Read Central Bicolano Psalms 63 Bible Online

Psalms 63 - Central Bicolano bible

Psalms 63

¹O Dios, ika an sakong Dios, asin napupungaw ako saimo. An sakong kalag napapaha sa saimo; an sakong hawak naghihidaw saimo, siring sa alang asin mamarang daga na mayo nin tubig.

²Magpahiling ka sako sa santwaryo; pahilingan sako an saimong kapangyarihan asin kamurawayan.

³Huli ta mas marahay pa ki sa buhay an danay mong pagkamoot, kaya oomawon ka kan sakong ngoso.

⁴Pasasalamatan taka mantang buhay ako; iitaas ko an sakong mga kamot asin aapodon ko an saimong ngaran.

⁵Magkakakan an sakong kalag asin mababasog; maogmang mag-aawit ako nin pag-omaw sa saimo.

⁶Mantang naghihigda ako, nagigiromdoman taka; bilog na banggi ika sana an sakong iniisip,

⁷huli ta ika an danay kong nagin tabang. Sa lindong nin saimong mga pakpak, nag-aawit ako sa kaogmahan.

⁸Dayupot saimo an sakong kalag, inaataman ako kan too mong kamot.

⁹Alagad an mga nagmamawot na gadanon ako mahuhulog sa kairaroman nin daga.

¹⁰Magagadan sinda sa ralaban; an saindang mga bangkay kakakanon kan mga lobo.

¹¹Alagad an hade mag-oogma sa Dios; magmumuraway an gabos na minasumpa sa saiyang ngaran; huli ta seserahan an ngoso nin mga putikon.