Read Central Bicolano Job 23 Bible Online

Job 23 - Central Bicolano bible

Job 23

¹Dangan nagsimbag si Job:

²“Sagkod ngunyan, nagrerebelde ako asin nagrereklamo sa Dios; dai ko mapupugolan an sakong inagrangay.

³Kun aram ko sana kun saen siya makukua, asin kun paano an pagduman saiya!

⁴Ibubugtak ko an sakong kaso sa atubang niya dangan iluluwas ko an gabos na pahayag para sa sakong karahayan.

⁵Boot kong manodan an isisimbag niya sako, asin masabotan an sasabihon niya sako.

⁶Gamiton daw nin Dios an gabos niyang kapangyarihan laban sako? Dai, dadangogon niya ako.

⁷Matanos ako; pwede akong makipag-olay saiya, asin pawawaraan niya nin sala sagkod pa man.

⁸“Hinanap ko an Dios sa sirangan, alagad mayo siya duman; dai ko man siya nakua kan hanapon ko siya sa solnopan.

⁹Hinanap ko siya sa habagat asin sa amihan, alagad dai ko man siya nahiling duman.

¹⁰Alagad aram niya an dalan na sakong linalakawan; kun baloon niya ako, makukua niya akong dalisay.

¹¹Maimbod kong sinunod an saiyang mga dalan; dai ako naglagalag sa ibang agihan.

¹²Danay kong ginigibo an mga pagboot nin Dios; kinukuyog ko an saiyang kabotan, bakong an sakong mga kamawotan.

¹³“Alagad dai siya nagbabago. Siisay an makakatumang saiya? An saiyang mawoton, iyan ginigibo niya.

¹⁴Huli ta saiyang tataposon an plinano niya para sako; asin kadakul na siring kaiyan an nasa isip niya.

¹⁵Kaya tinatakigan ako sa saiyang atubang; kun iniisip ko ini inaabotan ako nin takot.

¹⁶Pinaluya nin Dios an sakong puso; pinatakot ako kan Makakamhan;

¹⁷huli ta napipiot ako kan kadikloman, asin natatahoban nin kadikloman an sakong lalawogon.