Read Central Bicolano Nehemiah 7 Bible Online

Nehemiah 7 - Central Bicolano bible

Nehemiah 7

¹Nahirahay na ngunyan an kudal, ikinabugtak na an mga trangkahan dangan itinalaan na sa mga bantay kan Templo, sa mga parakanta, asin sa mga Levita an saindang mga trabaho.

²Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

³Sinabihan ko sinda, “An mga trangkahan kan Jerusalem dai dapat pagbukasan kun bako pang halangkaw an aldaw, asin kaipuhan serahan saka baratan an mga iyan bago maghale an mga nagbabantay pagsolnop kan aldaw. Magpili kamo nin mga lalaking taga Jerusalem para magbantay kan lugar sa palibot kan sadiri nindang mga harong.”

⁴An Jerusalem sarong dakulang syudad, alagad dikit an mga nag-eerok sa laog kaiyan asin dikit man an mga harong.

⁵Ipinasabong sako nin Dios na tiponon an mga tawo, an mga lider, mga opisyal dangan sensohon sinda sosog sa saindang kamaganakan. Nakua ko an listahan kan mga kamaganakan na naenot na nagbalik hale sa pagkatapokan, asin ini an nakasurat duman:

⁶Dakul an mga itinapok na nagbalik sa Jerusalem asin sa Juda hale sa probinsya nin Babilon; an lambang saro nagbalik sa sadiri niyang banwa. An saindang mga pamilya haloy nang nag-erok sa Babilonia magpoon kan mabihag sinda ni Hadeng Nebukadnezzar.

⁷An mga lider ninda iyo si Zerubabel, Josue, Nehemias, Azarias, Raamias, Nahamani, Mardokeo, Bilsan, Misperet, Bigvai, Nehum, asin Baana.

⁸Iyo ini an lista kan mga kamaganakan nin Israel, saka an bilang kan mga kaayon kan lambang kamaganakan na nagbalik hale sa pagkatapokan: Paros—dos mil syento setenta y dos Sefatias—tres syentos setenta y dos Ara—seis syentos singkwenta y dos Pahat-moab (mga kapagarakian ni Jesua asin ni Joab)—dos mil otso syentos dyes y otso Elam—mil dos syentos singkwenta y kwatro Zattu—otso syentos kwarenta y singko Zaccai—syete syentos sesenta Binnui—seis syentos kwarenta y otso Bebai—seis syentos beynte y otso Azgad—dos mil tres syentos beynte y dos Adonikam—seis syentos sesenta y syete Bigvai—dos mil sesenta y syete Adin—seis syentos singkwenta y singko Ater (inaapod man Ezekias)—nubenta y otso Hasum—tres syentos beynte y otso Bezai—tres syentos beynte y kwatro Harif—syento dose Gibeon—nubenta y singko

⁹Mga tawong nagbalik man hale sa pagkatapokan, na an mga ginikanan nag-erok sa mga lugar na ini: Betlehem asin Netofa—syento otsenta y otso Anatot—syento beynte y otso Bet-asmavet—kwarenta y dos Kiriat-jearim, Kefira, asin Beerot—syete syentos kwarenta y tres Rama asin Geba—seis syentos beynte y ono Micmas—syento beynte y dos Betel asin Ai—syento beynte y tres An saro pang Nebo—singkwenta y dos An saro pang Elam—mil dos syentos singkwenta y kwatro Harim—tres syentos beynte Jerico—tres syentos kwarenta y singko Lod, Hadid, asin Ono—syete syentos beynte y ono Senaa—tres mil nuebe syentos treynta

¹⁰Iyo ini an lista kan mga kamaganakan nin mga padi na nagbalik hale sa pagkatapokan: Jedaias (mga kapagarakian ni Jesua)—nuebe syentos setenta y tres Immer—mil singkwenta y dos Pasur—mil dos syentos kwarenta y syete Harim—mil dyes y syete

