Read Central Bicolano Psalms 1 Bible Online

Psalms 1 - Central Bicolano bible

Psalms 1

¹Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

²Alagad an saiyang kaogmahan nasa Katogonan nin Kagurangnan; ini aldaw-banggi niyang pinag-aadalan.

³Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

⁴Alagad bakong siring kaini an mga maraot; siring sinda sa ata na pinapalid kan doros.

⁵Kaya an mga maraot dai makakatindog sa paghukom, ni an mga parakasala sa katiriponan kan mga matanos;

⁶huli ta aram nin Kagurangnan an dalan kan mga matanos, alagad an dalan kan mga maraot mapapahamak.