Read Central Bicolano Psalms 6 Bible Online

Psalms 6 - Central Bicolano bible

Psalms 6

¹Kagurangnan, hare ako pagsagwea sa saimong kaanggotan; sa labi-labi mong kaanggotan, dai mo ako pagpadusahan.

²Ako napapagal, Kagurangnan, saimong kaherakan; bolonga ako, Kagurangnan, an sakong hawak nasasakitan.

³An kalag ko nasa makuring kahorasaan; Kagurangnan, sagkod nuarin ka maghahalat nganing ako tabangan?

⁴Madya, Kagurangnan, ligtasan an sakong buhay, huli kan pagkamoot mo na daing kataposan.

⁵Sa lugar nin mga gadan dai ka nagigiromdoman; sa Sheol siisay an matao saimo nin kaomawan?

⁶Napapagal na ako sa kaaagrangay; barubanggi dumog sa luha an sakong higdaan; natutomtom sa luha an sakong ulonan.

⁷Nagdidiklom an mga mata ko huli sa kamondoan; nanluluya ini huli kan sakong mga kaiwal.

⁸Humarayo kamo sako, mga paragibo nin karatan! An sakong pagtangis dinadangog nin Kagurangnan.

⁹Dinadangog nin Kagurangnan an sakong pakimaherak; an sakong pamibi saiyang sinisimbag.

¹⁰An sakong mga kaiwal masosopog sa pagkadaog, sa biglang pagkaribong sinda masiribog.