Read Central Bicolano Psalms 11 Bible Online

Psalms 11 - Central Bicolano bible

Psalms 11

¹Minasarig ako sa Kagurangnan. Tadaw ta minasabi ka sako, “Lumayog ka siring sa sarong gamgam pasiring sa kabubuldan,

²huli ta ibiningat na kan mga maraot an saindang pana, tanganing sa kadikloman panaon an mga matanos.

³Kun maraot an mga pundasyon, mayo nin magigibo an matanos na tawo.”

⁴An Kagurangnan yaon sa saiyang banal na templo; yaon sa langit an saiyang trono. Minamasdan niya an mga tawo saen man na lugar asin aram niya an saindang ginigibo.

⁵Binabalo nin Kagurangnan an matanos asin an maraot; anggot siya sa mga namomoot sa dahas.

⁶Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

⁷An Kagurangnan matanos asin namomoot sa mga matanos na gibo; an minagibo kaiyan mag-eerok sa saiyang atubang.