Read Central Bicolano Psalms 2 Bible Online

Psalms 2 - Central Bicolano bible

Psalms 2

¹Tadaw ta nag-iisip an mga nasyon nin pagtumang? Tadaw ta nag-iisip an mga tawo nin mayong kamugtakan?

²Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

³Olay ninda, “Putolon ta an gapos ninda sato, haleon ta an sakal na ibinugtak sato.”

⁴Nagngingisi an nagtutukaw sa kalangitan; pinagtutuya-tuya sinda nin Kagurangnan.

⁵Dangan sa kaanggotan, sinda saiyang pinatanidan, asin pinatakot sinda sa saiyang labi-labing kaanggotan.

⁶Nagtaram siya, “Ibinugtak ko an sakong hade sa Sion, an banal kong bulod.”

⁷Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

⁸Maghagad ka asin ipapamana ko saimo an gabos na nasyon, ipapasadiri ko saimo an bilog na kinaban.

⁹Babarion mo sinda sa paagi nin sarong sugkod na lansang; roronoton mo sinda siring sa sarong koron.”

¹⁰Kaya, mga hade, hinanyoga nindo an patanid na ini; kamong mga pamayo nin kinaban, horophoropa an katukdoan na ini:

¹¹Maglingkod kamo na may pagkatakot sa Kagurangnan;

¹²magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.