Read Central Bicolano Psalms 3 Bible Online

Psalms 3 - Central Bicolano bible

Psalms 3

¹Kadakul kan sakong mga kaiwal, Kagurangnan; dakul an minabangon tumang sako!

²Dakul an minasabi manongod sako: “Dai siya tatabangan nin Dios.”

³Alagad ika, Kagurangnan, an sakong kalasag; sakuyang kamurawayan asin kagtao nin kosog.

⁴Minaagrangay ako nin makosog sa Kagurangnan; minasimbag siya hale sa saiyang banal na bulod.

⁵Minahigda ako asin minatorog; giraray minabangon huli sa pangataman nin Kagurangnan.

⁶Dai ako matatakot sa rinibong mga kaiwal, na nakapalibot tumang sako.

⁷Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

⁸An kaligtasan hale sa Kagurangnan; bendisyonan mo logod an saimong banwaan.