Read Central Bicolano Numbers 2 Bible Online

Numbers 2 - Central Bicolano bible

Numbers 2

¹Itinao nin Kagurangnan ki Moises saka ki Aaron an minasunod na mga katukdoan.

²An lambang Israelita makampo sa irarom kan bandera kan saiyang dibisyon asin kan bandera kan saiyang kamaganakan. Itutugdok ninda an kampo sa palibot asin paatubang sa Tabernakulo.

³An mga grupo na nasa irarom kan bandera kan dibisyon ni Juda makampo sa parteng sirangan, sa irarom kan saindang mga lider, siring sa minasunod: Tribu Lider Bilang Juda si Nason na aking lalaki ni Amminadab setenta y kwatro mil seis syentos Issakar si Netanel na aking lalaki ni Zuar singkwenta y kwatro mil kwatro syentos Zabulon si Eliab na aking lalaki ni Helon singkwenta y syete mil kwatro syentos An kabilogan na bilang kan dibisyon ni Juda minaabot sa syento otsenta y seis mil kwatro syentos. Sinda an enot na malakaw.

¹⁰An mga grupo na nasa irarom kan bandera kan dibisyon ni Ruben makampo sa parteng habagat, sa irarom kan saindang mga lider, siring sa minasunod: Tribu Lider Bilang Ruben si Elizur na aking lalaki ni Sedeur kwarenta y seis mil kinyentos Simeon si Selumiel na aking lalaki ni Zurisaddai singkwenta y nuebe mil tres syentos Gad si Eliasaf na aking lalaki ni Deuel kwarenta y singko mil seis syentos singkwenta An kabilogan na bilang kan dibisyon ni Ruben minaabot sa syento singkwenta y uno mil kwatro syentos singkwenta. Sinda an ikaduwang malakaw.

¹⁷Dangan sa pagultanan kan enot na duwang dibisyon saka kan duwang nasa hurihan, malakaw an mga Levita dara an Tabernakulo. Kun ano an kamugtakan kan mga dibisyon sa saindang pagkampo, siring man an magigin orden ninda sa paglakaw. An lambang dibisyon nagsusunod sa saiyang bandera.

¹⁸An mga grupo na nasa irarom kan bandera kan dibisyon ni Efraim makampo sa parteng solnopan, sa irarom kan saindang mga lider, siring sa minasunod: Tribu Lider Bilang Efraim si Elisama na aking lalaki ni Ammihud kwarenta mil kinyentos Manases si Gamaliel na aking lalaki ni Pedazur treynta y dos mil dos syentos Benjamin si Abidan na aking lalaki ni Gideoni treynta y singko mil kwatro syentos An kabilogan na bilang kan dibisyon ni Efraim minaabot sa syento otso mil syen, asin sinda an ikatolong malakaw.

²⁵An mga grupo na nasa irarom kan bandera kan dibisyon ni Dan makampo sa parteng Amihan, sa irarom kan saindang mga lider, siring sa minasunod: Tribu Lider Bilang Dan si Ahiezer na aking lalaki ni Ammisaddai sesenta y dos mil syete syentos Aser si Pagiel na aking lalaki ni Okran kwarenta y uno mil kinyentos Neftali si Ahira na aking lalaki ni Enan singkwenta y tres mil kwatro syentos An kabilogan na bilang kan dibisyon ni Dan minaabot sa syento singkwenta y syete mil seis syentos, asin sinda an huring malakaw.

³²An kabilogan na bilang kan banwaan nin Israel minaabot sa seis syentos tres mil kinyentos singkwenta. Nakalista sinda sa mga dibisyon sosog sa saindang grupo.

³³Alagad dai kaayon an mga Levita kan sensohon an Israel siring sa ipinagboot nin Kagurangnan ki Moises.

³⁴Kaya ginibo kan banwaan nin Israel an gabos na pagboot nin Kagurangnan ki Moises. Nagkampo sinda, an lambang saro sa irarom kan saiyang sadiring bandera, asin naglakaw sinda, an lambang saro kaibahan kan saiyang sadiring kamaganakan.