Read Central Malay MATIUS 1 Bible Online

MATIUS 1 - Central Malay bible

MATIUS 1

¹Inila namau-namau niniak puyang Yesus Keristus, pengadau Daud, pengadau Abraham.

²Abraham ngadauka Isak, Isak ngadauka Yakub, Yakub ngadauka Yehuda ngan ading-beghadingau.

³Yehuda ngadauka Peris ngan Sira jak di Tamar. Peris ngadauka Hisrun, Hisrun ngadauka Ram,

⁴Ram ngadauka Aminadab, Aminadab ngadauka Nahasun, Nahasun ngadauka Salmun,

⁵Salmun ngadauka Buas jak di Rahab, Buas ngadauka Ubid jak di Rut, Ubid ngadauka Isai,

⁶Isai ngadauka rajau Daud. Daud ngadauka Salumu jak di bini Uria,

⁷Salumu ngadauka Rehabiam, Rehabiam ngadauka Abia, Abia ngadauka Asa,

⁸Asa ngadauka Yusapat, Yusapat ngadauka Yuram, Yuram ngadauka Usia,

⁹Usia ngadauka Yutam, Yutam ngadauka Ahas, Ahas ngadauka Hiskia,

¹⁰Hiskia ngadauka Manasi, Manasi ngadauka Amun, Amun ngadauka Yusia,

¹¹Yusia ngadauka Yikunya ngan ading-beghadingau, masau jemau Israil dicapakka ke Babil.

¹²La udim dicapakka ke Babil Yikunya ngadauka Sialtiil, Sialtiil ngadauka Serubabil,

¹³Serubabil ngadauka Abihud, Abihud ngadauka Ilyakim, Ilyakim ngadauka Asur,

¹⁴Asur ngadauka Saduk, Saduk ngadauka Akhim, Akhim ngadauka Iliud,

¹⁵Iliud ngadauka Iliasar, Iliasar ngadauka Matan, Matan ngadauka Yakub,

¹⁶Yakub ngadauka Yusup laki Maria. Diau itula melahirka Yesus diau dikiciakka Keristus.

¹⁷Mangku gegalaunyau adau empat belas gilir jak di Abraham enggut ke Daud, empat belas gilir jak di Daud enggut bangsau Israil dicapakka ke Babil, ngan empat belas gilir jak di diau dicapakka ke Babil enggut ke Keristus.

¹⁸Luak inila ceritau Yesus Keristus lahir: Endu'Au Maria la tunangan ngan Yusup. Anyautu ughang duautu lum nika, tenyatau Maria la ngandung. Kandungantu jak di Rua Allah.

¹⁹Yusup pengantinannyautu jemau diau maju ngerjauka setu diau diajung ukum agamau. Anyautu diau enggup ngaduka Maria di mukau jemau banyak, mangku diau endak ngurungka rasanau ngan diam-diam.

²⁰Masau Yusup merupuakka titu, diau bemimpi. Dalam mimpiautu diau tekinak sughang malaikat Tuhan bekatau ngan diau, “Yusup, pengadau Daud, nidau nanti takut nikai Maria, karnau anak dalam kandungannyautu jak di Rua Allah.

²¹Diau ka melahirka sughang anak lanang. Budak keciak itu mesti kaba namauka Yesus, karnau Diau ka nyelamatka umatAu jak di dusaunyau.”

²²Gegalaunyautu tejadi luak itu, supayau ditepati setu diau dikiciakka Tuhan ngan nabiAu,

²³“Sughang budak gadis ka ngandung ngan melahirka sughang anak lanang. Anak itu ka dinamauka Imanuil.” Imanuil retiau, “Allah betunggal ngan kitau.”

²⁴Yusup bangun, mangku diau ngerjauka setu diau dikiciakka malaikat Tuhantu ngan diau. Diau nika ngan Maria.

²⁵Anyautu selamau Maria lum melahirka Ana'autu, diau nidau campur ngan Maria. Anak itu la adau, dinamaukanyau Yesus.