¹¹Mga kamaganakan nin mga Levita na nagbalik hale sa pagkatapokan: Jesua asin Kadmiel (mga kapagarakian ni Odavias)—setenta y kwatro Mga paratugtog sa Templo (mga kapagarakian ni Asaf)—syento kwarenta y otso Mga bantay sa Templo (mga Kapagarakian ni Sallum, Ater, Talmon, Akkub, Hatita, asin Sobai)—syento treynta y otso

¹²Mga kamaganakan kan mga trabahador sa Templo na nagbalik hale sa pagkatapokan: Ziha, Hasufa, Tabbaot, Keros, Sia, Padon, Lebana, Hagaba, Salmai, Hanan, Giddel, Gahar, Reaias, Rezin, Nekoda, Gazzam, Uzza, Pasea, Besai, Meunim, Nefusesim, Bakbuk, Hakufa, Harhur, Bazlit, Mehida, Harsa, Barkos, Sisera, Tema, Nezias, asin Hatifa.

¹³Mga kamaganakan kan mga sorogoon ni Solomon na nagbalik hale sa pagkatapokan: Sotai, Soferet, Perida, Jaala, Darkon, Giddel, Sefatias, Hattil, Pokeret-hazzebaim, asin Amon.

¹⁴Tres syentos nubenta y dos gabos an bilang kan mga kapagarakian nin mga trabahador sa Templo asin mga sorogoon ni Solomon na nagbalik hale sa pagkatapokan.

¹⁵Seis syentos kwarenta y dos an mga kaayon sa mga kamaganakan ninda Delaias, Tobias, asin Nekoda, na nagbalik hale sa mga banwa nin Tel-mela, Tel-harsa, Kerub, Addon, asin Immer; alagad dai nanggad ninda napatotoohan na kapagarakian sinda nin mga Israelita.

¹⁶An mga kamaganakan kan mga padi na ini dai man nakakua nin mga talaan na makakapatotoo kan saindang ginikanan: Hobaias, Hakkoz, asin Barzillai. (An sarong ginikanan kan kamaganakan ni Barzillai nakaagom nin sarong babae na gikan sa kamaganakan ni Barzillai nin Gilead, dangan inarog an ngaran kan kamaganakan nin saiyang panugangan na lalaki.) Dai sinda inako bilang mga padi nin huli ta dai ninda napatotoohan an saindang mga ginikanan.

¹⁷Sinabihan sinda kan gobernador na dai sinda pwedeng magkakan kan dolot sa Dios sagkod na mayo nin padi na tataong maggamit kan Urim asin Tummim.

¹⁸An kabilogan na bilang kan mga itinapok na nagbalik uminabot sa kwarenta y dos mil tres syentos sesenta. An saindang mga sorogoon na lalaki saka babae uminabot sa bilang na syete mil tres syentos treynta y syete, an mga paratugtog na lalaki saka babae uminabot sa bilang na dos syentos kwarenta y singko. An mga kabayo uminabot sa bilang na syete syentos treynta y seis. An mga mula uminabot sa bilang na dos syentos kwarenta y singko. An mga kamelyo uminabot sa bilang na kwatro syentos treynta y singko, asin an mga asno uminabot sa bilang na seis mil syete syentos beynte.

¹⁹Dakul na tawo an nagtarao para sa paghirahay kan Templo. An gobernador nagtao nin walong kilo nin bulawan, singkwentang palanggana, asin kinyentos treyntang mga gubing para sa mga padi. Nagkapirang mga pamayo nin mga kamaganakan an nagtao nin syento sesenta y otsong kilo nin bulawan, mil dos syentos singkwentang kilo nin plata, an ibang mga tawo nagtao nin syento sesenta y otsong kilo nin bulawan, syento kwarentang kilo nin plata, asin sesenta y syeteng mga gubing para sa mga padi.

²⁰An mga padi, an mga Levita, an mga bantay sa Templo, an mga paratugtog, an mga trabahador sa Templo—an bilog na banwaan nin Israel—nag-erok sa mga banwa asin sa mga syudad nin Juda.