Read Central Bicolano 1 Chronicles 6 Bible Online

1 Chronicles 6 - Central Bicolano bible

1 Chronicles 6

¹An mga aking lalaki ni Levi iyo si Gerson, Kohat, asin Merari.

²An mga aking lalaki ni Kohat iyo si Amram, Izar, Hebron, asin Uzziel.

³Nagkaigwa nin duwang aking lalaki si Amram na iyo si Aaron saka si Moises, asin sarong aking babae na an ngaran Miriam. An mga aking lalaki ni Aaron iyo si Nadab, Abihu, Eleazar, asin Itamar.

⁴Iyo ini an mga kapagarakian ni Eleazar sa pasurunod-sunod na henerasyon magpoon saiya; Eleazar, Finehas, Abisua,

¹⁰Azarias (an naglingkod sa Templo na ipinatugdok ni Hadeng Solomon sa Jerusalem),

¹¹Amarias, Ahitub,

¹²Zadok, Sallum,

¹³Hilkias, Azarias,

¹⁴Seraias, asin Jozadak.

¹⁵Itinapok ni Hadeng Nebukadnezzar si Jehozadak kaiba kan ibang mga tawo sa Juda saka Jerusalem na ipinatapok nin Kagurangnan.

¹⁶An mga aking lalaki ni Levi iyo si Gerson, Kohat, asin Merari.

¹⁷Nagkaigwa man sinda nin sadiring mga aki. Si Libni asin si Simei iyo an mga aking lalaki ni Gerson.

¹⁸An mga aking lalaki ni Kohat iyo si Amram, Izar, Hebron, asin Uzziel.

¹⁹An mga aking lalaki ni Merari iyo si Mali asin si Musi.

²⁰Iyo ini an mga kapagarakian ni Gerson sa pasurunod-sunod na henerasyon magpoon saiya: Gerson, Libni, Jahat, Zimma,

²¹Joa, Iddo, Zera, asin Jeaterai.

²²Iyo ini an mga kapagarakian ni Kohat sa pasurunod-sunod na henerasyon magpoon saiya: Kohat, Aminadab, Kora, Assir,

²³Elkana, Ebiasaf, Assir,

²⁴Tahat, Uriel, Uzzias, asin Shaul.

²⁵An mga aking lalaki ni Elkana iyo si Amasai asin si Ahimot.

²⁶Iyo ini an mga kapagarakian ni Ahimot sa pasurunod-sunod na henerasyon magpoon saiya: Ahimot, Elkana, Zofai, Nahat,

²⁷Eliab, Jeroham, asin Elkana.

²⁸Duwa an aking lalaki ni Samuel: an matua iyo si Joel, asin an ngohod iyo si Abias.

²⁹Iyo ini an mga kapagarakian ni Merari sa pasurunod-sunod na henerasyon magpoon saiya: Merari, Mali, Libni, Simei, Uzza,

³⁰Simea, Haggias, asin Asaias.

³¹Iyo ini an mga lalaki na pinapamahala ni Hadeng David kan musika duman sa lugar na pagsasambahan sa Jerusalem kan yaon na duman an Kaban nin Tipan.

³²Turno-turno sindang naglingkod sa Tabernakulo, sagkod na ikatugdok ni Hadeng Solomon an Templo duman sa Jerusalem.

³³Iyo ini an mga pamilya kan mga parakanta: Sa kamaganakan ni Kohat, si Heman na aki ni Joel iyo an lider kan enot na koro. An linya kan ginikanan na pamilya ni Heman masososog pabalik ki Jacob sa pasurunod-sunod na henerasyon magpoon saiya: Heman, Joel, Samuel,

³⁴Elkana, Jeroham, Eliel, Toa,

³⁵Zuf, Elkana, Mahat, Amasai,

³⁶Elkana, Joel, Azarias, Zefanias,

³⁷Tahat, Assir, Ebiasaf, Kora,

³⁸Izar, Kohat, Levi, Jacob.

³⁹Si Asaf iyo an lider kan ikaduwang koro. An linya kan ginikanan na pamilya ni Asaf masososog pabalik ki Levi sa pasurunod-sunod na henerasyon magpoon saiya: Asaf, Berekias, Simea,

⁴⁰Miguel, Baaseias, Malkias,

⁴¹Etni, Zera, Adaias,

⁴²Etan, Zimma, Simei,

⁴³Jahat, Gerson, Levi.

⁴⁴Sa kamaganakan ni Merari, si Etan iyo an lider kan ikatolong koro. An linya kan saiyang pamilya masososog pabalik ki Levi sa pasurunod-sunod na henerasyon magpoon saiya: Etan, Kisi, Abdi, Malluc,

⁴⁵Hasabias, Amazias, Hilkias,

⁴⁶Amzi, Bani, Semer,

⁴⁷Mali, Musi, Merari, Levi.

