Read Central Bicolano Numbers 29 Bible Online

Numbers 29 - Central Bicolano bible

Numbers 29

¹Sa enot na aldaw kan ikapitong bulan magtiripon kamo sa pagsamba asin dai kamo magtrabaho. Papatanogon an mga trompeta sa aldaw na iyan.

²Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

³Idolot nindo an mga iyan kaiba an dolot na pagkakan na arinang sinalakan nin lana nin oliba: tolong kilong arina para sa torilyo, duwang kilo para sa lalaking karnero,

⁴asin sarong kilo para sa lambang kordero.

⁵Magdolot man kamo nin sarong lalaking kanding bilang dolot para sa kasalan, sa pagtubos saindo.

⁶Idolot nindo an mga iyan, laen pa kan tinutong na atang para sa enot na aldaw kan lambang bulan asin kan dolot na pagkakan, laen pa man kan aroaldaw na tinutong na atang saka dolot na pagkakan sagkod arak. An mga dolot na pagkakan na iyan, sarong parong na nakakawili sa Kagurangnan.

⁷Sa ikasampolong aldaw kan ikapitong bulan magtiripon kamo sa pagsamba; mag-ayuno kamo saka dai magtrabaho.

⁸Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

⁹Idolot nindo an mga iyan kaiba an dolot na pagkakan na arinang sinalakan nin lana nin oliba: tolong kilong arina para sa torilyo, duwang kilo para sa karnero,

¹⁰asin sarong kilo para sa lambang kordero.

¹¹Magdolot man kamo nin sarong lalaking kanding bilang dolot para sa kasalan, laen pa kan kanding na idodolot sa seremonya nin paglinig para sa mga tawo, asin kan aroaldaw na tinutong na atang kaiba kan dolot na pagkakan saka arak.

¹²Sa ikakinseng aldaw kan ikapitong bulan magtiripon kamo sa pagsamba. Selebraron nindo an pyestang iyan para sa Kagurangnan sa laog nin pitong aldaw asin dai kamo magtrabaho.

¹³Sa enot na aldaw, magdolot kamo sa Kagurangnan nin dolot na pagkakan, sarong parong na nakakawili saiya: treseng torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

¹⁴Idolot nindo an maninigong dolot na pagkakan na arinang sinalakan nin lana nin oliba: tolong kilong arina para sa lambang torilyo, duwang kilo para sa lambang lalaking karnero,

¹⁵asin sarong kilo para sa lambang kordero.

¹⁶Magdolot man kamo nin sarong lalaking kanding bilang dolot para sa kasalan, laen pa kan aroaldaw na tinutong na atang kaiba an dolot na pagkakan saka arak.

¹⁷Sa ikaduwang aldaw, magdolot kamo nin doseng torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

¹⁸Kaiba kan mga iyan, idolot nindo an gabos na dolot na hinahagad para sa enot na aldaw.

²⁰Sa ikatolong aldaw, magdolot kamo nin onseng torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

²¹Kaiba kan mga iyan, idolot nindo an gabos na dolot na hinahagad para sa enot na aldaw.

²³Sa ikaapat na aldaw, magdolot kamo nin sampolong torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

²⁴Kaiba kan mga iyan, idolot nindo an gabos na dolot na hinahagad para sa enot na aldaw.

²⁶Sa ikalimang aldaw, magdolot kamo nin siyam na torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

²⁷Kaiba kan mga iyan, idolot nindo an gabos na dolot na hinahagad para sa enot na aldaw.

²⁹Sa ikaanom na aldaw, magdolot kamo nin walong torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

³⁰Kaiba kan mga iyan, idolot nindo an gabos na dolot na hinahagad para sa enot na aldaw.

³²Sa ikapitong aldaw, magdolot kamo nin pitong torilyong baka, duwang lalaking karnero, asin katorseng lalaking kordero na manangtaon an edad, na gabos mayo nin ano man na kaninan.

³³Kaiba kan mga iyan, idolot nindo an gabos na dolot na hinahagad para sa enot na aldaw.

³⁵Sa ikawalong aldaw, magtiripon kamo sa pagsamba asin dai kamo magtrabaho.

³⁶Magdolot kamo nin tinutong na atang bilang sarong dolot na pagkakan sa Kagurangnan, sarong parong na nakakawili saiya: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

³⁷Kaiba kan mga iyan, idolot nindo an gabos na dolot na hinahagad para sa enot na aldaw.

³⁹Iyo ini an mga pagsusundon manongod sa mga tinutong na atang, mga dolot na pagkakan, mga dolot na arak, saka mga dolot para sa katoninongan na idodolot nindo sa Kagurangnan sa saindong itinalaan na mga pyesta. Laen pa iyan kan mga dolot na itatao nindo sa pag-otob nin sarong panuga o bilang mga boluntad na dolot.

⁴⁰Kaya isinabi ni Moises sa mga Israelita an gabos na ipinagboot saiya nin Kagurangnan.