Read Central Bicolano Psalms 137 Bible Online

Psalms 137 - Central Bicolano bible

Psalms 137

¹Sa tampi kan mga salog nin Babilonia kami nagturukaw asin nagtarangis, kan magiromdoman mi an Sion.

²Sa mga kahoy na harani duman, isinabit mi an samong mga lira.

³Huli ta pinirit kami kan mga nagbihag samo na sinda samong awitan. Olay ninda, “Awitan nindo kami nin saro kan mga awit nin Sion!”

⁴Paano mi aawiton an awit nin Kagurangnan sa dayuhan na daga?

⁵Kun malingawan taka, O Jerusalem, maalang logod an too kong kamot!

⁶Dumukot logod an dila ko sa sakong ngaragngag, kun dai taka magiromdoman; kun dai taka isipon bilang nangongorog kong kaogmahan.

⁷Giromdoma, Kagurangnan, an ginibo kan mga Edomita kan aldaw na mabihag an Jerusalem, kan sinda magtaram, “Rumpagon, rumpagon, sagkod sa mga pundasyon!”

⁸O Babilonia, pararumpag! Paladan an mabalos saimo kan ginibo mo samo.

⁹Paladan an makua kan saimong mga omboy, asin maronot sainda sa gapo!