⁴⁸An iba pang mga katongdan sa lugar na pagsasambahan itinao sa kapwa ninda mga Levita.

⁴⁹Si Aaron asin an saiyang mga aki nagdarara nin mga dolot para sa altar nin mga tinutong na atang asin para sa altar nin insenso. Sinda an namahala kan gabos na pagsamba duman sa Kabanal-banaleng Lugar asin kan mga dolot para sa kabayadan nin mga kasalan kan mga Israelita, gabos sosog sa pagboot ni Moises na sorogoon nin Dios.

⁵⁰Iyo ini an mga kapagarakian ni Aaron sa pasurunod-sunod na henerasyon magpoon saiya: Aaron, Eleazar, Finehas, Abisua,

⁵¹Bukki, Uzzi, Zeraias,

⁵²Meraiot, Amarias, Ahitub,

⁵³Zadok, Ahimaaz.

⁵⁴Iyo ini an mga lugar kan mga kapagarakian ni Aaron na kabilang sa kamaganakan ni Kohat. Sinda an enot na tinawan kan daga na kahirasan kan mga Levita.

⁵⁵Itinao sainda an Hebron sa teritoryo nin Juda asin an mga dagang pasabsaban sa palibot kaini.

⁵⁶Alagad an mga oma asin an mga baryo na sakop pa kan syudad itinao ki Caleb na aki ni Jefunne.

⁵⁷Iyo ini an mga lugar na itinao sa kapagarakian ni Aaron kaiba an mga dagang pasabsaban sa palibot: an Hebron, sarong syudad na pailihan, an Jatir, Libna, Estemoa, Hilen, Debir, Asan, asin Bet-semes.

⁵⁸

⁵⁹

⁶⁰Sa teritoryo nin Benjamin, itinao sainda an Geba, Alemet, asin Anatot, kaiba an mga dagang pasabsaban sa palibot kan mga ini. An bilang kan mga banwa na erokan kan saindang mga pamilya uminabot sa trese.

⁶¹Sampolong banwa sa teritoryo kan kabangang tribu ni Manases na nasa solnopan an itinao, sa paagi nin ripa, sa iba pang kamaganakan ni Kohat sosog sa saindang mga pamilya.

⁶²Treseng banwa sa mga teritoryo nin Issakar, Asher, Neftali, asin kan kabangang tribu ni Manases na nasa sirangan duman sa Basan an itinao sa mga kamaganakan ni Gerson sosog sa saindang mga pamilya.

⁶³Doseng banwaan sa mga teritoryo nin Ruben, Gad, asin Zabulon an itinao sa mga kamaganakan ni Merari sosog sa saindang mga pamilya.

⁶⁴Sa siring na paagi tinawan kan banwaan nin Israel nin mga erokan an mga Levita, kaiba an mga dagang pasabsaban sa palibot. (

⁶⁵Itinao man sainda sa paagi nin ripa an mga banwa sa teritoryo nin Juda, Simeon, asin Benjamin).

⁶⁶An nagkapirang pamilya sa kamaganakan ni Kohat nagkaigwa nin mga banwa asin dagang pasabsaban hale sa teritoryo nin Efraim.

⁶⁷Itinao sainda an Shekem, sarong syudad na pailihan sa mabulod na daga nin Efraim, an Gezer,

⁶⁸Jokmeam, Bet-horon,

⁶⁹Aijalon, asin Gat-rimmon.

⁷⁰Hale sa teritoryo ni Manases sa solnopan, itinao sainda an mga banwa nin Aner asin Bileam kaiba an dagang pasabsaban sa palibot kan mga ini.

⁷¹Itinao sa mga pamilya kan kamaganakan ni Gerson an mga banwang ini kaiba an mga dagang pasabsaban sa palibot: Hale sa teritoryo nin Manases sa sirangan: an Golan sa Basan asin an Astarot.

⁷²Hale sa teritoryo nin Issakar: an Kedes, Daberat,

⁷³Ramot, asin an Anem.

⁷⁴Hale sa teritoryo nin Asher: an Masal, Abdon,

⁷⁵Hukok, asin an Rehob.

⁷⁶Hale sa teritoryo nin Neftali: an Kedes sa Galilea, an Hammon asin an Kiriat-haim.

⁷⁷Itinao sa iba pang mga pamilya kan kamaganakan ni Merari an minasurunod na mga banwa na kaiba an mga dagang pasabsaban sa palibot: Hale sa teritoryo nin Zabulon: an Rimono asin an Tabor.

⁷⁸Hale sa teritoryo nin Ruben, sa ibong kan Jerico sa sirangan na parte kan Salog nin Jordan: an Bezer na nasa kapantayan nin bukid, an Jaza,

⁷⁹an Kedemot asin an Mefaat.

⁸⁰Hale sa teritoryo nin Gad: an Ramot sa Gilead, an Mahanaim,

⁸¹an Hesbon, asin an Jazer.