Read Central Bicolano Psalms 14 Bible Online

Psalms 14 - Central Bicolano bible

Psalms 14

¹An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

²Hale sa langit minadungaw an Kagurangnan sa mga aki nin katawohan, sa paghiling kun may naggigibo nin katanosan, kun igwa pang naghahanap sa Dios.

³Gabos sinda nagsuhay sa dalan na matanos; gabos nagin maraot. Mayong natadang naggigibo nin tama, mayo, maski saro.

⁴“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

⁵Alagad sinda gabos magkakatarakot, huli ta kaibahan nin Dios an mga matanos.

⁶Dai pinapangyari kan mga tampalasan an mga plano kan dukha, alagad an Kagurangnan iyo an saiyang pailihan.

⁷Dumatong logod hale sa Sion an kaligtasan nin Israel! Kun ibalik na nin Kagurangnan an yaman kan saiyang banwaan, mag-oogma si Jacob, mag-oogma an Israel.