Read Central Bicolano Esther 10 Bible Online

Esther 10 - Central Bicolano bible

Esther 10

¹Pinapagbuhis ni Hadeng Jerjes an gabos na tawo na sakop niya, sagkod kan mga nag-eerok sa tampi kan mga dagat.

²An darakula saka makangangalas na mga bagay na ginibo niya, sagkod an bilog na istorya kan paglangkawan niya sa katongdan ki Mardokeo, gabos nasusurat sa opisyal na talaan kan mga hade nin Persia saka Media.

³Si Mardokeo, an Judio, iyo an nagin ikaduwa ni Hadeng Jerjes. Inomaw siya asin ginalangan kan kapwa niya mga Judio. Naglingkod siya para sa karahayan kan saiyang banwaan asin para sa katiwasayan kan gabos nindang kapagarakian.