Read Central Bicolano 1 Chronicles 2 Bible Online

1 Chronicles 2 - Central Bicolano bible

1 Chronicles 2

¹An doseng aking lalaki ni Jacob iyo si Ruben, Simeon, Levi, Juda, Issakar, Zabulon,

²Dan, Jose, Benjamin, Neftali, Gad, asin Asher.

³Lima gabos an aking lalaki ni Juda. Sa agom niyang si Batsua na sarong Cananea, nagkaigwa siya nin tolong aking lalaki na iyo si Er, Onan, asin Sela. Si Er na matuang aki ni Juda nagin maraot, kaya ginadan siya nin Kagurangnan.

⁴Sa manugang niyang si Tamar, nagkaigwa si Juda nin duwa pang aking lalaki na iyo si Perez asin si Zera.

⁵An mga aking lalaki ni Perez iyo si Hezron saka si Hamul.

⁶An limang aking lalaki ni Zera iyo si Zimri, Etan, Heman, Calcol, asin Darda.

⁷Si Acan, na aking lalaki ni Carmi, iyo an nagdara nin kasakitan sa banwaan nin Israel, huli sa pagtago kan mga sinamsam na ipinanongod na sa Dios.

⁸An bugtong na aking lalaki ni Etan iyo si Azarias.

⁹Nagkaigwa nin tolong aking lalaki si Hezron: si Jerameel, Ram, asin Caleb.

¹⁰Si Ram iyo an ama ni Aminadab na ama ni Nason, na sarong prinsipe nin Juda.

¹¹Si Nason iyo an ama ni Salmon na ama ni Boaz.

¹²Si Boaz iyo an ama ni Obed na ama ni Jesse.

¹³Pito an aking lalaki ni Jesse. Si Eliab an matua, ikaduwa si Abinadab, ikatolo si Samma;

¹⁴ikaapat si Netanel, ikalima si Raddai,

¹⁵ikaanom si Ozem, asin ikapito si David.

¹⁶Igwa pa siya nin duwang aking babae: si Zeruias asin si Abigail. An aking babae ni Jesse na si Zeruias nagkaigwa nin tolong aking lalaki na iyo si Abisai, Joab, asin Asahel.

¹⁷Naagom si Abigail ni Jeter na sarong Ismaelita. An saindang aki iyo si Amasa.

¹⁸Si Caleb na aking lalaki ni Hezron nagkaigwa nin aking babae ki Azuba na saiyang agom; Jeriot an ngaran kan saindang aki. Nangaki ini nin tolong lalaki na iyo si Jeser, Sobab, asin Ardon.

¹⁹Pakagadan ni Azuba, inagom ni Caleb si Efrat, asin nagkaigwa sinda nin aking lalaki na an ngaran Hur.

²⁰Si Hur iyo an ama ni Uri na ama ni Bezalel.

²¹Kan sesenta na an edad ni Hezron, inagom niya an aking babae ni Makir na ama ni Gilead. Nagkaigwa sinda nin aking lalaki na an ngaran Segub.

²²Si Segub iyo an ama ni Jair na nagkaigwa nin beynte y tres na syudad sa daga nin Gilead.

²³Alagad sinakop ni Gesur asin ni Aram an sesentang banwa duman, kaiba an mga baryo nin Jair asin Kenat, sagkod an mga kataraed na banwa. An mga tawong nag-erok duman mga kapagarakian ni Makir, na ama ni Gilead.

²⁴Pakagadan ni Hezron, inagom ni Caleb si Efrat na balo kan saiyang ama. An saindang aking si Asur iyo an ama ni Tekoa.

²⁵An mga aking lalaki ni Jerameel na matuang aking lalaki ni Hezron iyo si Ram, an matua, Buna, Oren, Ozem, asin Ahias.

²⁶An tolong aking lalaki ni Ram, na matuang aki ni Jerameel iyo si Maaz, Jamin, asin Eker. Nagkaigwa pa nin sarong agom si Jerameel na an ngaran Atara, asin si Onam iyo an nagin aki ninda.

²⁷

²⁸An mga aking lalaki ni Onam iyo si Samai saka Jada. Igwa man nin duwang aking lalaki si Samai na iyo si Nadab asin Abisur.

