Read Central Bicolano Ezra 2 Bible Online

Ezra 2 - Central Bicolano bible

Ezra 2

¹Dakul sa mga nabihag ni Hadeng Nebukadnezzar na dinara sa Babilonia an nagbaralik sa Jerusalem asin sa Juda hale sa probinsya nin Babilon; an lambang saro nagpuli sa sadiri niyang banwa.

²An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

³Paros dos mil syento setenta y dos Sefatias tres syentos setenta y dos Ara syete syentos setenta y singko Pahat-moab (mga kapagarakian ni Jesua asin ni Joab) dos mil otso syentos dose Elam mil dos syentos singkwenta y kwatro Zattu nuebe syentos kwarenta y singko Zaccai syete syentos sesenta Bani seis syentos kwarenta y dos Bebai seis syentos beynte y tres Azgad mil dos syentos beynte y dos Adonikam seis syentos sesenta y seis Bigvai dos mil singkwenta y seis Adin kwatro syentos singkwenta y kwatro Ater (inaapod man Ezekias) nubenta y otso Bezai tres syentos beynte y tres Jora syento dose Hasum dos syentos beynte y tres Gibbar nubenta y singko

⁴Mga tawong nagbalik man hale sa pagkatapokan, na an mga ginikanan nag-erok sa mga lugar na ini: Betlehem syento beynte y tres Netofa singkwenta y seis Anatot syento beynte y otso Asmavet kwarenta y dos Kiriat-jearim, Kefira, asin Beerot syete syentos kwarenta y tres Rama asin Geba seis syentos beynte y uno Mikmas syento beynte y dos Betel asin Ai dos syentos beynte y tres Nebo singkwenta y dos Magbis syento singkwenta y seis An saro pang Elam mil dos syentos singkwenta y kwatro Harim tres syentos beynte Lod, Hadid, asin Ono syete syentos beynte y singko Jerico tres syentos kwarenta y singko Senaa tres mil seis syentos treynta

⁵Ini an lista kan mga kamaganakan nin mga padi na nagbalik hale sa pagkatapokan: Jedaia (mga kapagarakian ni Jesua) nuebe syentos setenta y tres Immer mil singkwenta y dos Pasur mil dos syentos kwarenta y syete Harim mil dyes y syete

⁶Mga kamaganakan nin mga Levita na nagbalik hale sa pagkatapokan: Jesua asin Kadmiel (mga kapagarakian ni Odavias) setenta y kwatro Mga parakanta sa Templo (mga kapagarakian ni Asaf) syento beynte y otso Mga bantay sa Templo (mga kapagarakian ni Sallum, Ater, Talmon, Akkub, Hatita, asin Sobai) syento treynta y nuebe

⁷Mga kamaganakan nin mga trabahador sa Templo na nagbalik hale sa pagkatapokan: Ziha, Hasufa, Tabbaot, Keros, Siaha, Padon, Lebana, Hagaba, Akkub, Hagab, Samlai, Hanan, Giddel, Gahar, Reaias, Rezin, Nekoda, Gazzam, Uzza, Pasea, Besai, Asna, Meunim, Nefisim, Bakbuk, Hakufa, Harhur, Bazlut, Mehida, Harsa, Barkos, Sisera, Tema, Nezias, asin Hatifa

⁸Mga kamaganakan kan mga sorogoon ni Solomon na nagbalik hale sa pagkatapokan: Sotai, Hassoferet, Peruda, Jaala, Darkon, Giddel, Sefatias, Hattil, Pokeret-Hazzebaim, asin Ami.

⁹Tres syentos nubenta y dos an bilang kan mga kapagarakian nin mga trabahador sa Templo asin kan mga sorogoon ni Solomon na nagbalik hale sa pagkatapokan.

¹⁰Seis syentos singkwenta y dos an mga kaayon sa mga kamaganakan ni Delaias, Tobias asin Nekoda na nagbalik hale sa mga banwa nin Tel-mela, Tel-harsa, Kerub, Addan, asin Immer; alagad dai nanggad ninda napatotoohan na kapagarakian sinda nin mga Israelita.

¹¹An mga kamaganakan kan mga padi na ini dai man nakakua nin mga talaan na makakapatotoo kan saindang ginikanan: Habaias, Hakkoz, asin Barzillai. (An ginikanan kan kamaganakan ni Barzillai nakaagom nin sarong babae na gikan sa kamaganakan ni Barzillai nin Gilead, dangan inarog an ngaran kan kamaganakan nin saiyang panugangan.) Dai sinda inako bilang mga padi huli ta dai ninda napatotoohan an saindang mga ginikanan.

¹²Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

¹³An kabilogan na bilang kan mga itinapok uminabot sa kwarenta y dos mil, tres syentos sesenta.

¹⁴Dai digdi kabilang an saindang mga sorogoon na lalaki saka babae na an bilang uminabot sa syete mil, tres syentos treynta y syete; asin igwa pa nin dos syentos na parakantang lalaki saka babae.

¹⁵Ini an bilang kan saindang mga hayop: syete syentos treynta y seis na mga kabayo, dos syentos kwarenta y singkong mga mula,

¹⁶kwatro syentos treynta y singkong mga kamelyo asin seis mil syete syentos beynteng mga asno.

¹⁷Kan makaabot na sa Templo nin Kagurangnan sa Jerusalem an mga itinapok, nagtao an nagkapira sa mga pamayo nin mga kamaganakan nin mga boluntad na atang para sa paghirahay kan Templo sa dating namumugtakan kaini.

¹⁸Nagtao sinda sosog sa saindang makakaya para sa trabahong ini, asin an kabilogan na bilang kan saindang itinao uminabot sa kinyentos na kilo nin bulawan, dos mil otso syentos na kilo nin plata asin sanggatos na gubing para sa mga padi.

¹⁹An mga padi, an mga Levita, asin an nagkapira sa mga tawo, duman nag-erok sa Jerusalem asin sa mga lugar na kataed kaini. An mga parakanta, an mga bantay sa Templo, asin an mga trabahador sa Templo nag-erok sa mga hararaning banwa; an iba pang mga Israelita duman nag-erok sa mga lugar na pinag-erokan kan saindang mga ginikanan.