwa pa nin ibang mga aki

¹⁷bago nagadan sa edad na otso syentos nubenta y singkong taon.

¹⁸Kan syento sesenta y dos na an edad ni Jared, nagkaigwa siya nin aking lalaki na iyo si Enoc.

¹⁹Dangan nabuhay pa siya sa laog nin otso syentos na taon asin nagkaigwa pa nin ibang mga aki

²⁰bago nagadan sa edad na nwebe syentos sesenta y dos na taon.

²¹Kan sesenta y singko na an edad ni Enoc, nagkaigwa siya nin aking lalaki na iyo si Metusela.

²²Dangan nabuhay pa siya nin tres syentos na taon sa kaibahan nin Dios asin nagkaigwa pa nin ibang mga aki.

²³Nabuhay siya sagkod sa edad na tres syentos sesenta y singkong taon.

²⁴Naglakaw si Enoc sa kaibahan nin Dios dangan nawara siya, huli ta kinua siya nin Dios.

²⁵Kan syento otsenta y syeteng taon na an edad ni Metusela, nagkaigwa siya nin aking lalaki na iyo si Lamec.

²⁶Dangan nabuhay pa siya nin syete syentos otsenta y dos na taon asin nagkaigwa pa nin ibang mga aki

²⁷bago nagadan sa edad na nwebe syentos sesenta y nwebeng taon.

²⁸Kan syento otsenta y dos na an edad ni Lamec, nagkaigwa siya nin sarong aking lalaki.

²⁹Nagsabi siya, “Hale sa dagang isinumpa nin Kagurangnan, an aking ini madara sato nin kaginhawahan sa gabos nyatong kapagalan”; kaya Noe an inginaran niya sa aki.

³⁰Nabuhay pa si Lamec sa laog nin kinyentos nubenta y singkong taon asin nagkaigwa pa nin ibang aki.

³¹Nagadan siya sa edad na syete syentos setenta y syeteng taon.

³²Kinyentos na an edad ni Noe kan siya nagkaigwa nin tolong aking lalaki, si Sem, si Ham asin si Jafet.