²⁹Inagom ni Abisur si Abihail asin nagkaigwa sinda nin duwang aking lalaki: si Aban asin si Molid.

³⁰Si Nadab na tugang na lalaki ni Abisur nagkaigwa man nin duwang aking lalaki: si Seled asin si Appaim; nagadan si Seled na mayo nin aki.

³¹Si Appaim iyo an ama ni Isi na ama ni Sesan na ama ni Alai.

³²Si Jada, na tugang na lalaki ni Samai, nagkaigwa nin duwang aking lalaki: si Jeter asin si Jonatan. Nagadan si Jeter na mayo nin aki.

³³Mantang si Jonatan nagkaigwa nin duwang aking lalaki: si Pelet asin si Zaza. Iyo ini an mga kapagarakian ni Jerameel.

³⁴Dai nagkaigwa nin aking lalaki si Sesan; gabos sanang babae. Igwa siya nin oripon na taga Egipto na an ngaran Jarha;

³⁵ipinaagom niya saiya an saro sa saiyang mga aking babae. Nagin aki kan duwang ini si Attai.

³⁶Si Attai iyo an ama ni Natan na ama ni Zabad.

³⁷Si Zabad iyo an ama ni Eflal na ama ni Obed.

³⁸Si Obed iyo an ama ni Jehu na ama ni Azarias.

³⁹Si Azarias iyo an ama ni Helez na ama ni Eleasa.

⁴⁰Si Eleasa iyo an ama ni Sismai na ama ni Sallum.

⁴¹Si Sallum iyo an ama ni Jekamias na ama ni Elisama.

⁴²An matuang aking lalaki ni Caleb, na tugang ni Jerameel, iyo si Mesa. Si Mesa iyo an ama ni Zif na ama ni Maresa na ama ni Hebron.

⁴³An mga aking lalaki ni Hebron iyo si Kora, Tappua, Rekem, asin Sema.

⁴⁴Si Sema iyo an ama ni Raham na ama ni Jorkeam; an tugang niyang si Rekem iyo an ama ni Samai.

⁴⁵Si Samai iyo an ama ni Maon na ama ni Betzur.

⁴⁶Nagkaigwa nin kasaroan si Caleb na an ngaran Efa; nagin aki ninda si Haran, si Moza, asin si Gazez. Nagkaigwa si Haran nin aking lalaki na Gazez man an ngaran. (

⁴⁷Sarong lalaki na an ngaran Jadai an nagkaigwa nin mga aking lalaki: si Regem, Jotam, Gezan, Pelet, Efa, asin Saaf.)

⁴⁸Nagkaigwa pa nin kasaroan si Caleb na an ngaran Maaca; nagin aki ninda si Seber asin si Tirhana.

⁴⁹Nagkaigwa pa sinda nin duwang aking lalaki: si Saaf na ama ni Madmana, asin si Seva na ama ni Macbena, saka ni Gibea. Igwa man nin aking babae si Caleb na an ngaran Acsa.

⁵⁰Iyo pa ini an kapagarakian ni Caleb: Si Hur iyo an matuang aking lalaki ni Caleb sa agom niyang si Efrat. Si Sobal na matuang aking lalaki ni Hur iyo an ama ni Kiriat-jearim.

⁵¹An ikaduwa niyang aki na si Salma iyo an ama ni Betlehem; asin an ikatolo niyang aki na si Haref iyo an ama ni Bet-gader.

⁵²Si Sobal, na ama ni Kiriat-jearim, iyo an ginikanan kan mga nag-eerok sa Haroe, kan kabanga kan mga nag-eerok sa Menuhot,

⁵³patin kan mga minasunod na kamaganakan na nag-erok sa Kiriat-jearim: an mga Itreo, mga Puteo, mga Sumateo asin mga Misraita, mga Zoratita saka mga Estaolita.

⁵⁴Si Salma, na ama ni Betlehem, iyo an ginikanan kan mga nag-eerok sa Netofat, sa Atrot-bet-joab, asin kan mga Zorita na saro sa duwang kamaganakan nin Manahat. (

⁵⁵Iyo man ini an mga kamaganakan kan mga eskriba na nag-eerok sa Jabez: an mga Tirateo, mga Simateo, asin mga Sucateo. Iyo ini an mga Cineo na guminikan ki Hamat na ama kan mga Recabita.)