Read Central Bicolano Psalms 82 Bible Online

Psalms 82 - Central Bicolano bible

Psalms 82

¹An Dios iyo an namamayo sa langitnon na katiriponan; sa tahaw nin mga dios siya an naghuhukom:

²“Sagkod nuarin kamo maghuhukom tumang sa katanosan asin maapil sa mga tawong tampalasan?

³Tawan nindo nin katanosan an mga dukha asin an mga ilo; galangan nindo an deretso kan mga nagtitios asin kan mga nangangaipo.

⁴Ligtasan an mga dukha asin an mga mayong sukat sa kamot kan mga maraot na tawo.

⁵“Mayo sinda nin kadonongan o pakasabot! Naglalakaw sinda sa kadikloman; mayo na nin hustisya sa kinaban.

⁶Ako nagtataram, ‘Kamo mga dios, kamo gabos mga aking lalaki kan Kahorohalangkawe.’

⁷Alagad magagadan kamo siring kan mga tawo; matatapos an saindong buhay arog sa arin man na prinsipe.”

⁸Bumangon ka, O Dios, asin hukoman mo an kinaban; huli ta sadiri mo an gabos na nasyon.