Read Central Malay MARKUS 3 Bible Online

MARKUS 3 - Central Malay bible

MARKUS 3

¹Mangku Yesus masuak agi di ghuma sembayang. Di situ adau sughang jemau, tanganau mati sebela.

²Adau jemau endak ndala'i sala Yesus mangku pacak ngadukaNyau. Ughangtu maju meratikaNyau, apu Diau ka meghaduka jemau tadi masau aghi Sabat.

³Yesus ngiciak ngan jemau diau mati sebela tanganau, katauNyau, “Mela, betegak di mukau.”

⁴Mangku Yesus ngiciak ngan ughangtu, katauNyau, “Nurut agamau kitau tuapau diau bulia dikerjauka masau aghi Sabat, apu kerjau iluak apu kerjau ja'at, nyelamatka jemau apu ncelakaukanyau?” Ughangtu diam ajau.

⁵Yesus bingung karnau ughangtu nidau endak nimbal. Mangku ngan mara Diau ngina'i gegalau ughangtu ngan ngiciak ngan jemau tadi, katauNyau, “Surungkala tangan kaba!” Jemau itu nyurungkanyau, mangku tanganau ghadu.

⁶Mangku jemau Parisi tadi ngeluagh mangku langsung buijau ngan jemau Herudian endak mbunua Yesus.

⁷Mangku Yesus ngan anak-buaHau nyingkir ke laut Galilia. Mangku banyak jemau jak di Galilia ngikut Diau. Banyak pulau jemau jak di Yudia,

⁸jak di Yerusalim, jak di Idumia, jak di beghang ayiak Yurdan, jak di daira Tirus ngan Sidun. Gegalau ughangtu datang njenguak Yesus, karnau la ndengagh gegalaunyau diau dikerjaukaNyautu.

⁹Ughangtu banyak kematila, mangku Diau ngajung anak-buaHau nyediauka perawu batan endak Diau, supayau jangan diincitka ughangtu.

¹⁰Diau banyak meghaduka jemau, mangku gegalau jemau buidapan besesela'an masighi Diau endak ngecakkaNyau.

¹¹Mangku jemau diau diarung rua ja'at rubua di adapanNyau ngan tegauk, katauNyau, “Kaba Anak Allah!”

¹²Anyautu Yesus negahi nian rua ja'attu ngiciakka sapau Diau.

¹³Mangku Yesus pegi nayiak bukit. Diau mantau jemau diau dikenda'iNyau, mangku ughangtu datang.

¹⁴Mangku Diau milia duau belas ughang, supayau ughangtu guak Diau, mangku diajungAu ngiciakka ceritau iluak,

¹⁵dienjuakkaNyau kuasau endak ngisitka iblis.

¹⁶Ini namau duau belas ughangtu: Simun diau dikiciakka pulau Pitrus,

¹⁷Yakubus, anak Sebedius, ngan adingau Yuhanis. Duau beghadingtu dinamauka pulau Buanergis, retiau anak gurua.

¹⁸Mangku Anderias, Pilipus, Bartulumius, Matius, Tumas, Yakubus anak Alpius, Tadius, Simun jemau Siluttu

¹⁹ngan Yudas Iskariut diau njualka Yesus.

²⁰Yesus masuak ghuma, anyautu jemau banyak datang, mangku ughangtu nidau kungang agi makan.

²¹Denga-sana'Au ndengagh ceritau itu mangku pegi ndepatka Diau, karnau jemau la ngiciak Diautu gilau.

²²Guru-guru ukum Taurat diau datang jak di Yerusalim bekatau, “Diau diarung Bilsebul, pengulu iblistu. Diautu ngenjuakka kuasau ngan Diau endak ngisitka iblis.”

²³Mangku Yesus mantau jemau banyaktu, ngiciak ngan ughangtu pakai cuntau, katauNyau, “Luak manau iblis pacak ngisitka iblis?

²⁴Amun nenggeri teceghai-beghai sangi bemusuan nenggeritu nidau ka ta'an.

²⁵Lagi pulau amun jemau seghuma nidau suijauan ngan bemusuan sughang ngan diau lain, diau ka kacau.

²⁶Luak itula pulau ngan iblis. Amun iblistu teceghai-beghai ngan sangi bemusuan, diau nidau ka ta'an, ka abis kuasaunyau.

²⁷Nidau sughang kia pacak masuak ghuma jemau diau kuat endak merebuti retaunyau, amun diau nidau ngebat jemau itu kudai. La udim dikebat, mangku diau pacak merebut retaunyau.

²⁸Keruanila, gegalau dusau jemau pacak diabiska ngan gegalau gela'an diau dikiciakka jemau.

²⁹Anyautu amun jemau nggelakka Rua Allah, diau nidau pacak diabiska dusaunyautu, karnau gela'antu dusau selelamaunyau.”

³⁰Yesus ngiciak luak itu, karnau adau jemau diau bekatau, bansau Diau diarung iblis.

³¹Mangku ading-ading Yesus ngan ma'Au datang. Ughangtu betegak nunggu di luagh, mangku ngajung jemau mantau Diau.

³²Banyak jemau duduak di guak Yesus, mangku adau jemau ngiciak ngan Diau, “Nginak, mak ngan ading-beghading Kaba adau di luagh, endak betemu ngan Kaba.”

³³Yesus nimbal, “Sapau makKu ngan ading-beghadingKu?”

³⁴Diau ngina'i jemau diau duduak di guak Diau ngan bekatau, “Inila makKu ngan ading-beghadingKu!

³⁵Jemau diau ngerjauka kendak Allah, diautu adingKu ngan makKu.”